ජනාධිපතිවරණයේදී සිය සහාය ලබාදීම පිළිබඳ තීරනයක් ගනු ලබන්නේ ජනාධිපතිවරණ අපේක්ෂකයන්ගේ ප‍්‍රතිපත්ති ප‍්‍රකාශ ඉදිරිපත් කිරීමෙන් පසුව බව ටීඑන්ඒ පාර්ලිමේන්තු මන්ත‍්‍රී චාල්ස් නිර්මලනාදන් මහතා අනිද්දා සමඟ පැවසීය.
මීට පෙර තම පක්ෂය ඇතුළු පක්ෂ පහක් එකතු වී ජනාධිපති අපේක්ෂකයන්ට යැවු ඉල්ලීම් 13ක යෝජනාවලියට කැමති වන අපේක්ෂකයාට සිය සහාය ලබාදෙනු ඇති බවට වූ ප‍්‍රචාරය අසත්‍යයක් බවද ඔහු පැවසීය.
කුමන අපේක්ෂකයෙකුට සහය ලබා දෙන්නේ දැයි පිළිබද සාකච්ඡුා කිරීම සඳහා දෙමළ ජාතික සන්ධානයේ පක්ෂ නායකයන් සහ මන්ත‍්‍රීවරුන් දසදෙනෙකු ඔක්තෝම්බර් 23 වන දින පාර්ලිමේන්තු සංකීර්ණයේදී රැුස්වුණ බවත් මෙතෙක් ජනාධිපතිවරණය සඳහා ඉදිරිපත්ව සිටින ප‍්‍රධාන අපේක්ෂයන් දෙදෙනාම තම ප‍්‍රතිපත්ති ප‍්‍රකාශ ඉදිරිපත් කර නොතිබීම නිසා එය ඉදිරිපත් කිරීමෙන් පසු දෙමළ ජාතික සන්ධානය තීරණයකට එළඹිය යුතුයැයි එහිදි තිරණය කල බවත් ඒ මහතා පැවසීය.
උතුරේ ඡුන්ද වර්ජනයකට සුදානමක් ඇතැයි පැවසුවද තම පක්ෂය ඉදිරි ජනාධිපතිවරණ සමයේදි තම ඡුන්දය පාවිච්චි කරන්නැයි ජනතාව දැනුවත් කරමින් සිටින බවත් පසුගිය කාලය තුල උතුරු නැගෙනහිර ජනතාවගේ ප‍්‍රශ්ණවලට යම් ආකාරයකින් හෝ විසදුම් ලබා දුන් පක්ෂයේ අපේක්ෂකයාට උතුරු නැගෙනහිර ජනතාව ඡුන්දය ලබා දීමට ඉඩ ඇති බව ඒ මහතා පැවසිය.
ඉල්ලීම් 13 ඇතුලත් යෝජනාවලියට අත්සන් තබන ලද දෙමළ ජාතික සන්ධානයේ සාමාජික පක්ෂයක් නොවන දෙමළ ජනතා පෙරමුණේ නායක උතුරු පළාත් හිටපු මහඇමති සී.වී. විග්නේෂ්වරන් මහතා පැවසුවේ දෙමළ ජාතික සන්ධානය ඉදිරි ජනාධිපතිවරණය වෙනුවෙන් සහාය ලබාදෙන්නේ කාටද යන්න පිළිබඳව ගන්නා තීන්දුව සමඟ තම පක්ෂයද කටයුතු කරන බවයි. රට ආපස්සට නොයා යුතු යැයි තමා විශ්වාස කරන බවද ඔහු වැඩිදුරටත් පැවසීය.
