මුහුදු මාර්ගයෙන් ඉන්දියාවේ සිට නීති විරෝධීව මෙරටට කොවිඞ් ආසාදිත පුද්ගලයන් පැමිණීමේ අවදානමක් ඇති බව නාවික හමුදා මාධ්‍ය ප්‍රකාශක කපිතාන් ඉන්දික ද සිල්වා ප්‍රකාශ කළේය.
ඉන්දියාවේ සිට මුහුදු මාර්ගයෙන් නීති විරෝධී ලෙස පුත්තලම, මන්නාරම, යාපනය ප්‍රදේශවලට සංක්‍රමණය වන පුද්ගලයන් හරහා කොවිඞ් වසංගතය බෝ විය හැකි බවට පළවන මාධ්‍ය වාර්තා පිළිබඳ අනිද්දා කළ විමසීමට පිළිතුරු දෙමින් ඔහු ඒ බව ප්‍රකාශ කළේය.
පසුගිය ජූලි මාසයේදී ද ඉන්දියාවේ සිට නීති විරෝධීව මුහුදු මාර්ගයෙන් පැමිණෙමින් සිටි සංක්‍රමණිකයන් සිව් දෙනෙකු යාපනය තොණ්ඩමන් ආරු උතුරු ප්‍රදේශයේදී නාවික හමුදාව විසින් අත්අඩංගුවට ගෙන තිබිණි.■
ප්‍රියන්ජිත් ආලෝකබණ්ඩාර
