No menu items!
27.5 C
Sri Lanka
29 March,2024

කිව්වානම් ඉල්ලා අස්වෙනවා – ඒ.එච්.එම්. ෆවුසි

Must read

තමාට පාර්ලිමේන්තුවට යන්නට ඕනෑ නිසා ඉල්ලා අස්වෙන ලෙස ජනාධිපති මෛත්‍රීපාල සිරිසේන මහතා කලින් දැනුම් දුන්නානම් ජාතික ලැයිස්තු මන්ත්‍රීධූරයෙන් ඉල්ලා අස්වෙන බවත්, එසේ නොකර ඉතාම අසාධාරණ ලෙස තමාගේ පමණක් මන්ත්‍රීධූරය අහෝසි කරන්නට උත්සාහ කිරීම නිසා එයට එරෙහිව නඩු පවරන බවත් පාර්ලිමේන්තු මන්ත්‍රී ඒ.එච්.එම්. ෆවුසි මහතා පැවසීය.


වෙනත් පක්ෂයකට සහාය දීමේ චෝදනාව මත තමාව ඉවත් කරන්නේ නම් පොදුජන පෙරමුණේ නායකත්වය ගත් මහින්ද රාජපක්ෂ මහතා ඇතුළු විශාල පිරිසක් ඉවත් කළ යුතු බවත්, තමාව පමණක් ඉවත් කිරීම අසාධාරණ බවත් පෙන්වාදෙමින් නඩු පැවරීමට බලාපොරොත්තු වන බව ඔහු කීය. ඒ අනුව තමාගේ මන්ත්‍රීධූරය අහෝසි කිරීමට ගත් උත්සාහය අධිකරණයෙන් තාවකාලිකව හෝ නවත්වනු ඇති බවත්, 2020 මාර්තු මාසයේදී පාර්ලිමේන්තුව විසුරුවීමට දැනටමත් තීරණය කර ඇති නිසා තමාව අසාධාරණ ලෙස ඉවත් කිරීමට ගත් තීන්දුවට වැළැක්වීමට අවස්ථාව ලැබෙනු ඇතැයි බලාපොරොත්තු වන බව ඔහු කීය.


වසර ගණනක් තිස්සේ පාර්ලිමේන්තුවේ සිටි තමාට මාස තුනක කාලයක් පාර්ලිමේන්තුවේ සිටීමට වුවමනාවක් නැති බවත්, මාස තුනකට පාර්ලිමේන්තු යන්නට හිටපු ජනාධිපතිවරයාට විශාල වුවමනාවක් තිබේනම් එයට ඉඩදී ඉවත් වීමේ හැකියාවක් තමන්ට තිබුණු බව ඔහු කීය. මෛත්‍රීපාල සිරිසේන මහතාව ආරක්ෂා කිරීම වෙනුවෙන් පෙනී සිටි පුද්ගලයෙකු ලෙසද ශ්‍රීලනිපයේ ජ්‍යෙෂ්ඨම සාමාජිකයෙකු ලෙසද තමාට කලින් දැනුම් නොදී මෙලෙස අසාධාරණ ලෙස සැලකීම ගැන කළකිරීමට පත්ව සිටින බව ඔහු කීය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි