රේඛා නිලූ‍ක්ෂි හේරත්
සරත් ෆොන්සේකා අමාත්‍ය ධූරයට දරන වන සංරක්ෂණ හා ගොඩනැගිල්ල වෙනුවෙන් මසකට ලක්ෂ එකසිය දාහත බැගින් වසර පහක් යනතෙක් රුපියල් ලක්ෂ හත්දහස් විස්සක මුදලක් වැය කිරීමට සිදුවන බව වාර්තා වෙයි.
සයිනො ලංකා ප්‍රොපටීස් ප‍්‍රයිවෙට් ලිමිටඞ් නම් සමාගම සතු පෞද්ගලික ගොඩනැගිල්ලක ප‍්‍රාදේශීය සංවර්ධන අමාත්‍යාංශය සඳහා අදාල ගොඩනැගිල්ල ලබාගැනීමට 2016 ජුනි 05 වැනිදා ගිවිසුමක් අත්සන් කර ඇති අතර එම ගිවිසුමෙහි කාලය අවසාන වීමට නියමිතව ඇත්තේ 2021 මැයි 31 වැනිදා බව අනිද්දා පුවත්පතට වාර්තා විය. එම ගිවිසුම අනුව මසකට රුපියල් ලක්ෂ 117ක් අදාල සමාගමට කුලී ලෙස ගෙවිය යුතුය. පසුගිය මාසයේදී නව අමාත්‍ය මණ්ඩල සංශෝධනය සිදුකිරීමෙන් පසුව ප‍්‍රාදේශීය සංවර්ධන අමාත්‍යාංශයට අමතරව වනජීවී අමාත්‍යාංශයද ප‍්‍රාදේශීය සංවර්ධන අමාත්‍ය සරත් ෆොන්සේකා මහතා යටතට පැවරී ඇති අතර ඒ අනුව එම අමාත්‍යාංශ දෙකම එකක් බවට පත්ව ඇත.
ඉන් පසුව ප‍්‍රාදේශීය සංවර්ධන අමාත්‍යාංශයේ කාර්ය මණ්ඩලයට වනජීවී අමාත්‍යාංශය තිබූ සෙත්සිරිපායේ නවවැනි මහලට යෑමට ඉඩකඩ තිබුණද ඒ වෙනුවට සෙත්සිරිපායේ නවවැනි මහලේ සිටි වනජීවී අමාත්‍යාංශයේ කාර්ය මණ්ඩලය අදාල පෞද්ගලික ගොඩනැඟිල්ලට ගෙනයෑමට තීරණය කර තිබුණි.
එසේ වනජීවී අමාත්‍යාංශය අදාල ගොඩනැගිල්ලට ගෙනයෑමෙන් පසුව මාසික කුලිය වැඩිවීමක් සිදු නොවන බව අප කළ විමසීමකදී ප‍්‍රාදේශීය සංවර්ධන අමාත්‍යාංශයේ ඉහළ නිලධාරියෙක් පැවසීය.x
