ශ‍්‍රී ලංකා පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතාට පක්ෂව සහ දෙමළ ජාතික සන්ධානයේ මන්ත‍්‍රීවරුන්ට විරුද්ධව ප‍්‍රවෘත්ති සකස් නොකළ නිසා කැපිටල් එෆ්.එම්. ගුවන් විදුලි සේවයේ ප‍්‍රවාත්ති කර්තෘවරයෙකු වන කේ.එම්. රසුල් මහතාට එහි සභාපතිවරයා පහර දී ඇත.
ඔක්තෝබර් 16 දින අදාළ ආයතනය තුළ පැවැත්වු සාකච්ඡුාවකදී කැපිටල් එෆ්.එම්. නාලිකාවේ සභාපතිවරයා වන වින්සේන්දරාජන් සතාසිවම් තමාට බැනවදිමින් තර්ජනය කළ බවත් ඉන්පසුව තමන්ට පහරදුන් බවත් රසූල් මහතා කීය.
කැපිටල් එෆ්.එම්. හිමිකරු එක්සත් ජනතා නිදහස් සන්ධානයේ පාර්ලිමේන්තු මන්ත‍්‍රී අංගජන් රාමනාදන්ගේ මාමණ්ඩිය බවත් රසුල් මහතා වැඩිදුරටත් කීය. සිද්ධිය සම්බන්ධයෙන් රසුල් මහතා කිරුළපන පොලිසියට පැමිණිල්ලක් කර ඇත.
