No menu items!
19.6 C
Sri Lanka
29 March,2024

සජබ අයිතිය ගන්නවා ඩයනාගෙන් තර්ජනයක්

Must read

සමගි ජන බලවේගය පක්ෂයේ අයිතිය නැවත පවරාගැනීමට තමාගේ සැමියා වන මීට පෙර එම පක්ෂයේ සභාපතිවරයා වූ සේනක ද සිල්වාට නීත්‍යනුකූල බලයක් තිබෙන බව සඳහන් කරමින් ජාතික ලැයිස්තු මන්ත්‍රිනී ඩයනා ගමගේ, එම පක්ෂයේ නායක සජිත් ප්‍රේමදාස වෙත ලිපියක් යොමු කර ඇත.
මාර්තු 25 දිනැතිව යොමු කර ඇති එම ලිපිය ඇයට එරෙහිව සමගි ජන බලවේගයෙන් මාර්තු 27 වැනිදා පැවැත්වීමට නියමිතව තිබුණු විනය පරීක්ෂණය පිළිබඳ ප්‍රතිචාර දක්වමින් යවා ඇති එකකි.
දූරකථනය ලකුණෙන් යුත් සමගි ජන බලවේගය මීට පෙර අපේ ජන බලවේගය යන නමින් යුතු වූ අතර එහි සභාපතිවරයා ලෙස සේනක ද සිල්වා සහ ලේකම් ලෙස ඩයනා ගමගේ මහත්මිය කටයුතු කළාය. ඩයනා ගමගේ මන්ත්‍රීවරිය ප්‍රකාශ කර ඇත්තේ ප්‍රසිද්ධියේ කිව නොහැකි, කරුණු කාරණා සහ ව්‍යවස්ථාපිත උපනතීන් අනුව නැවත අපේ ජාතික පෙරමුණේ කෘත්‍යාධිකාරී මණ්ඩලය හා පක්ෂ නායක සේනක ද සිල්වා නැවත පක්ෂය පවරා ගතහොත් පක්ෂ අයිතිය පිළිබඳ ගැටලු ඇති විය හැකි බවය. විනය කරුණු යැයි සඳහන් ලිපි තමා වෙත ලැබුණහොත් ඉදිරියේදී ‘මේ පිළිබඳ සත්‍යය රටට හෙළිදරව්’ කරන බව ඇය ලිපියේ සඳහන් කර ඇත.
කෙසේ වෙතත් අප කළ විමසීමකදී සමගි ජන බලවේගයේ උප සභාපතිවරයෙකු වන පාර්ලිමේන්තු මන්ත්‍රී ලක්ෂ්මන් කිරිඇල්ල ප්‍රකාශ කළේ එලෙස පක්ෂය පවරා ගැනීමට කිසිදු නීතිමය ප්‍රතිපාදනයක් නොමැති බවත්, එය ඇගේ ප්‍රකාශයක් පමණක් බවත්ය. ඇයට මාර්තු 27 වැනිදා විනය පරීක්ෂණයක් සඳහා කළ කැඳවීමට අනුව ඇය ඉදිරිපත් නොවූ නිසා ඉදිරියේදී ඇගේ පක්ෂ සාමාජිකත්වය ඉවත් කිරීමේ හැකියාව පවතින බව ඔහු වැඩිදුරටත් ප්‍රකාශ කළේය.■

 

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි