No menu items!
27.5 C
Sri Lanka
29 March,2024

පොදුජන සන්ධානයේ ගැටුම්

Must read

ඉදිරි මහමැතිවරණයට ඉදිරිපත් විය යුතු ආකාරය පිළිබඳව ආණ්ඩුව නියෝජනය කරන ශ‍්‍රී ලංකා නිදහස් පොදුජන සන්ධානය නමින් හඳුන්වන සන්ධානයේ සාමාජික පක්ෂ සහ ශ‍්‍රී ලංකා පොදුජන පෙරමුණ අතර අතර බරපතළ මත ගැටුමක් ඇතිවී තිබෙන බව වාර්තා වෙයි.

ශ‍්‍රී ලංකා පොදුජන පෙරමුණ පක්ෂ නාමයෙන් හා පොහොට්ටු ලකුණෙන් එම සන්ධානය මහමැතිවරණයට ඉදිරිපත් විය යුතු බව පොදුජන පෙරමුණේ සාමාජිකයන් ප‍්‍රකාශ කරමින් සිටීමත්, එයට අනෙකුත් පක්ෂවල සාමාජිකයන් එකඟ නොවීමත් මෙම මත ගැටුමට හේතුව වී තිබේ. පොදුජන පෙරමුණේ ප‍්‍රබල සාමාජිකයන් වන අමාත්‍ය ප‍්‍රසන්න රණතුංග ඇතුළු පිරිසක් ඒ බව ප‍්‍රසිද්ධියේ ප‍්‍රකාශ කර ඇත. කෙසේ වෙතත් ශ‍්‍රී ලංකා පොදුජන පෙරමුණ යනු තම සන්ධානයේ එක් පක්ෂයක් පමණක් බවත්, එම පක්ෂයෙන් මහමැතිවරණයට ඉදිරිපත් විය නොහැකි බවත් එම සන්ධානයේ සාමාජික පක්ෂ නායකයන් ප‍්‍රකාශ කර තිබේ.

අනිද්දා සමඟ අදහස් දැක්වූ පක්ෂ නායකයෙකු ප‍්‍රකාශ කළේ ශ‍්‍රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ සහ එම පක්ෂයේ ලේකම් සාගර කාරියවසම් ඇතුළු පිරිසකට පොදුජන පෙරමුණ නම් පක්ෂ නාමයෙන් මහමැතිවරණයට ඉදිරිපත් වීමට වුවමනා වී තිබෙන්නේ නාමයෝජනා පිළිබඳ ඒකාධිකාරය ඔවුන් සතුව තබාගැනීමට බවය. මීට පෙර පළාත් පාලන මැතිවරණයට ඉදිරිපත් වූ අවස්ථාවේදීද නාමයෝජනා ලබාදීමේදී ගැටුම් ඇතිවූ බව ඔහු පෙන්වාදුන්නේය. එම නිසා ඉදිරි මැතිවරණයට පොදු සන්ධානයක් යටතේ ඉදිරිපත් විය යුතු බව ඔහු කීය. එම සන්ධානයේ මහලේකම්වරයා ලෙස සියල්ලන්ගේ පිළිගැනීම ඇති ඩලස් අලහප්පෙරුම වැනි නායකයෙකු පත් කරගත යුතු බවද ඔහු කීය.

නව සන්ධානය මැතිවරණ කොමිෂන් සභාව ඉදිරියේ දේශපාලන පක්ෂයක් ලෙස ලියාපදිංචි කළ යුතුයැයි දෙසැම්බර් 02 වැනිදා පොදුජන පෙරමුණේ නායකයන් අතර පැවති රැුස්වීමේදී පක්ෂ නායකයන් පිරිසක් බලපෑම් කළ බවද එම පක්ෂ නායකයා වැඩිදුරටත් පැවසීය. එම බලපෑම මත, සන්ධානය ලියාපදිංචි කිරීමේ කටයුතු පිළිබඳ වගකීම මීට පෙර එක්සත් සමාජවාදී පෙරමුණේ ලේකම්වරයා ලෙස කටයුතු කර ඇති රාජා කොල්ලූරේ මහතාට බාරදී ඇති බවද ඔහු කීය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි