No menu items!
27.5 C
Sri Lanka
29 March,2024

ගෝඨා- මහින්ද දෙපිළ රාජ සභාව නිසා ගැටෙති

Must read

කුරුණෑගල නගර සීමාවේ පුරාවිද්‍යාත්මක වටිනාකමක් ඇති ස්ථානයක් කඩා දැමීම පිළිබඳ එල්ලවන චෝදනාව නිසා ජනාධිපති ගෝඨාභය රාජපක්ෂට සහ අගමැති මහින්ද රාජපක්ෂට හිතවත් දේශපාලනඥයන් දෙපිරිසක් අතර මත ගැටුම් ඇතිවී තිබෙන බව වාර්තා වේ.

මහින්ද රාජපක්ෂගේ සමීපතමයෙකු වන අමාත්‍ය ජොන්ස්ටන් ප්‍රනාන්දු කුරුණෑගල නගරාධිපතිවරයාගේ මයිල් ගසකටවත් අත තැබීමට තමා ඉඩ නොතබන බව ප්‍රකාශයක් කර තිබුණු අතර එයට විවේචනය කරමින් අමාත්‍ය විමල් වීරවංශ ප්‍රමුඛ ගෝඨාභය රාජපක්ෂ ජනාධිපතිවරයාට හිතවත් කණ්ඩායම් අදහස් පළකර තිබුණි.

අනිද්දා සමඟ අදහස් දැක්වූ ආණ්ඩුවේ නායකයන් කිහිපදෙනෙකු කී ආකාරයට මෙම සිදුවීම පිළිබඳ පියවරක් නොගතහොත් එය මැතිවරණයට බලපෑමට ඉඩ තිබේ. එම කඩාදැමීමට සම්බන්ධ බවට චෝදනා ඇති කුරුණෑගල නගරාධිපති තුෂාර සංජීව ඇතුළු අනෙකුත් පුද්ගලයන් සම්බන්ධයෙන් නීතිය ක්‍රියාත්මක කරන්නේයැයි ජනතාවට පෙනී යන ආකාරයේ ක්ෂණික පියවරක් ගත යුතු බවත් ඔවුන්ගේ අදහස වී තිබේ.

එහෙත් මහින්ද රාජපක්ෂ, ජොන්ස්ටන් ප්‍රනාන්දු ඇතුළු නායකයන් එයට එරෙහි වී ඇත.  ජොන්ස්ටන් ප්‍රනාන්දු මහතා 2015 මහමැතිවරණයේදී සහ මෙවර මැතිවරණයේදී මහින්ද රාජපක්ෂගේ මැතිවරණ ව්‍යාපාරයට අවශ්‍ය වාහන, කුරුණෑගල ප්‍රදේශයේ ආධාරකරුවන් ආදිය සැපයූ බවත්, ජොන්ස්ටන් ප්‍රනාන්දුගේ සමීපතමයෙකු වන තුෂාර සංජීවද මහින්ද රාජපක්ෂ මහතාගේ මැතිවරණ ව්‍යාපාරයට විශාල සහයෝගයක් දක්වා ඇති බවත් අනිද්දා සමඟ අදහස් දැක්වූ කුරුණෑගල දිස්ත්‍රික්කයේ නායකයන් කිහිපදෙනෙක් කීහ.

අනුරංග ජයසිංහ

- Advertisement -

පුවත්

1 COMMENT

  1. මුළු රටම විනාස වෙලා තියෙනකොට , මේවා නිකන් වාටී විතරය් .

LEAVE A REPLY

Please enter your comment!
Please enter your name here

- Advertisement -

අලුත් ලිපි