මහාචාර්ය සරත් විජේසූරිය
දුෂණය හේතුවෙන් ලංකාව විනාශය කරා වේගයෙන් තල්ලූ වුණ රටක් බවට පත් වූයේ කෙසේ ද? දිනෙන් දින තහවුරුවන්නේ ලංකාව අනාගතයක් නැති රටක් බව ද? දුෂණය දේශපාලනඥයන්ගේ, ඔවුන්ගේ පවුල්වල සාමාජිකයන්ගේ හා උසස් රාජ්‍ය නිලධාරීන්ගේ සාමූහික කර්තව්‍යයක් ද? අධ්‍යාපනයෙන් පිබිදුණ කුසලතා පූර්ණ තරුණ තරුණියන් මව්බිම අතහැර යාමට උත්සුක වී සිටින්නේ ඇයි?
ලංකාව දුෂණය ඉහ වහා ගිය රටක් බවට පත් වන්නේ ‘සංවර්ධනයේ’ නාමයෙනි. රටේ නීතිය අවභාවිත කරමින් තව දුරටත් දුෂණ වංචා සිදු වන්නේ ද ‘සංවර්ධනයේ’ නාමයෙනි. මේ විනාශයට දේශපාලනඥයන් තරමටම රටේ දැන උගත් පුරවැසියන් ද වග කිව යුතු වන්නේය.
පතලකට වැටුණ අලියෙකුගේ තත්වයට පත්ව තිබෙන රට ගොඩ ගැනීම උදෙසා කළ යුත්තේ මොනවා ද? ළිඳට වැටුණ මිනිහා ගොඩගත යුත්තේ ළිං කටෙන්ම නම් පතලට වැටුණ අලියා ගොඩගැනීමට ද ක‍්‍රමය එය වේ. එහි අරුත නම් දේශපාලනිකව විනාශ වුණ රට දේශපාලනික ප‍්‍රතිසංස්කරණ මඟින්ම ගොඩ ගත යුතුය යන්නය.
විනාශයේ පසුබිම
හැත්තෑ හතෙන් පසුව වේගයෙන් ‘භෞතික වශයෙන්’ දියුණුව කරා ගමන් කිරීමට ලබා දුන් දේශපාලන නායකත්වය නිසා රටේ වෙනසක් සිදුවුණ බව පිළිගත යුතුය. එ් වෙනස සමඟින්ම දීර්ඝ කාලීනව බලපාන අදෘශ්‍යමාන විනාශයක් ද අතු ඉති ලා වැඩෙන්නට පටන් ගත්තේය. එහි වෙනසක් සිදු කිරීමට ජේආර් ජයවර්ධනගෙන් පසුව බලයට පැමිණි කිසිම පාලකයෙකු සමත් වන්නේ නැත. සෑම පාලකයෙකුම රාජ්‍ය පාලනයට අවතීර්ණ වන්නේ දුෂණයට පෙම් බඳිමින් එ් සඳහා විවෘත මාවත දිගේය.
ධර්මිෂ්ඨ සමාජය
‘ධර්මිෂ්ඨ සමාජයක් ගොඩ නැඟීම’ ජේආර්, මහජන වරමක් වෙනුවෙන් ඔසවන ලද ධජයේ රන් අකුරින් ලියා ප‍්‍රදර්ශනය කළද, බලය තමන් සන්තක වුණ පසුව රටේ සංස්කෘතික ජීවිතයට අදාළව සිදු කළේ අධර්මිෂ්ඨකම්ය. රාජ්‍ය පාලනයට වරම් ලැබීමට ජේආර් තැනුවේ දුෂණය සහ භීෂණය අතිනත් ගත් මාවතකි. එ් මාවතේ ගමන් කිරීමට අධ්‍යාපනයෙන් නිසි දීප්තියක් ලද්දෙකුට හෝ ප‍්‍රාමාණික වෘත්තිකයෙකුට පුළුවන්කමක් නොතිබුණි. එහි ප‍්‍රතිඵලය අද අපි භුක්ති විඳින්නෙමු. අද අප ජීවත්වන්නේ නිසි අධ්‍යාපනයක් ලද, ප‍්‍රාමාණික වෘත්තිකයන්ට මහජන වරමක් ලබා රාජ්‍ය පාලනයට අවතීර්ණවීමට අපහසු යථාර්ථයකය.
හැත්තෑ අටේ ව්‍යවස්ථාව ඔස්සේ ජේආර් ජයවර්ධන දේශපාලන හස්තයට නතු කර ගත්තේ අධිකරණය පමණක් නොවේ. ඉතා නරක අන්දමට රාජ්‍ය සේවය ද ඔහු දේශපාලන හස්තයට නතු කර ගත්තේය.
පවුල් පාලනය
පවුල් පාලනය යන චෝදනාව මුලින්ම ලැබුවේ සිරිමාවෝ බණ්ඩාරනායක මැතිනියයි. අප පාසල් යන කාලයේදී කාටූන් ශිල්පියෙකු විසින් නිර්මාණය කරන ලද කාටූන් පොතක් එක්තරා අන්දමක කැලැ පත්තරයක් ලෙස අවිධිමත් අන්දමට පළවිය. එහි නම ”සත්වසක සාපය” යන්නයි. එහි මූලික චෝදනාව ලෙස මතු කර තිබුණේ බණ්ඩාරනායක මැතිනිය සිය පවුලේ සාමාජිකයන්ට රජයේ තනතුරු පිරිනැමීමය. නිදහස් නිවහල් ධර්මිෂ්ඨ සමාජයක් ගොඩ නඟන බවට ජනතාව ඉදිරියේ ශපථ කළ ජේආර් ජයවර්ධන අවධාරණය කළේ පවුල් පාලනය නිමකරන බවය.
ජේආර් ජයවර්ධන සිය දරුවෙකුටවත්, නීති විශාරදයෙකු වූ සිය සහෝදරයාටවත් රජයේ තනතුරක් නිල වශයෙන් ප‍්‍රදානය කළේ නැත. එහෙත් ඔහු බරපතළ අන්දමට රාජ්‍ය බලය අවභාවිත කිරීමට හැකි පිළිවෙත් නිර්මාණය කළේය. කෙසේ වෙතත් බණ්ඩාරනායක මැතිනියගේ පවුලේ සාමාජිකයන්, විශේෂයෙන්ම දියණිවරුන් එදා දැරූ තනතුරු හා එ් තනතුරු හෙබවූ අන්දම හොඳින් විමසා බලන විට අද පැහැදිලි වන්නේ ඔවුන් රාජ්‍ය බලය, රාජ්‍ය ධනය හෝ රාජ්‍ය දේපළ අවභාවිතයක නිමග්න නොවුණ සැටියකි.
ජේආර්ගේ ඇවෑමෙන් බලයට පත්වන ආර් ප්‍රේමදාස අපකීර්තියට පත්වන තරමට හේමා ප්‍රේමදාස ආර්යාව රාජ්‍ය බලය පරිහරණය කළාය. එහෙත් ඇය රාජ්‍ය ධනය අවභාවිත කළ බවට දරුණු විවේචනයක් නොතිබුණි. සජිත් ප්‍රේමදාස රාජ්‍ය බලය යම් යම් දේ සඳහා පරිහරණය කරන බවට චෝදනා පැවතුණද ඔහු රාජ්‍ය ධනය හා දේපළ අවභාවිත කළ බවට ද දරුණු විවේචනයක් නොතිබුණි.
කවුරුත් දේශපාලනයෙන් හරිහම්බ කර ගැනීම සාමාන්‍ය තත්ත්වයක් වුව, දේශපාලනඥයන් පවුල් පිටින් බලය භුක්ති විඳීම ඔස්සේ දුෂණය පිළිකාවක් ලෙසින් නොපැවතිණි.
ආර් ප්‍රේමදාසගේ ඇවෑමෙන් විධායක ජනාධිපති පදවියට පත් වන ඞීබී විජේතුංග මහතා බලයේ රැුඳීසිටියේ කෙටි කලක් බැවින් නිසාෙදා් රාජ්‍ය බලය සිය පවුලේ සාමාජිකයන්ට උරුම නොවූ සේය. අනතුරුව බලයට පත්වන චන්ද්‍රිකා බණ්ඩාරනායක මැතිනිය දෙදරු මවක වුව ඇගේ දරු දෙදෙනා රාජ්‍ය ධනය හෝ රාජ්‍ය බලය අවභාවිත කළ බවට කිසියම්ම හෝ චෝදනාවක් කිසි දිනක ලබා නැත. රට පාලනය කිරීමට වරම් ලද මවගේ හයියෙන් ජනතාවට හයිරම් පාට් නොදැමීමත්, අධ්‍යාපනයෙන් නිසි දීප්තියක් ලැබීමත්,සම්බන්ධයෙන් චන්ද්‍රිකා මැතිනියගේ දරුවන් දේශපාලනඥයන්ගේ දරුවන්ට සපයන්නේ නිසි ආදර්ශයන්ය.
රාජ්‍ය පාලනයට ලැබුණ වරම ඉතා නරක අන්දමට, අවිනීත අන්දමට පරිහරණය කෙරෙන්නේ මහින්ද රාජපක්ෂගේ දරුවන්ය. රාජ්‍ය බලය හා රාජ්‍ය ධනයත්, රාජ්‍ය දේපළත් අවභාවිත කළ බවට මහින්ද රාජපක්ෂගේ දරුවන් ලංකාවේ පවතින අධිකරණයෙන් යම් අන්දමකට නිදහස් වුවත් ඔවුන් දිවි තිබෙන තුරා සිර දඬුවම් ලැබිය යුතු තරමට තම තමන්ගේ හැකියාවන් පෙන්වා තිබේ. එ් හා සම්බන්ධ තතු විස්තර කළ යුතු නැත.
මහින්ද රාජපක්ෂට විධායක ජනාධිපති පදවිය හෙබවීමට දෙවතාවක්ම මහජන වරමක් ලැබුණි. ශී‍්‍ර ලංකා නිදහස් පක්ෂයට ඉතිහාසයෙන් උරුම වුණ පවුල් පාලනය යන අපවාදය මහින්ද රාජපක්ෂ යළිත් සිය පාලන සමයේ දී ලොව කිසිම නායකයෙකුට සම කළ නොහැකි අන්දමේ අතිප‍්‍රබල වාර්තාවක් පිහිටුවමින් විදහාපෑවේය. එය හෙළා දකිමින්, එ් තත්ත්වය වෙනස් කිරීමට වරමක් ලත් ඔහුගේ අනුප‍්‍රාප්තිකයාට ද සිය නායකයා අනුගමනය කළ මාවතෙන් වියුක්ත වීමට නොහැකි තරම් වීම මොන තරම් විස්මයක් ද?
2015 දී පැවති ජනාධිපතිවරණයේ දී පොදු අපේක්ෂකයා ලෙස කරළියට පැමිණි මෛතී‍්‍රපාල සිරිසේන මහතා මහ හ`ඩින් පැවසුවේ පවුල් පාලනයට තිත තබන බවයි. දුෂණය සහ මුළින්ම නැති කරන බවයි. නීතිය මත රට පාලනය කරන බවයි. ප්රජාතන්ත්රවාදය ශක්තිමත් කරන බවයි. නීතිය කි‍්‍රයාත්මක කරන ආයතනවලට ඇගිලි නොගසන බවයි. අධිකරණයට බලපෑම් නොකරන බවයි. එහෙත් ඉතා කෙටි කාලයක් තුළ ඔහු රාජ්‍ය බලය පවුලේ භුක්තියට සවි කර ගන්නා මාවත කරා අවතීර්ණ වීම උත්ප‍්‍රාසනීය වේ.
දෛවයේ සරදම
මහින්ද රාජපක්ෂගේ දරුවන් තිදෙනා තම පියා රටේ නීති ගරුක පුරවැසියන්ගේ අප‍්‍රසාදයට ලක් කිරීම සඳහා කළ හැකි සෑම සියලූ දෙයක්ම අඩුවක් නැතුව සිදු කළ අතර ශිරන්ති රාජපක්ෂගෙන් ද ඊට නොමඳ අනුග‍්‍රහය ලැබී තිබෙන බව සාක්ෂි සහිතව අනාවරණය වී ඇත. තතු කෙසේ වෙතත් පොදු අපේක්ෂකයා වූ මෛතී‍්‍රපාල සිරිසේන මහතා ජනතාව ඉදිරියේ පවසා සිටියේ දුෂණයෙන් තොර රටක් තමා බිහි කරන බවයි. ඊට අදාළව රමණීය අලංකාරෝක්තිද ජනාධිපතිවරණ වේදිකාවේ දී එතුමා පැවසීය.
තමා ජනාධිපති වුණ පසුව ජනාධිපති මන්දිරයට හෝ අරලිය ගහ මන්දිරයට පදිංචියට නොයන බව පැවසීය. ජනාධිපති ලෙස පවසා සිටියේ තමා ජනාධිපති මන්දිරයේ පදිංචියට නොයන්නට හේතුව අධික විදුලි බිලක් ගෙවන්නට සිදු වන නිසා බවය. මහජන මුදල් එලෙස නාස්ති කිරීමට තමා අකමැති බවද පැවසීය. අද ජනාධිපති මන්දිරය සිය පුතා සහ දියණියත් බෑනාත් රිසි අන්දමට සහ පිරිවර සමඟින් පරිහරණය කරන විට විදුලි බිලක් ගෙවන්නට සිදු නොවන්නේ ද? එවැනි තත්ත්වයක් තිබෙන බව ජනාධිපතිවරයා නොදන්නේ ද? නොදන්නේ නම් ඉදිරි මැතිවරණයක දී සාක්ෂි සහිතව එ්වා වටහා ගැනීමට හැකි වනු ඇත.
පොදු අපේක්ෂකයා ජනාධිපතිවරණයේ දී පැවසුවේ තමාගේ රූපය සහිත කටවුට් ප‍්‍රදර්ශනය නොකරන බවයි. ජනාධිපති ලෙස දිව්රුම් දී පිටු පුරා පුවත්පත් දැන්වීම් කිසිම කටයුත්තක් වෙනුවෙන් පළ කිරීම තහනම් කරන බව ද පැවසීය. නිල සංචාර සඳහා විදේශගත වන විට ගුවන් යානා පුරවා ගෙන සහපිරිවර රැුගෙන නොයන බව ද පැවසීය. ජනාධිපති ලෙස නිදහස් චතුරස‍්‍රයේ දී දිව්රුම් දීම වෙනුවෙන් වැය කළේ සොච්චම් මුදලකි. තමා සරල මනුෂ්‍යයෙකු ලෙස රාජ්‍ය පාලනය සිදු කරන බව පැවසීම ජනතාවගේ සිත්සතන් තුළ සුවඳ කුසුම් විකසිත කළේ යයි පැවසීම නිවැරදිය. සිදු වුණේ කුමක් ද?
මෛතී‍්‍රපාල සිරිසේන මහතා තුළ මහින්ද රාජපක්ෂගේ පාලනයට වඩා වෙනස් පාලනයක් ඇති කිරීමට අදහසක් තිබෙන්නට ඇත. එ් අදහස වෙනස් වූයේ කෙසේ ද? වෙනස් වූයේ විධායක ජනාධිපති පුටුවේ වාඩිවීමෙන් අනතුරුව බව අද වන විට කාටත් හොඳින් පැහැදිලිය.
බලය නැති විට කවුරුත් මානවවාදී, ජනහිතකාමී ප‍්‍රජාතන්ත‍්‍රවාදයේ මුරදේවතාවන් සදිසිය. එහෙත් බලය සමඟින් නූතන දේශපාලන සංස්කෘතිය තුළ කිසිවෙකුට පැවැත්මක් නොමැති ද?
ආර්යාවන්ගේ භූමිකා
ජේආර් ජයවර්ධන ජනාධිපතිවරයා සම්බන්ධයෙන් දරුණු විවේචන හා දෝෂාරෝපණ කරන්නෙකු පවා එතුමාගේ භාර්යාව සම්බන්ධයෙන් කිසි විටක නොමනා වචනයක් පවසා නැත. ලියා නැත. ජේආර්ගේ රාජ්‍ය පාලන ප‍්‍රතිපත්ති කවරාකාර වෙතත් එතුමාගේ භාර්යාව රටේ ප‍්‍රථම විධායක ජනාධිපතිගේ භාර්යාව ලෙස රාජ්‍ය බලය හෝ රාජ්‍ය ධනය මොනම අන්දමකින්වත් අවභාවිත කළ බවට අදවත් ෙදාසක් අසන්නට නැත.
ජයවර්ධන මැතිනිය නොකළ, සිහිනෙන්වත් කරන්නට නොසිතූ දේවල් කරමින් ආර් ප්‍රේමදාස මහතාගේ භාර්යාව රාජ්‍ය බලය අවභාවිත කළාය. රටට විහිළු සපයමින් ගායිකාවක් වූවාය. කී‍්‍රඩිකාවක් වූවාය. හේමා ප්‍රේමදාස ආර්යාව සම්බන්ධව හැදුණ රසවත් කයිකතන්දර අප‍්‍රමාණය. එ්වා ප්‍රේමදාස මහතාගේ ප‍්‍රතිරූපය කෙළෙසීමට ද නොඅඩුව ඉවහල් වූ බව නොරහසකි.
හේමා ප්‍රේමදාස ආර්යාවගේ කටයුතු පුළුන් රොදක් සේ පිඹ හැර, ශිරන්ති රාජපක්ෂ රාජ්‍ය බලය, රාජ්‍ය ධනය, රාජ්‍ය දේපළ අවභාවිත කළ අන්දම ඓතිහාසික අගයකින් අනූන වන්නේය. හේමා ප්‍රේමදාස හැම දෙයක්ම කළේ සතුට සහ විනෝදය සඳහාය. ප්‍රේමදාස සමයේ ඝාතන සංස්කෘතියක් පැවතුණ ද රජ මැඳුරේ සිට නිල හමුදාවට නියෝග ලබා දෙමින් මනුෂ්‍ය ඝාතන සිදු කළේ නැති බවය අසන්නට ලැබෙන්නේ. ශිරන්ති රාජපක්ෂ එ් අතින් වාර්තා පිහිටුවා ඇත. මහින්ද රාජපක්ෂ මහතාගේ පරාජයට එතුමිය සැලකිය යුතු සේවාවක් සිදු කළ බව නොරහසකි.
මහින්ද රාජපක්ෂට පමණක් නොව ශිරන්ති රාජපක්ෂට ද යටහත් පහත්ව සිටි නිවට නියාලූ ඇමතිවරයෙකු නිසාෙදා් විධායක ජනාධිපති පදවියට පත්වුණ පසුව ද මෛතී‍්‍රපාල සිරිසේන මහතාට ශිරන්ති රාජපක්ෂ කළ ¥ෂණ සහ අපරාධ වෙනුවෙන් නීතිය කි‍්‍රයාත්මක කිරීමට තරම් ශක්තිමත් කශේරුවක් නොමැති බවය අද වන විට තහවුරු වී තිබෙන්නේ. එ් දුබලතාව පවසන්නේ තමන්ගේ පුංචි බව පිළිබඳ වද දෙන හැඟීම විය හැකිය.
තතු කෙසේ වෙතත් ගෞරවයෙන් සඳහන් කළ යුත්තේ වත්මන් ජනාධිපති මෛතී‍්‍රපාල සිරිසේන මහතාගේ භාර්යාව ගත වුණ කාලය තුළ කිසිම අන්දමකින් කිසිම තැනක ෙදා්ෂ දර්ශනයට ලක් නොවීමය. එතුමිය කටයුතු කරන්නේ එලීනා ජයවර්ධන ආර්යාව පූර්වාදර්ශයට ගෙන විය හැකිය.
බලය උරුමව විට හිස උදුම්මා නොගත් කාන්තාවක සම්බන්ධව කිවයුතු අනෙක් වැදගත් කාරණාව වන්නේ, රනිල් වික‍්‍රමසිංහ මහතාට දැඩි ලෙස ප‍්‍රහාර එල්ල කරන උදවිය පවා මෛතී‍්‍ර වික‍්‍රමසිංහ මැතිනියට කිසිදු ෙදා්ෂාරෝපණයක් සිදු නොකිරීමය. ජයන්ති සිරිසේන මැතිනිය මෙන්ම මෛතී‍්‍ර වික‍්‍රමසිංහ මැතිනිය රාජ්‍ය බලය අවභාවිත නොකිරීම ඊට මූලික වී ඇති බව පැහැදිලිය.
දරුවන් සහ රාජ්‍ය බලය
දෛවයේ සරදම නම් රාජ්‍ය බලය හා රාජ්‍ය ධනය අවභාවිත කිරීම සම්බන්ධව නාමල් රාජපක්ෂ සහ ඔහුගේ සහෝදරයන් අබිබවන තත්ත්වයකට පත්වීමට ජනාධිපති සිරිසේන මහතාගේ පුත් දහම් සිරිසේනත්, දියණිය චතුරිකා සහ ඇගේ සැමියාත් කෙටි කාලයකින් සමත් වී සිටීමය. ලංකාව නීතිය මත පාලනය වන රටක් නම් මේ තිදෙනා මේ වන විට නීතියෙන් දඬුවම් ලැබිය යුතු තරමට රාජ්‍ය බලය අවභාවිත කර තිබේ. මේ මොන තරම් ඛේදයක් ද?
මෛතී‍්‍ර වික‍්‍රමසිංහ මැතිනියට දරුවන් නොමැති නිසා රාජ්‍ය බලය හා රාජ්‍ය ධනය අවභාවිත කරන දරුවන්ගේ විකුම් ඔස්සේ ගරුනම්බු නාම ලැබීමට රනිල් වික‍්‍රමසිංහ සහ මෛතී‍්‍ර වික‍්‍රමසිංහ අසමත් වී තිබේ. එය එක් අතකට ඔවුන්ගේ වාසනාවක් විය හැකිය.
මහජන වරමක් ලැබුණ පසු පාලකයෙකු එ් වරම ඔස්සේ තමන් සතු වන බලය තමන්ගේ දරුවන්ට ද උරුම යයි සිතන්නේ ද? බිරිඳට සහ ඥාති වර්ගයාටත් උරුම යයි සිතන්නේ ද? තමන්ගේ සහෝදරයන්ටත් උරුම යයි සිතන්නේ ද? වත්මන් දේශපාලන සංස්කෘතියෙන් මේ නම් පිටු දැකිය යුතු තත්ත්වයක් වන්නේය.
රාජපක්ෂ දරුවන්ට අසාමාන්‍ය කුසලතා පහළ වන්නේ පියා රටේ විධායක ජනාධිපති වීමෙන් පසුවය. සිරිසේන මහතාගේ දරුවන්ට සහ බෑණාට ද එය එසේම අදාළ වීම කවර නම් හාස්කමක් ද?
මෛතී‍්‍රපාල සිරිසේන මහතා අමාත්‍යවරයෙකු අවධියේ කිසියම් හේතුවක් මත දැඩි ලෙස ෙදා්ෂ දර්ශනයට ලක් කළ ඩඞ්ලි සිරිසේන නමැති සහෝදරයා අද බැසිල් රාජපක්ෂ අසුන් ගෙන සිටි ආසනයේ අසුන් ගෙන සිටින්නේ ද? ඔහු ඇතැම් නිලධාරීන්ට උපදෙස් දීම හා නියෝග දීම සිදු කරන විට අඹුදරුවන් පෝෂණය කිරීමේ වගකීමෙන් මඬනා ලද අහිංසක රාජ්‍ය නිලධාරීන් බෙලසුන් වීම අරුමයක් නොවන්නේය.
බැසිල් බලයේ හැඩයට වඩා ඩඞ්ලි බලයේ හැඩය වෙනස් වුව බලය ඉවහල් කර ගැනීම සිදු වන්නේ එකම අන්දමකටය. එ් අන් කිසිවක් නොව සිය සහෝදරයාට ලැබුණ ජනවරම අවභාවිත කිරීමය. හැම දේම සිදු වන්නේ එකම විදිහට, එකම තාලයට ද? මේ ලංකාවේ දේශපාලන සංස්කෘතියේ අනන්‍යතාව ද? මීට එරෙහිව නීති ගරුක පුරවැසියන් හැම අවකාශයකදීම නැඟි සිටිය යුතු නොවේ ද?
විසඳුම කුමක් ද?
ලංකාව දුෂණයෙන් ගලවා ගැනීමට නොහැකි ප‍්‍රධාන බාධාව වන්නේ විධායක හස්තයේ අනුහසයි. රාජ්‍ය පාලනයේ යම් තැනක සිට බලයේ රස විඳි කිසි කෙනෙකු විධායක බලය අහෝසි කිරීමට අවංකව කැමති නැති බව සත්‍යයකි. අදත් විධායක ජනාධිපති යනු නීතියට ඉහළින් වැජඹෙන්නෙකි. විධායක ජනාධිපතිට නීතිය කි‍්‍රයාත්මක කරන ආයතනවලට බලපෑම් කිරීමට පුළුවන. අධිකරණයට බලපෑම් කිරීමට පුළුවන. තමන්ට කැමති අය හා තමන්ට අවශ්‍ය අය රටේ ඕනෑම තනතුරකට පත් කිරීමට හැකිය. දුෂණ චෝදනා තිබෙන පුද්ගලයන් වැදගත් තනතුරුවලට හිතේ හැටියට නීති රීති නොතකා හරිමින් පත් කිරීමට පුළුවන. මේ සම්බන්ධයෙන් නම් මෛතී‍්‍රපාල සිරිසේන මහතා මහින්ද රාජපක්ෂ ජනාධිපතිවරයා ද අබිබවන තත්ත්වයක සිටින බව පෙනේ.
මහින්ද රාජපක්ෂ ජනාධිපති පදවිය දරන විට ඔහුගේ දරුවන් පාරේ ගමන් කළේ ආරක්ෂක භටයන් සහ පිරිවර සමඟ වාහන පොකුරක් සමඟය. එ් තත්වයෙන්ම බලය චතුරිකා සිරිසේන ද පරිහරණය කරන අන්දම සුලබ දසුනකි. දහම් සිරිසේන ද පරිහරණය කරන බව සුලබ දසුනකි. ඔවුන්ට රාජ්‍ය බලය පරිහරණය කිරීමට වරමක් ලැබුණේ කෙසේ ද? මේ වූ කලි රටේ යහ පැවැත්මට කිසිසේත් ගැළපෙන තත්වයක් නොවන්නේය. එබැවින් ආණ්ඩුක‍්‍රම ව්‍යවස්ථාව ඔස්සේම මහජන වරම පවුලේ භුක්තියට සවි කර ගැනීම පාලනය කිරීමට අදාළ නෛතික අවකාශය සකස් කර ගත යුතුය. ප‍්‍රශ්නය එ් වෙනුවෙන් අද පාර්ලිමේන්තුවේ සිටින මහජන නියෝජිතයන්ගෙන් කී දෙනෙකු කැමති වේද? සහයෝගය ලබා දේ ද? යන්නයි. එපමණක් නොව එවැනි ප‍්‍රතිපාදන උදෙසා උසස් රාජ්‍ය නිලධාරීන් හෝ අපේ අධිකරණය කවර අන්දමකට දායක වේ ද යන්නත් සැකසහිතය.
