No menu items!
20.9 C
Sri Lanka
29 March,2024

කුරුණෑගල රෝහල් අධ්‍යක්ෂ මාරුවීම පිළිඅරන් නැහැ

Must read

කුරුණෑගල ශික්ෂණ රෝහලේ අධ්‍යක්ෂ දන්ත වෛද්‍ය සරත් වීරබණ්ඩාරට ලබාදී ඇති ස්ථානමාරුව පිළිනොගෙන, ඔහු තවමත් කුරුණෑගල රෝහලේ සේවය කරමින් සිටීයිි.

මේ පිළිබඳව කළ විමසීමකදී දන්ත වෛද්‍ය සරත් වීරබණ්ඩාර ප‍්‍රකාශ කළේ තමාට පත්වීම ලබා දුන්නේ රාජ්‍ය සේවා කොමිසමෙන් බවත්, තමන්ට මාරුවීමක් ලබාදීමේ බලය සෞඛ්‍ය අමාත්‍යාංශයේ ලේකම්වරියට නොමැති බවත්ය.

ඒ අනුව තමන්ට ලබාදී ඇති මාරුව නීතිවිරෝධී බවත්, එම මාරුව අවලංගු කරන ලෙසත් ඉල්ලමින් ඔහු සෞඛ්‍ය අමාත්‍යාංශයේ ලේකම් භද්‍රානි ජයවර්ධන වෙත ලිපියක් යවා ඇතැයි ඔහු පැවසීය. තම ලිපියට ප‍්‍රතිචාරයක් ලබාදෙන තෙක් තමන් කුරුණෑගල ශික්ෂණ රෝහලේ සේවය කරන බව ඔහු කීය.

තමන් කොවිඞ්-19 මර්දනයට ගත යුතු පියවර නොගත් බවට එල්ලවෙන චෝදනා ප‍්‍රතික්ෂේප කරන බව ඔහු පැවසීය. තමන් හොඳින් රෝහලේ පරිපාලනය සිදුකළ බවත්, වෛද්‍ය සාෆිට එරෙහිව විශාල කාර්යභාරයක් කරන ලද්දේ තමන් බවත් ඔහු ප‍්‍රකාශ කළේය.

කෙසේ වෙතත් කුරුණෑගල ශික්ෂණ රෝහලේ වෛද්‍යවරුන් ඇතුළු අනෙකුත් වෘත්තිකයන්ගෙන් සමන්විත කුරුණෑගල ශික්ෂණ රෝහල සුරැකීමේ සංවිධානය දන්ත වෛද්‍ය සරත් වීරබණ්ඩාර කොවිඞ්-19 මර්දනයට අවශ්‍ය පියවර නොගත් බවට චෝදනා කර ඇත.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි