No menu items!
27.4 C
Sri Lanka
29 March,2024

අයවැය පැරදවීමේ සැලසුමක්

Must read



එක්සත් ජාතික පක්ෂයේ මේ වන විට ඇතිව තිබෙන අභ්‍යන්තර අර්බුද වර්ධනය වුවහොත් එක්සත් ජාතික පක්ෂයේ කණ්ඩායමක් සමඟ එක්ව 2019 අයවැය යෝජනාව පරාජය කොට, මහමැතිවරණයක් පැවැත්වීමට පාර්ලිමේන්තුවේ එකඟතාව ලබාගැනීමට ශ්‍රී ලංකා පොදුජන පෙරමුණ සැලසුම් කරමින් සිටින වාර්තා වෙයි. අනිද්දා සමග අදහස් දැක්වූ ඒකාබද්ධ විපක්ෂ මන්ත්‍රීවරයෙකු පැවසුවේ, එක්සත් ජාතික පෙරමුණෙන් මන්ත්‍රීවරුන් 10 දෙනෙකු හෝ ඊට වැඩි ප්‍රමාණයක් අයවැයට විරුද්ධව ඡන්දය දීම හෝ ඡන්දය දීමෙන් වැළකී සිටීමට තීරණය කළහොත් අයවැය පරාජය කිරීම අසීරු කටයුත්තක් නොවන බවයි. ජනතා විමුක්ති පෙරමුණද අයවැයට පක්ෂව ඡන්දය ලබාදීමේ ඉඩක් නොමැති වීම මෙම ගණනයට හේතු වී ඇත.
අයවැය පරාජය කිරීමේ සැලසුම සාර්ථක වුවහොත්, එජාප කණ්ඩායම සමඟ එක්ව ආණ්ඩුවක් පිහිටුවීම වෙනුවට, පාර්ලිමේන්තු මැතිවරණයක් ඉල්ලා සිටීමට කටයුතු කරන බව එම මන්ත්‍රීවරයා කීය. අයවැය පරාජය කළ හැකි වුවහොත් පාර්ලිමේන්තු මැතිවරණයක් පැවැත්වීම හැර වෙනත් විකල්පයක් එක්සත් ජාතික පක්ෂ නායකත්වයටද ඉතිරි නොවෙන බව ඔහු පෙන්වා දුන්නේය.
මේ අතර ශ්‍රී ලංකා පොදුජන පෙරමුණේ හා ඒකාබද්ධ විපක්ෂයේ ඉදිරි සැලසුම් පිළිබඳව ජනවාරි 03 වැනිදා සවස් වරුවේ සාකච්ඡාවක් පැවැත්වීමට නියමිතව තිබුණි. ඒකාබද්ධ විපක්ෂයේ පක්ෂ නායකයන් අතර පැවැත්වීමට නියමිතව තිබුණු එම සාකච්ඡාව කොළඹ 7, විජේරාම මාවතේ මහින්ද රාජපක්ෂ නිල නිවසේදී පැවැත්වීමට නියමිතව තිබුණි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි