No menu items!
19.6 C
Sri Lanka
29 March,2024

හාම්පුතා වෙනුවෙන් කොමියුනිස්ට් මාරුවීම

Must read

පාසල් විවෘත කරන දිනය වන ඔක්තෝබර් 21 වැනිදා පාසල්වලට නොපැමිණෙන ගුරු හා විදුහල්පතිවරුන්ගේ නොවැම්බර් මස වැටුප් නොගෙවන බව වයඹ ආණ්ඩුකාර රාජා කොල්ලුරේ ප්‍රකාශ කර ඇත.


එමෙන්ම පාසල් විවෘත කිරීමට බාධා කරන අයට හා විරුද්ධව කටයුතු කරන අයට එරෙහිව දැඩි නීතිමය ක්‍රියාමාර්ග ගන්නා බවද ඔහු ප්‍රකාශ කර ඇත. පාසල්වලට පැමිණ විනය විරෝධි ක්‍රියා කරන්නට කිසිවකු හෝ උත්සහ කළහොත් එයට ඉඩ නොදෙන බවත්, පාසල් විවෘත කිරීමට විරුද්ධ වීම සාපරාධී, දේශද්‍රෝහි හා ජනතා විරෝධි ක්‍රියාවක් බවත් ඔහු කියා ඇත.


කම්කරු නීතිය අනුව වර්ජනයක් පවතින අවස්ථාවේදී වර්ජකයන්ට වැටුප් ගෙවන්නේ නැති බවත්, වර්ජනයෙන් පසුව අවශ්‍ය නම් වැටුප් ලබාගැනීමට හැකි බවත් එය තමන් නීතිඥවරයකු ලෙස දන්නා බවත් ඔහු වැඩිදුරටත් ප්‍රකාශ කර ඇත.


දැන් ජනාධිපතිවරයාගේ නියෝජිතයකු බවට පත්වී ඇති රාජා කොල්ලුරේ යනු ශ්‍රී ලංකාවේ කොමියුනිස්ට් පක්ෂයේ හිටපු නායකයෙකි. තවමත් එම පක්ෂය තුළ නායකත්ව මට්ටමේ කටයුතු කරන්නෙකි. වැඩකරන ජනතාව සංවිධානය කර ඒ මගින් රාජ්‍ය බලය ලබාගැනීමේ පාඩම් රටට කියාදෙන පක්ෂයක නායකයකු වැඩ වර්ජනය යනු අයිතියක් බව නොදන්නේද? දැන් ඔහු සිටගෙන ඇත්තේ ගුරු විදුහල්පති වැඩ වර්ජනයට ප්‍රතිපක්ෂවය. එහෙත් කොමියුනිස්ට් පක්ෂයේ වත්මන් නායකත්වයත් එම පක්ෂයත් ගුරු විදුහල්පති වර්ජනයට පළකළේ සහායකි.


එක්සත් ජාතීන්ගේ සංවිධානය පවා පිළිගෙන ඇති වැඩ වර්ජන හෙවත් සාමූහිකව

එක්රැස්වීමේ හා සාමූහිකව කේවල් කිරීමේ අයිතිය ශ්‍රී ලංකාවේද නීති මගින් පිළිගෙන ඇති අතර රටේ ආණ්ඩුක්‍රම ව්‍යවස්ථාව තුළද එම අයිතීන් පිළිගෙන තිබේ.


වැටුප් යනු දින දෙකක් පාසල් නොගියහොත් හෝ දින දෙකක් වර්ජනය කළහොත් ලබා නොදෙන්නක් නොවන බව තමා නීතිඥයකු බව හඳුන්වා ගන්නා ඔහු නොදැනීම පුදුමයකි. ඇත්තටම සිදුවී ඇත්තේ ඔහු එය නොදන්නාකමටත් වඩා සිය හාම්පුතා වන ජනාධිපතිවරයාගේ අවශ්‍යතාව වෙනුවෙන් එම ඇත්ත විකෘති කිරීමය.


කොහොමත් දේශපාලන පත්වීම්ධාරීහු යනු ස්ථීර තනතුරුලාභීහු නොවෙති. ඔවුන්ගේ තනතුරේ කාලය තීරණය වන්නේ හාම්පුතාගේ අවශ්‍යතාවන්ට කොතරම් හොඳට සේවය කරන්නේද යන්න මතය. ඒ නිසා හාම්පුතා සැනසීමට සිදුකරන මෙවැනි වාචාල කතා ගැන ගුරු විදුහල්පති සංගම් මෙන්ම ගුරු විදුහල්පතිවරුන්ද කලබල වියයුතු නැත.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි