No menu items!
19.9 C
Sri Lanka
29 March,2024

අමෙරිකාවේ නිව් යෝර්ක් ටයිම්ස් වෙබ් අඩවිය කියයි. 2015 මහින්දගේ ඡන්දවැඩවලට චීනය ඩොලර් ලක්‍ෂ 760ක් දීලා ඩොලර් 38,000ක් ප‍්‍රසිද්ධ හිමිනමකට ඩොලර් 678,000ක් ටීෂර්ට්වලට ඩොලර් 297,000ක් ආධාරකරුවන්ට තෑගිවලට

Must read

 

හම්බන්තොට වරාය ඉදිකිරීම භාරව සිටි චයිනා හාබර් සමාගම, 2015 ජනාධිපතිවරණයේදී ජනාධිපති මහින්ද රාජපක්‍ෂ මහතාට හා ඔහුගේ මැතිවරණ ව්‍යාපාරයට වියදම් කිරීම සඳහා ඩොලර් මිලියන 7.6ක් හෙවත් රුපියල් ලක්‍ෂ 11400 කට ආසන්න මුදලක් බෙදා දී ඇතැ’යි අමෙරිකාවේ පළවන නිව් යෝර්ක් ටයිම්ස් පුවත්පතේ වෙබ් අඩවියේ ජුනි 25 වැනිදා පළකළ ලිපියකින් කියයි.

How China Got Sri Lanka to Cough Up a Port මැයෙන් යුක්තව පළවන එම ලිපියේ සඳහන් පරිදි, ශ‍්‍රී ලංකා ආණ්ඩුවේ අභ්‍යන්තර පරීක්ෂණ වාර්තාවකට අනුව, ස්ටැන්ඩර්ඞ් චාර්ටඞ් බැංකුවේ තිබෙන ‘චයිනා හාබර් සමාගමේ’ ගිණුමකින්, අඩු වශයෙන් ඩොලර් මිලියන 7.6 ක් රාජපක්ෂ මහතාගේ ඡුන්ද ව්‍යාපාරයේ සිටි සගයන් වෙත බෙදා හැර තිබේ. චයිනා හාබර් සමාගමේ බැංකු ගිණුම් අංකය සහ එම ගිණුමෙන් නිකුත් කරන ලද චෙක්පත් ලාභීන්ගෙන් ලබාගත් තොරතුරු ආදියද ඒ වාර්තාවේ සඳහන් වන බව පුවත්පත කියයි.
2015 ජනාධිපතිවරණය පැවැත්වීමට දින 10ක් තිබියදී ඩොලර් මිලියන 3.7 කට ආසන්න මුදලක් චෙක්පත් මාර්ගයෙන් බෙදා දී තිබෙන අතර එයින් ඩොලර් 678,000 ක් ඡුන්ද ව්‍යාපාරයේ ටී-ෂර්ට් සහ වෙනත් ප‍්‍රවර්ධන කටයුතු සඳහා ය. ඩොලර් 297,000 ක් ලබා දී ඇත්තේ, ආධාරකරුවන්ට තෑගි බෙදා දීම සඳහා ය. ගැහැනුන් සඳහා සාරි ද ඊට ඇතුළත් වී තිබේ. ඒ අතර මහින්ද රාජපක්ෂ මහතාගේ ජයග‍්‍රහණය සඳහා වැඩ කරමින් සිටි එක් ප‍්‍රසිද්ධ භික්ෂූන් වහන්සේ නමකටත් ඩොලර් 38,000 ක් ගෙවා තිබේ. තවත් ඩොලර් මිලියන 1.7 ක් වටිනා චෙක්පත් දෙකක්, අරලියගහ මන්දිරයට කෙලින්ම භාර දී ඇත.

මේ ගෙවීම්වලින් වැඩි හරියක් සිදුකොට ඇත්තේ, ‘චයිනා හාබර්’ මගින් හසුරුවන ලද අතුරු ගිණුමක් හරහාය. එම ගිණුමේ නම, ‘එච්.පී.ඞී.පී. දෙවැනි අදියර’යි. එච්.පී.ඞී.පී. යනු ‘හම්බන්තොට වරාය සංවර්ධන ව්‍යාපෘතිය’ යන්නයි. මෙසේ මහින්ද රාජපක්‍ෂ මහතාගේ දේශපාලන වැඩවලට චීන සමාගම ගෙවා ඇත්තේ චීන ආධාරවලින් කොටසක් බවද පුවත්පත කියයි. ඒ සෑම අවස්ථාවකදීම චීනය දැමූ කොන්දේසිවලට රාජපක්‍ෂ මහතා එකඟතාව පළ කොට ඇත. 2010 නොවැම්බර් 18 වැනි දා, එනම් රාජපක්ෂ මහතාගේ උපන් දිනය දා මහා මංගල්‍යයකින් වරාය විවෘත කෙරුණු නමුත්, වරාය මැද පිහිටි ගල නිසා නැව් නොආ බවද පුවත්පත කියයි. ගල කැඞීම සඳහා චයිනා හාබර් සමාගම තවත් ඩොලර් මිලියන 40 ක් අය කර ඇති බවද එය ඉතා අධිකතර මිලක් බවද ලිපියෙහි සඳහන් වේ. සමාගම බොරු ගණන් හිලව් දමන්නේ ද, එසේත් නැත්නම් රාජපක්ෂ මහතාටත් එයින් කුට්ටියක් ලැබෙන්නේ ද යන්න ගැන ඇතැම්හු සැක කළ බවද එහි සඳහන් වේ.
වරාය ඉදිකිරීමට මුලින් චීනයෙන් ගත් ගත් ඩොලර් මිලියන 307 ක ණයෙන් පසුව වරාය තවත් විශාල කිරීමට මහින්ද රාජපක්‍ෂ මහතා 2012 දී චීන ආණ්ඩුවෙන් තවත් ඩොලර් මිලියන 757 ක් ලබාගෙන ඇත. මුල් ඩොලර් මිලියන 307 ලබාගෙන ඇත්තේ සියයට 1-2 අතර පොලියකටය. එහෙත් ඒ වන විට සාමාන්‍යයෙන් පොලි අනුපාතය 0.5ක් පමණ වූ බවද ලිපිය කියයි. දැන් අලූතෙන් ණයක් ද අවශ්‍ය කරන තිබෙන බැවින්, කලින් ගත් ණය සඳහා වන පොලියද සියයට 6.3 ක නිත්‍ය අනුපාතිකයකට ඉහළ දැමීමට සිදුවන බව චීනය කී බවත්, ජනාධිපති රාජපක්‍ෂ ඊට එකඟ වූ බවත් ලිපියේ සඳහන් වේ. තවදුරටත් ලිපියේ සඳහන් වන අන්දමට, රාජපක්ෂ මහතා යටතේ රටේ ණය ප‍්‍රමාණය තුන් ගුණයකින් හෙවත්, ඩොලර් බිලියන 44.8 ක් දක්වා වර්ධනය වී තිබුණි. එනිසා 2015 වසරේදී පමණක්, පත්වුණු අලූත් ආණ්ඩුවට ගෙවීමට තිබූ ණය වාරික ප‍්‍රමාණය ඩොලර් බිලියන 4.68 කි.

නිව් යෝර්ක් ටයිම්ස් වෙඞ් අඩවියේ පළවූ සම්පූර්ණ ලිපියේ පරිවර්තනයක් අද පත‍්‍රයේ 3 සහ 4 පිටුවල පළවේ.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි