No menu items!
27.4 C
Sri Lanka
29 March,2024

ජවිපෙ අතහැරිය වෝහාරික වාර්තා යෂ්ටිය

Must read

ජනාධිපති ගෝඨාභය රාජපක්ෂ පාර්ලිමේන්තුවේ නව සැසිය ජනවාරි 3 දින ආරම්භ කරනු ලැබුවත් යළි පාර්ලිමේන්තුවේ වාර අවසාන කිරීමක් ගැන තවම ඉඟි පළවී නැත.
පාර්ලිමේන්තුව යළි ඇරඹීමෙන් පසු වඩාත්ම කතා වූයේ ශ‍්‍රී ලංකා මහ බැංකුවේ බැඳුම්කර වෙළඳාමට අදාල වෝහාරික විගණන වාර්තා ගැනය. මෙම වෝහාරික විගණන ශ‍්‍රී ලංකා මහබැංකුව සිදුකරනු ලැබුයේ 2015 හා 2016 වර්ෂවලට අදාල බැඳුම්කර වෙන්දේසි සම්බන්ධව හිටපු ජනාධිපති මෛත‍්‍රීපාල සිරිසේන පත්කළ ජනාධිපති කොමිසමේ නිර්දේශයන් අනුවය. ඒ අනුව ශ‍්‍රී ලංකා මහ බැංකුව 2002 වර්ෂය දක්වා ඈතට යන පරිදි වෙන්දේසි සම්බන්ධයෙන් වෝහාරික විගණනයක් සිදුකරනු ලැබීය.


එම වෝහාරික විගණන වාර්තා ශ‍්‍රී ලංකා මහ බැංකුවට හිටපු ජනාධිපතිවරයාට බාරදුන් අතර ඔහු එය නීතිපතිවරයාට යොමුකරනු ලැබීය. නීතිපතිවරයා එහි පිටපත් මුදල් ඇමතිවරයාට හා පාර්ලිමේන්තුවේ කෝප් කමිටුවට යොමුකරනු ලැබීය.


නව ජනාධිපතිවරයා තේරී පත්වීමෙන් පසු ආණ්ඩුව ඉල්ලා අස්වීමත් මුදල් අමාත්‍යවරයාද වෙනස් වීම තුළ එය දැන් ඇත්තේ නව මුදල් අමාත්‍ය මහින්ද රාජපක්ෂ ළඟය. පාර්ලිමේන්තුවේ කෝප් කමිටුවට ලබාදුන් පිටපත ඇත්තේ එම කමිටු කාර්යාලයේය. නව ජනාධිපතිවරයා පාර්ලිමේන්තුවේ වාරාවසාන කිරීමට පසු දින කෝප් කමිටුව රැුස්වන්නට නියමිතව තිබුණ අතර එහිදී එම වාර්තාව ගැන සාකච්ඡුා කරන්නට නියමිතව තිබුණි. පාර්ලිමේන්තුවේ වාරවසාන කිරීම හේතුවෙන් කෝප් කමිටුව අහෝසි වුණ අතර එම වාර්තාව දැන් සලකා බැලිය හැක්කේ අලූතෙන් පත්වන කෝප් කමිටුවකට බව කෝප් කමිටුවේ හිටපු ජනාධිපති ජවිපෙ මන්ත‍්‍රී සුනිල් හඳුන්නෙත්ති කියා ඇත.


වාරාවසානයෙන් පසු පාර්ලිමේන්තුව යළි රැුස්වීමෙන් පසු වෝහාරික විගණන වාර්තාව පාර්ලිමේන්තුවට ඉදිරිපත් කරන ලෙස වත්මන් විපක්ෂයේ එජාපය දැඩි ලෙස ඉල්ලා තිබුණි. ඊට රාජපක්ෂ ආණ්ඩුව නිසි පිළිතුරක් දී තිබුණේ නැත.


එමෙන්ම පාර්ලිමේන්තුවෙන් පිට වෝහාරික විගණන වාර්තා ගැන ප‍්‍රශ්න කරන විට අසන විට එම වාර්තා ප‍්‍රසිද්ධියට පත්කිරීම සම්බන්ධයෙන් රාජපක්ෂ ආණ්ඩු නියෝජිතයන් නිසි පරිදි පිළිතුරු ලබාදුන්නේ නැත. ඔවුන් හැමවිටම උත්සාහ කළේ එය මඟහැර යෑමටය.
දැන් එම මඟහැර යෑමෙනුත් එහාට ගොස් එම වෝහාරික විගණනයට පහරදෙන තත්වයට රාජපක්ෂ බැල මෙහෙවර කරන්නන් පත්වී සිටී. හිටපු මහබැංකු අධිපතිවරයෙකු වූ අජිත් නිවාඞ් කබ්රාල් වෝහාරික විගණනය සැක කිරීම ඊට ඇති හොඳම උදාහරණයය.


බැඳුම්කර සම්බන්ධයෙන් එජාප හොරුන්ගේ හොරකම් වඩා විස්තරාත්මකව හෙළිදරව් වනවා නම් පෙර රාජපක්ෂ ආණ්ඩුවේ ශ‍්‍රී ලංකා මහ බැංකුවේ තනතුරුලාභීන් ඒ ගැන මෙතරම් බිය යුතු නැත. ඒ බියට හේතු තිබිය හැක. අජිත් නිවාඞ් කබ්රාල් මහතාගේ සහෝදරිය පර්පෙචුවෙල් ටෙ‍්‍රෂරීස් සමාගමේ අධ්‍යක්ෂවරියක ලෙස කටයුතු කළා යන හේතුව නම් විය නොහැකිය. පෙනෙන්නට ඇත්තේ මේ බිය ඊට වඩා බරපතළ හේතු නිසා ඇතිවී ඇති බවයි.


එහෙත් ඒ බියට අදාල නිශ්චිත හේතු තවම නිල හෝ නොනිල වශයෙන් සමාජගත වී නැත. එසේ වුවද රන්ජන් රාමනායක මන්ත‍්‍රීවරයා සතුව තිබුණේයැයි කියන පොලීසිය භාරයට ගත් හඬ පට නම් ආණ්ඩුවේ නියෝජිතයන් මගින් මෙන්ම ආණ්ඩුවට හිතවත් මාධ්‍ය මගින්ද දැන් ප‍්‍රචාරය වෙමින් තිබේ. මේ හඬ පට සම්බන්ධයෙන් ගත් කළ රන්ජන් රාමනායක මහතා ළඟ ඒවාහි වෙනත් පිටපතක් තිබී ඔහු හෙළිදරව් කළොත් හැර ඒවා පිටතට ගොස් ඇත්තේ පොලීසිය මාර්ගයෙන් බව පැහැදිලිය.

\
වෝහාරික විගණන වාර්තාව නම් එසේ නොවේ. එය ශ‍්‍රී ලංකා මහ බැංකුව, ජනාධිපතිවරයා, නීතිපතිවරයා, මුදල් ඇමතිවරයා හා කෝප් කමිටුව හමුවේ තිබේ. මේ ඕනෑම තැනකින් මේ වාර්තාව එළියට යා හැකිය. එහෙත් එසේ එළියට විත් නැත.


එය එළියට එනවා නම් එන්නට තිබුණ හොඳම තැන වූයේ පාර්ලිමේන්තුවය. කෝප් කමිටු හිටපු සභාපති සුනිල් හඳුන්නෙත්ති මගින්ය. එම වාර්තාව නිල හෝ නොනිල යන ඕනෑම ආකාරයකින් හෙළිදරව් කිරීමේ හැකියාව ඔහුට තිබුණි.


එම වාර්තාව නිල වශයෙන් හෙළිදරව් කිරීමට වුවමනාවක් තිබුණේ නම් කෝප් කමිටුව එම වාර්තාව ලැබුණු විගසම කැඳවීමේ හැකියාව තිබුණි. සුනිල් හඳුන්නෙත්ති මන්ත‍්‍රීවරයාට එම වාර්තාව පාර්ලිමේන්තු වාරාවසානයට පෙර රැුස්වූ අවස්ථාවේ පාර්ලිමේන්තුවේ සභාගත කරන්නට තිබුණි. නොඑසේ නම් නිල නොවන වශයෙන් එම වාර්තාව සමාජගත කරන්නට ඔහුට තිබුණි.
රටේ වංචාව ¥ෂණය පිටුදැකීම වෙනුවෙන් කටයුතු කරන හා කථා කරන පක්ෂයක් වශයෙන් ජවිපෙ නියෝජිතයාට ඒ දේ කිරීමේ හැකියාව හොඳටම තිබුණි. ඔහු නොවෙතත් ඔවුන්ගේ ¥ෂණ විරෝධී සංවිධානය නියෝජනය කරන වසන්ත සමරසිංහ මහතාට එම හෙළිදරව් කිරීම් සිදුකිරීමට ලබා දෙන්නට තිබුණි.


එහෙත් ජවිපෙ නියෝජිත සුනිල් හඳුන්නෙත්ති මන්ත‍්‍රීවරයා මෙහිදී කළේ ඔවුන් ධනපති යැයි කියාගන්නා පක්ෂවලටත් වඩා හොඳින් පාර්ලිමේන්තු සම්ප‍්‍රදායන් හා වත් පිළිවෙත් පොරවා ගැනීමය. අකටයුතු නාදක (විස්ල් බ්ලෝවර්ස්* යෂ්ටිය දැනුවත්ව හෝ නොදැනුවත්ව අත්හැරීමය.
ජවිපෙ වැනි පක්ෂයක් ඔළුගෙඩි ගණනින් පාර්ලිමේන්තුවේ බලය ලබාගැනීමට හෝ යම් කේවල් කිරීමක් දක්වා බලය ලබාගන්නා තෙක් කළ යුතු කාර්ය වන්නේ මහජන දේපළ හා මුදල් සම්බන්ධයෙන් අවභාවිතා සිදුවන විටදී ඊට එරෙහිව ප‍්‍රසිද්ධියේ බැරිනම් අකටයුතු නාදකයන් ලෙස හෝ අප‍්‍රසිද්ධියේ කටයුතු කිරීමය. එය පාර්ලිමේන්තුවේ කෝප් කමිටුව සම්බන්ධයෙන් පමණක් නොව අනෙකුත් කමිටු සම්බන්ධයෙන්ද අදාලය.

පුරවැසියා

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි