No menu items!
19.9 C
Sri Lanka
29 March,2024

දූරකථන නිරීක්ෂණ නීතියට පිටින්ද?

Must read



හිටපු අමාත්‍ය පාඨලී චම්පික රණවකත් අනිවාර්ය නිවාඩු යවන ලද පොලිස්පති පූජිත් ජයසුන්දරත් අතර සිදුවූවායැයි කියනු ලබන දූරකථන සංවාදවලට අදාළ දූරකථන ඇමතුම් වාර්තා ගැන මාගල්කන්දේ සුදත්ත හිමි පසුගියදා මාධ්‍යයට කිව්වේය.


ඒ 2016 වර්ෂයේදී සිදුවූ දැන් චම්පික රණවක මන්ත‍්‍රීවරයාට චෝදනා එල්ලවී ඇති සිද්ධිය සම්බන්ධයෙන් මාධ්‍ය සාකච්ඡුාවක් පවත්වා අදහස් දක්වමින්ය.
සුදත්ත හිමි එම මාධ්‍ය සාකච්ඡුාවේදී දූරකථන ඇමතුම් වාර්තා පෙන්වමින් කියන්නේ එම රිය අනතුර සිදුවූ අවස්ථාවේදී එවක අමාත්‍ය පාඨලී චම්පික රණවක හා එවක කොළඹ ප‍්‍රදේශය භාර නියෝජ්‍ය පොලිස්පති පූජිත් ජයසුන්දර අතර සිදුවූ දූරකථන ඇමතුමක් ගැනය.


මෙහිදී ප‍්‍රධාන ප‍්‍රශ්න කිහිපයක් පැන නගී. පාඨලී චම්පික රණවක මහතාගේ හෝ පූජිත් ජයසුන්දර මහතාගේ දූරකථන ඇමතුම් වාර්තා මාගල්කන්දේ සුදත්ත හිමිට ලැබුණේ කෙසේද යන්න එක් ප‍්‍රශ්නයකි.


දූරකථන ක‍්‍රියාකාරු සමාගම්වලින් යම් පුද්ගලයෙකුගේ දූරකථන ඇමතුම් වාර්තා ලබාගත හැක්කේ අධිකරණ නියෝගයකින් පමණය. ඒද පරීක්ෂණ පවත්වන ආයනයකට පමණි.
මාගල්කන්දේ සුදත්ත හිමිට එම දූරකථන ඇමතුම් වාර්තා දුන්නේ එම සිද්ධිය පිළිබඳ පරීක්ෂණ පවත්වන සීසීඞීයද, නැතහොත් දූරකථන සමාගමක්ද? සීසීඞීය චම්පික රණවක මන්ත‍්‍රීවරයාගේ හෝ පූජිත් ජයසුන්දර මහතාගේ දූරකථන ඇමතුම් වාර්තා අධිකරණයට ඉදිරිපත් කර තිබුණේ නම් ඒ මාර්ගයෙන් එම වාර්තා සුදත්ත හිමි අතට පත්වී ඇතැයි කිව හැක. එහෙත් අධිකරණයට කරුණු වාර්තා කිරීමේදී දූරකථන ඇමතුම් වාර්තා සීසීඞීය ඉදිරිපත් කළ බවක් වාර්තා වන්නේ නැත.
එමෙන්ම පරීක්ෂණ කණ්ඩායම් යම් පුද්ගලයන්ගේ දූරකථන විස්තර ලබා ගැනීම සඳහා අධිකරණයෙන් අවසර ලබාගැනීමටත් පෙර එම පුද්ගලයන්ගේ දූරකථන ඇමතුම් විස්තර විශේෂයෙන්ම රාජපක්ෂ හිතවාදීන්ගේ මාධ්‍ය සාකච්ඡුාවලදී හා රාජපක්ෂවාදී මාධ්‍ය මගින් ප‍්‍රචාරය වනුද දැන් දක්නට ලැබේ.


එය අතිභයානක තත්වයකි. පුරවැසියන්ගේ පෞද්ගලිකත්වය අනතුරේ හෙළීමකි. මේ ¥රකථන ඇමතුම් වාර්තා මේ බාහිර පුද්ගලයන්ගේ අතට පත්වන්නේ දූරකථන සමාගම්වලින්ද පොලීසියෙන්ද යන්න තෝරා බේරාගත නොහැකිය.


එහෙත් ඒ සම්බන්ධයෙන් යම් අනුමානයක් කළ හැකිය. ඒ පසුගිය මහින්ද රාජපක්ෂ පාලන සමයේදී අධිකරණ අවසරයකින් තොරව එම දූරකථන ඇමතුම් තොරතුරු වෙත ප‍්‍රවේශ වීමට දූරකථන සමාගම් ආරක්ෂක අංශවල යම් පිරිසකට නිල නොවන ආකාරයට අවසර දී තිබූ බවට ඇති අත්දැකීම නිසාය.


මේ දැන් යළි සිදුවෙමින් පවතින්නේත් එයම විය හැකිය. ස්විස් තානාපති කාර්යාල සේවිකා ගානියා බැරිස්ටර් ෆ‍්‍රැන්සිස්ගේ සිද්ධියේදීත් ඇය ගමන් කළ ස්ථාන හා කාලවේලාවන් පිළිබඳව සීඅයිඞීය අධිකරණයට කරුණු වාර්තා කරන්නටත් පෙරම ආණ්ඩුවේ ප‍්‍රධානීනුත්, රාජපක්ෂවාදී මාධ්‍යයත් ඒ පිළිබඳව කීවේ දූරකථන දත්ත තොරතුරු වෙත මේ අනවසර ඇතුල්වීම නිසා විය යුතුය.


දැන් නැවත ආරම්භ වී ඇත්තේ පුරවැසියන්ගේ සියලූ පෞද්ගලික ක‍්‍රියාකාරකම් නිල නොවන ආකාරයට වත්මන් ආණ්ඩුව නිරීක්ෂණය කරමින් සිටින මිලිටරි රාජ්‍යයද?

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි