ගාමිණී වියන්ගොඩ, දඹර අමිල හිමි, සමන් රත්නප‍්‍රිය, ධර්මසිරි බණ්ඩාරනායක, සමනලී ෆොන්සේකා ආදි සිවිල් ක‍්‍රියාකාරිකයන් භාණ්ඩාගාර බැඳුම්කර වංචාවේ මහමොළකරු අර්ජුන් අලෝසියස්ගෙන් මුදල් ලබාගෙන ඇතැයි පාර්ලිමේන්තු මන්ත‍්‍රී රංජිත් සොයිසා පසුගියදා පාර්ලිමේන්තුවේදී කළ ප‍්‍රකාශය සම්බන්ධයෙන් අදහස් දක්වමින් පුරවැසි බලයේ සමකැඳවුම්කරු ගාමිණී වියන්ගොඩ අනිද්දා වෙත ප‍්‍රකාශ කළේ තමා හෝ මේ නම් සඳහන් අය හෝ කිසිදු මුදලක් ඍජුව හෝ වක‍්‍රව අදාළ පුද්ගලයාගෙන් ලබාගෙන නැති බවය.
පාර්ලිමේන්තු වරප‍්‍රසාදවලට මුවාවී මෙවැනි අභූත චෝදනා නොකර පාර්ලිමේන්තුවෙන් පිටතදී මෙවැනි ප‍්‍රකාශයක් කරන්නැයි අදාළ මන්ත‍්‍රීවරයා වෙත අභියෝග කරන ඒ මහතා පුළුවන් නම් අලෝසියස්ගෙන් හෝ ඔහුගේ තවත් පාර්ශ්වකරුවෙකුගෙන් හෝ මුදල් ලබාගෙන ඇති බව ඔප්පු කරන්නැයිද අභියෝග කරයි. මෙවැනි ප‍්‍රකාශ කිරීම මගින් තමන්ගේ සහ තම කණ්ඩායමේ හඬ නිහඬ කළ නොහැකි බවද ඔහු වැඩිදුරටත් ප‍්‍රකාශ කළේය.
පුළුවන් නම් ඔප්පු කරන්න ගාමිණී වියන්ගොඩ
- Advertisement -
