No menu items!
27.5 C
Sri Lanka
29 March,2024

ඡන්දය දීම ගැන ෆ්‍රයිඬේ ෆෝරම් කියයි

Must read

එළැඹෙන මහමැතිවරණයේදී කරුණු කිහිපයක් මත ඡන්දය දීම ගැන පුරවැසියන් තීරණය කළ යුතුයැයි ‘ෆ්‍රයිඬේ ෆෝරම්’ සංවාද මණ්ඩපය කියයි.

නිවේදනයක් නිකුත් කරමින් ෆ්‍රයිඬේ ෆෝරම් කියා සිටින්නේ, මේ තීරණාත්මක අවස්ථාවේ ඡන්දය පාවිච්චි කිරීමේදී බරපතළ අපරාධ ගැන වාර්තාවක් නැති, මූල්‍ය දූෂණ, අකාර්යක්‍ෂමතාව, මහජන තනතුරක් දරද්දී ආත්මාර්ථකාමීව බලය අවභාවිත කිරීම වැනි චෝදනා නැති පුද්ගලයන් සඳහා ඡන්දය පාවිච්චි කළ යුතු බවයි. අපේ ජනතාවගේ විවිධත්වය අවබෝධ නොකරගත් හා විවිධත්වයට ගරු නොකරන අයට ඡන්දය පාවිච්චි නොකළ යුතුයැයිද එම නිවේදනය කියයි. අපට අවශ්‍ය වන්නේ මහජනතාවට වගවීමක් ඇති ශක්තිමත් රාජ්‍ය ආයතනද නැතිනම් විධායක ජනාධිපතිවරයකුගේ අසීමාන්තික බලතලද යන්න තීරණය කර ඡන්දය පාවිච්චි කළ යුතු බවද නිවේදනය කියයි. රටට අවශ්‍ය ආර්ථික වර්ධනය සහ තිරසාර සංවර්ධනය අත්පත් කරදීමට සංවරණයක් නැති බලයට සහ අධිකාරවාදී නායකත්වයකට මෙන්ම හමුදාකරණයට හැකියාව තිබේද යන්නද මෙම මහමැතිවරණයේදී සලකා බැලිය යුතු බව ෆ්‍රයිඬේ ෆෝරම් මණ්ඩපය කියයි.

මහාචාර්ය සාවිත්‍රි ගුණසේකර, ආචාර්ය රධිකා කුමාරස්වාමි, ආචාර්ය ඒ සී විශ්වලිංගම්, මහාචාර්ය රංජිනි ඔබේසේකර, දුලීප් චිකේරා බිෂොප්තුමා ඇතුළු පිරිසක් ෆ්‍රයිඬේ ෆෝරම්හි සාමාජිකයෝ වෙති.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි