No menu items!
19.9 C
Sri Lanka
29 March,2024

පාඨලී චම්පික අත්අඩංගුවට

Must read

හිටපු අමාත්‍ය පාඨලී චම්පික රණවක ඇතුළු අමාත්‍යවරුන් කිහිප දෙනෙකු අත්අඩංගුවට ගන්නට නියමිත බව දැනට සතියකට දෙකකට කලින් සිට නොයෙකුත් ප‍්‍රචාරයන් දියත් විය. ඒ ප‍්‍රචාරයන් අතර වර්තමාන ආණ්ඩුවේ ප‍්‍රබලයන්ගේ ප‍්‍රකාශ ද විය. මේ ප‍්‍රචාරයන් අතර වඩා උස් හඬින් කියවුණේ හිටපු අමාත්‍ය රාජිත සේනාරත්න නොදුරේදීම අත්අඩංගුවට ගන්නට නියමිත බවය.
දැන් එහි පළමු පියවර හැටියටදෝ හිටපු අමාත්‍ය පාඨලී චම්පික රණවක අත්අඩංගුවට ගනු ලැබ තිබේ.

මොකද්ද මේ සිද්ධිය


මෙම සිද්ධිය රිය අනතුරු සිදුවීමක් ය. එම සිදුවීම සිදුවී තිබුණේ 2016 පෙබරවාරි 28 වැනි දිනයේ රාත‍්‍රී 9.45ත් 10ත් අතර කාලයේ ශ‍්‍රී ජයවර්ධනපුර පාර සහ සරණ පාර අතර මංසන්ධියේදීය. එහිදී එවක අමාත්‍ය පාඨලී චම්පික රණවක මහතාගේ නිල රථයේ පිටුපස යතුරු පැදියක් ගැටී තිබුණ අතර එම යතුරු පැදිය ධාවනය කළ සංදීප් සම්පත් බරපතළ ලෙස තුවාල ලබා රෝහල් ගතකර තිබුණි. මෙම සිද්ධිය පිළිබඳව එවක රාජගිරිය වැලිකඩ පොලිසියේ රථවාහන අංශය පරීක්ෂණ පවත්වා අධිකරණයට කරුණු වාර්තා කර තිබුණි. ඒ නඩු අංක 791/7 යටතේ ය. එම නඩු වාර්තාවට අනුව පොලිස් කොස්තාපල් (89454* ලක්මාල් නම් නිලධාරියෙකු එම රිය අනතුර සිදුවූ ස්ථානය පරීක්ෂාවට ලක්කර සටහන් යොදා ඇත.


එහිදී එම නිලධාරියා වාර්තා කරන්නේ බත්තරමුල්ල සිට බොරැුල්ල දෙසට ධාවනය වූ කේපී 7545 රථය ශ‍්‍රී ජයවර්ධනපුර මාර්ගයේ ජනාධිපති විද්‍යාලය අසලදී සරණ මාර්ගයට පිවිසීම සඳහා දකුණට හරවා යෑමේදී බොරැුල්ල දෙස සිට බත්තරමුල්ල දෙසට ධාවනය වූ ඞීඒකේ 2011 නම් අධිවේගී යතුරු පැදිය අදාළ ජීප්රථයේ වම්පස දකුණු රෝදයට පිටුපසින් ගැටීමෙන් යතුරුපැදිකරු එම ස්ථානයේදී තුවාල ලැබූ බවය. මංතීරු තුනක් සහිත මෙම පාර ලිස්සනසුලූ නැති බවද, විදුලි පහන් ආලෝකය නිසා හොඳට පෙනෙන බවද අනතුර සිදුවන අවස්ථාවේදී වාහන තදබදයක් තිබී නැති බවද එම වාර්තාව සඳහන් කරයි. ප‍්‍රධාන මාර්ගයේ පැමිණි ජීප්රථය දකුණට හරවා එම පැත්තේ තුන්වන මංතීරුව පසුකර යන අවස්ථාවේ මෙම යතුරු පැදිය බොරැුල්ල දෙසින් පැමිණ නිලරථයේ පිටුපස වැදී ඇති බවද එම නඩු වාර්තාවේ දැක් වේ.


මෙම සිදුවීමෙන් පසුව මෙම රථයේ රියදුරු රථය සමග බොරැුල්ල පොලිසියට භාරවී ඇත. මෙම සිද්ධිය සිදුවූ අවස්ථාවට පසුව එනම් රාත‍්‍රී 12.30ට පමණ මෙම අනතුරට මුහුණ දුන් යතුරුපැදිය සමග එක පොදියට ගමන් කළ අනෙකුත් යතුරුපැදි තුනෙන් එකක පැමිණි තරුණයන් දෙදෙනෙකු රාජගිරිය වැලිකඩ පොලිසියට ඇසින් දුටු දේට අදාළව ප‍්‍රකාශයක් ලබාදී ඇත. එම සාක්ෂිකරුවන් දෙදෙනා වන්නේ මොහොමඞ් සිද්දික් සහ ගයාෂාන් විදුර ය. සිදුවීමට දින 6කට පසුව මෙම දෙදෙනා නැවත දිවුරුම් ප‍්‍රකාශ මගින් කරුණු දක්වා ඇත්තේ අනතුර ලක්වූ ජීප්රථය එම අවස්ථාවේ ධාවනය කළේ එවක අමාත්‍ය පාඨලී චම්පික රණවක බවය. හිටපු අමාත්‍යවරයා පවසන්නේ මෙම දිවුරුම් ප‍්‍රකාශ ලබාදෙන්නේ රූපවාහිනි නාලිකා දෙකක හිමිකරුවන්ගේ බලපෑම මත බවයි. තමන්ට අවශ්‍ය නම් මෙම දරුවන්ට විරුද්ධව නීති විරෝධී එංජින් ධාරිතාව (1000සීසී* සහිත මෙම යතුරුපැදි ධාවනය කර රාජ්‍ය දේපළකට අලාභ කිරීම පිළිබඳව නඩු පවරන්නට තිබූ බවය. එහෙත් එම දරුවාගේ සහ ඔහුගේ පවුල්වල සාමාජිකයන්ගේ තත්ත්වය සලකා තමන් එලෙස ක‍්‍රියා නොකළ බවය.


කෙසේ හෝ මෙම නඩුව ඉදිරියට ගොස් නඩුකරය අවසන් වන්නේ අපරීක්ෂාකාරී රිය ධාවනය යන වරදට යතුරුපැදිකරුට රුපියල් 3500ක දඩයක්ද නියම කරමින් ය.


මෙලෙස ඉවරවී තිබුණ නඩුවක් නැවත උඩට උස්සා පොලිසිය මෙලෙස හැසිරෙන්නේ ඇයි? පසුගිය 18වැනි දින රාත‍්‍රියේදී හිටපු අමාත්‍ය පාඨලී චම්පික රණවක කොළඹ අපරාධ කොට්ඨාසය විසින් ඔහුගේ බත්තරමුල්ල නිවසේදී අත්අඩංගුවට ගැනීම මගින් මෙම නාටකයේ ඇතුළාන්තය දැන් එළියට නිරාවරණය වී ඇත.

චම්පික අත්අඩංගුවට ගැනීම


පසුගිය දෙසැම්බර් 18 දින හවස 6.20ට පමණ කොළඹ අපරාධ කොට්ඨාසයේ නලධාරීන් 20 දෙනෙකුගෙන් පමණ යුත් කණ්ඩායමක් හිටපු අමාත්‍යවරයාගේ බත්තරමුල්ල ජයන්තිපුර පාරේ පිහිටි නිවසට ප‍්‍රධාන ගේට්ටුව භාවිත නොකර අප‍්‍රධාන ගේට්ටුවකින් අවසරයකින් තොරව ඇතුල්වී ඇත. එම අවස්ථාව වනවිට හිටපු අමාත්‍යවරයා මහනුවර ගොස් මල්වතු මහනාහිමියන් බැහැදැක සිය නිවසට පැමිණ වැඩි වේලාවක් ගතවී නැත.

කොළඹ අපරාධ කොට්ඨාසයේ ප‍්‍රධානියෙකු වන පොලිස් අධිකාරී නන්දන නම් නලධාරියෙකු සමග එම පොලිස් කොට්ඨාසයේ ස්ථානාධිපතිවරයා ඇතුළු පිරිසක් මෙලෙස හිටපු අමාත්‍යවරයාගේ නිවසට පැමිණ කටඋත්තරයක් ලබාගැනීම සඳහා එම පොලිස් ස්ථානයට රැුගෙන යායුතු බව ප‍්‍රකාශ කර ඇත.


එහිදී හිටපු අමාත්‍ය චම්පික රණවක එම පොලිස් නිලධාරීන්ගෙන් විමසා ඇත්තේ මෙම සිදුවීම පිළිබඳව පාර්ලිමේන්තුව දැනුවත් කළාද යන්නයි. ඒ අනුව නිවසින් පිටතට ගිය පොලිස් නිළධාරීන් නියෝජ්‍ය කථානායකවරයාට අමතා ඇත. ඒ අනුව පැහැදිලි වන්නේ මෙම පොලිස් කණ්ඩායම නිසි දැනුන්දීමකින් තොරව මෙලෙස අමාත්‍යවරයාගේ නිවසට පැමිණ ඇති බවය. මෙහිදී ෆෙස්බුක් සමාජ ජාලය ඔස්සේ සජීවීව හිටපු අමාත්‍යවරයා කරුණු දක්වමින් ප‍්‍රකාශ කරන්නේ පාර්ලිමේන්තුව හෝ අධිකරණය නිසි ලෙස දැනුවත් නොකර මෙම පොලිස් නිලධාරීන් තමන්ගේ නිවෙස තුළට ඇතුල්වූ බවය.


ඉන්පසුව මෙම ස්ථානයට පැමිණෙන ජේ්‍යෂ්ඨ නීතිඥ ශිරාල් ලක්තිලක විමසා ඇත්තේ මෙම අත්අඩංගුවට ගැනීම කාගේ නියෝගයක් ද යන්නයි. එහිදී ඔවුන් නීතිපතිවරයාගේ ඍජු නියෝගය සහිත අදාළ ලිපිය පෙන්වා ඇත. එහිදී නීතිඥවරයා ප‍්‍රකාශ කර ඇත්තේ නීතිපතිවරයාගේ ඍජු නියෝගයක් තිබුණත් මෙලෙස චණ්ඩින් සේ පැමිණ වරෙන්තුවක් නොමැතිව නිවෙස් පරීක්ෂාවට හෝ අත්අඩංගුවට ගැනීමට හෝ අවසර නැති බවය. කෙසේ හෝ අවසානයේ දණ්ඩ නීති සංග‍්‍රහයේ වගන්ති 113ඒ, 329, 400, 190, 198, 202, සහ 102 යටතේ හිටපු අමාත්‍ය පාඨලී රණවක අත්අඩංගුවට ගෙන ඉහත පොලිස් කොට්ඨාසය වෙත රැුගෙන ගොස් ප‍්‍රකාශයක් සටහන් කරගෙන, පසුව කොළඹ අලූත්කඬේ උසාවි අංක 4 වෙත ඉදිරිපත් කර ඇත.


එම අවස්ථාවේදී අධිකරණ පරිශ‍්‍රය මාධ්‍යවේදීන්ට සිය වාර්තාකරණය සඳහා තහනම් ප‍්‍රදේශයක් වීමද විශේෂය. එහිදී පසුදින එනම් දෙසැම්බර් 19 වැනි දා දක්වා හිටපු අමාත්‍ය පාඨලී චම්පික රණවක රිමාන්ඞ් බන්ධනාගාර ගතකරන්නට උසාවි නියෝග හිමිවී ඇත.

අන්තර් ජාතික අවධානය


ඉන්දියාවේ අසදබ වැනි අන්තර්ජාතික මාධ්‍ය ආයතන මෙම සිදුවීම දේශපාලන පළිගැනීමක් ලෙස වාර්තා කරමින් තිබීම, මෙම සිදුවීම ලෝක අවධානයට ලක්වීමට හේතුවී ඇත. මෙම අත්අඩංගුවට ගැනීමත් සමග විපක්ෂ නායක සජිත් පේ‍්‍රමදාසද එම පොලිස් ස්ථානයට ගොස් ඇති අතර එජාප නායක රනිල් වික‍්‍රමසිංහ හිටපු අමාත්‍යවරයාගේ නිවසට පැමිණ ඇත. මෙහිදී අධිකරණය අසලට මෙන්ම එම පොලිස් ස්ථානය වෙත ගිය හර්ෂ ද සිල්වා වැනි හිටපු මැතිඇමතිවරුන් මෙම අත්අඩංගුවට ගැනීම දේශපාලන පළිගැනීමක් බව ප‍්‍රකාශ කරමින් ආණ්ඩුවට චෝදනා කරනු පෙනිණි.
මහ? රියදුරු දිලූම් තුෂිතගේ නිවසට ගොස් ඔහුගේ බිරිඳ සහ කිරි දරුවා රැුගෙන පැමිණීමේ සිට මෙම සිදුවීමේදී කොළඹ අපරාධ කොට්ඨාසයේ හැසිරීම පිළිකුලින් හෙළාදැකිය යුතුය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි