No menu items!
27.4 C
Sri Lanka
29 March,2024

හෙට සිට සංචාරකයන්ට ගමනාගමනයට අවසර

Must read

ජුනි 01 සිට ගුවන් තොටුපළ විවෘත කිරීමෙන් පසු සංචාරකයන්ට මෙරටට පැමිණීමට අවසර ලැබෙන බවත්, මෙරට සංචාරක සීමා පවතින අවස්ථාවලදීත් සංචාරකයන්ට ගමන් කිරීම සඳහා අවසර ලැබෙන බවත් සංචාරක ප්‍රවර්ධන අධිකාරියේ අධ්‍යක්ෂ ජෙනරාල් ධම්මිකා විජයසිංහ ප්‍රකාශ කරයි.

මැයි 31 වැනිදා මධ්‍යම රාත්‍රියේ සිට ගුවන් තොටුපළ විවෘත කිරීමෙන් පසු ගුවන් යානයක පැමිණිය හැකි උපරිම සංඛ්‍යාව 75ක් බවට වන සීමාව යටතේ සංචාරකයන් පැමිණෙනු ඇතැයි ඇය ප්‍රකාශ කළාය.

සංචාරක කර්මාන්තය අපනයන කර්මාන්තයක් ලෙස සලකන බැවින් සංචරණ සීමා යටතේ අනෙකුත් අපනයන සේවාවන්ට ලැබෙන සහන සංචාරක කර්මාන්තයට ලබා දෙන ලෙස සෞඛ්‍ය අමාත්‍යාංශයෙන් ඉල්ලීම් කළ බවත්, ඒ අනුව අනෙකුත් අපනයන සේවාවන්ට ලැබෙන සහන සංචාරක කර්මාන්තයට ලැබෙන බවත් ඇය පැවසුවාය. ඒ අනුව සංචාරකයන්ට ගුවන් ගමන් බලපත්‍රය පාවිච්චි කරමින් සංචාරක සීමා යටතේ ගමන් කිරීමට අවසර ලැබෙන බවත්, ඒ පිළිබඳ පොලිස් නිලධාරීන් දැනුවත් කර ඇති බවත් ඇය ප්‍රකාශ කළාය.

ගුවන් ගමන් සීමා පැවති කාලසීමාවේ ඇතැම් සංචාරකයන් ගෙන්වීමේ වැඩසටහන් නතර වී තිබුණු බවත් ඒවා යළි ක්‍රියාත්මක වන බවත් ඇය කීවාය. පසුගිය කාලසීමාවේ යුක්‍රේනයෙන් සහ කසකස්ථානයෙන් විශේෂ ගුවන් යානාවලින් වැඩි සංචාරකයන් පිරිසක් පැමිණි බවත්, විදේශ කටයුතු අමාත්‍යාංශය ඇතැම් රටවලින් සංචාරකයන් ගෙන්වීමේ විශේෂ වැඩසටහන් පිළිබඳ සාකච්ඡා කර ඇති බවත්, මේ වන විටත් ඇතැම් රටවල්වලින් ශ්‍රී ලංකාවට පැමිණීම සඳහා සීමා පවතින බවත් ඇය ප්‍රකාශ කළාය.

තමා අනුමාන කරන ආකාරයට තවත් සැලකිය යුතු කාලයක් යනතුරු සංචාරක බුබුළු ක්‍රමය ක්‍රියාත්මක කිරීමට සිදු වන බවද ඇය පැවසුවාය.

සිවිල් ගුවන් සේවා අධිකාරියේ අධ්‍යක්ෂ ජෙනරාල් තේමිය අබේවික්‍රමගෙන් අප කළ විමසීමකදී ඔහු පැවසුවේ මැයි 31 මධ්‍යම රාත්‍රියේ සිට සංචාරකයන්ට ගුවන් තොටුපල විවෘත කිරීමේ තීන්දුවේ වෙනසක් නොමැති බවයි. ■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි