No menu items!
27.5 C
Sri Lanka
29 March,2024

දුමින්ද බේරන්න මාධ්‍යවේදීන්ට අල්ලස්

Must read

අරුණ ජයවර්ධන

අභියාචනාධිකරණයේ මේ වන විට විභාග වෙමින් පවතින භාරත ලක්‍ෂ්මන් පේ‍්‍රමචන්ද්‍ර ඝාතනය සම්බන්ධ අභියාචනයේදී, දුමින්ද සිල්වා ඇතුළු විත්තිකරුවන්ගේ නීතිඥවරුන් ඉදිරිපත් කරන, දුමින්ද සිල්වා අහිංසකයකු බව කියැවෙන කරුණු පමණක් සිය පුවත්පත්වල පළකිරීමත්, පැමිණිල්ල වෙනුවෙන් රජයේ නියෝජ්‍ය සොලිසිටර් ජෙනරාල්වරයා ඉදිරිපත් කරන කරුණු පළ නොකර සිටීමත් සඳහා, තෝරාගත් මාධ්‍යවේදීන්ට අල්ලස් දීමේ වැඩපිළිවෙළක් පසුගිය දිනවල ක‍්‍රියාත්මක වෙමින් පැවති බව අනිද්දා වෙත වාර්තා වෙයි.
එවැනි එක් මාධ්‍යවේදියකුට ලැබෙන අල්්ලස් මුදල රුපියල් ලක්‍ෂ එකහමාරක් බැගින් වන බවද වැඩිදුරටත් වාර්තාවෙයි. මේ බව අපරාධ පරීක්‍ෂණ දෙපාර්තමේන්තුවටද වාර්තාවී ඇති අතර, ඔවුන් ඒ ගැන නීතිපති දෙපාර්තමේන්තුවද දැනුවත් කර ඇත.

විත්තිකරුවන්ගේ පාර්ශ්වයේ ධනවත් ව්‍යාපාරිකයන්ගෙන් ඒ සඳහා ලැබුණු මුදල් ජනමාධ්‍යවේදීන් අතර බෙදාදීම සඳහා මැදිහත් වී තිබෙන්නේ රටේ ජාතිවාදය පැතිරවීමට කටයුතු කරන සති අන්ත ජාතික පුවත්පතක මාධ්‍යවේදියෙකි. මාධ්‍යවේදීන්ට වඩා ඉහළින් සිටින සංස්කාරකවරුන්ටද මේ මුදල් ලැබී ඇති බව පැවසෙන අතර, අල්ලස් ලබා නොගත් මාධ්‍යවේදීන් අපක්‍ෂපාතීව දුමින්ද සිල්වාගේ නඩුව ගැන වාර්තාව සකස්කොට මේ සංස්කාරකවරුන්ට දුන් විට ඔවුන් එහි ඇති දුමින්ද සිල්වාට අවාසි සහගත කොටස් කපා හරින බවද දැනගන්න ලැබේ.

මේ තත්ත්වය මත, පසුගිය දිනවල බොහෝ විද්‍යුත් හා මුද්‍රිත මාධ්‍යවල පළවුණේ, දුමින්ද සිල්වාගේ පාර්ශ්වයේ නීතිඥවරුන් අධිකරණයට ඉදිරිපත් කරන කරුණු, ‘ඔප්පු වූ කරුණු’ හැටියටය. එම කරුණු ‘අධිකරණයද පිළිගත් බවත්, පැමිණිල්ලේ නියෝජ්‍ය සොලිසිටර් ජෙනරාල්වරයාද පිළිගත් බවත්’ ආදි වශයෙන් විකෘති කොට, එම වාර්තාවල විශේෂයෙන් දැක්වුණි.

මාධ්‍යවේදීන් හංගන කතාව  කියවන්න

https://news.gettopten.com/%e0%b6%af%e0%b7%94%e0%b6%b8%e0%b7%92%e0%b6%b1%e0%b7%8a%e0%b6%af-%e0%b7%83%e0%b7%92%e0%b6%bd%e0%b7%8a%e0%b7%80%e0%b7%8f-%e0%b6%b8%e0%b7%92%e0%b6%b1%e0%b7%93%e0%b6%b8%e0%b6%bb%e0%b7%94%e0%b7%80/

 

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි