No menu items!
19.6 C
Sri Lanka
29 March,2024

කරුංකා හා ගම්මිරිස්වලට යළි අවසර

Must read

ඉන්දියාවේ දැඩි විරෝධය හමුවේ ජාවාරමක් වශයෙන් හඳුනාගෙන නවතා දමනු ලැබූ කරුංකා හා ගම්මිරිස් ආනයනයට කැබිනට් මණ්ඩලය විසින් යළි අවසර ලබාදී ඇත.

ප‍්‍රාථමික කර්මාන්ත අමාත්‍ය දයා ගමගේ කළ ඉල්ලීමක් අනුව මුදල් අමාත්‍ය මංගල සමරවීර විසින් අදාළ කැබිනට් පත‍්‍රිකාව ඉදිරිපත් කර ඇතැයි අපගේ කැබිනට් මණ්ඩල ආරංචි මාර්ග ප‍්‍රකාශ කරයි.

අපනයන අවශ්‍යතාව සඳහා තාවකාලික ආනයනය වශයෙන් සඳහන් කර (ටීෆ් බලපත‍්‍ර යටතේ) කරුංකා හා ගම්මිරිස් ආනයනය කර එම ද්‍රව්‍ය ලංකාවේ නිෂ්පාදන වශයෙන් හඳුන්වා ඉන්දු- ශ‍්‍රී ලංකා නිදහස් වෙළෙඳ ගිවිසුම යටතේ ඉන්දියාවට අපනයනය කිරීම සිදුවිය.
මේ නිසාම ශ‍්‍රී ලංකාවේ කරුංකා හා ගම්මිරිස් වගාකරුවන්ට වෙළෙඳපොළ තුළ තිබූ මිල පහළ ගිය අතර ඊට හේතුවූයේ ආනයනික කරුංකා හා ගම්මිරිස් දේශීය වෙළෙඳපොළට එකතුවීමය.

කරුංකා හා ගම්මිරිස් ආනයනය කර ප‍්‍රතිඅපනයනය කිරීම සඳහා වූ ටීෆ් බලපත‍්‍ර සමාගම් කිහිපයකට පමණක් හිමිව තිබෙන අතර ඉන් ප‍්‍රධානතම සමාගම වන්නේ වයඹ ටේ‍්‍රඩර්ස් සමාගමයි. අනෙක් සමාගම වන්නේ 4එස් නැමැති සමාගමයි. 4එස් නැමැති සමාගම ක‍්‍රිකට් ක‍්‍රීඩක මුත්තයියා මුරලිදරන්ගේ සහෝදරයා වන මුත්තයියා ශෂිදරන්ට අයත්ය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි