25.9 C
Sri Lanka
2 December,2021

සී.අයි.ඞී. විදෙස් තහනම බොරුවක්

Must read

අපරාධ පරීක්ෂණ දෙපාර්තමේන්තුවේ නිලධාරීන් 704 දෙනෙකුගේ විදේශ ගමන් තහනම් කර ඇති බව පසුගිය කාලයේ මාධ්‍ය වාර්තා පළවී තිබුණද, සත්‍ය වශයෙන්ම එවැනි විදේශ ගමන් තහනමක් සිදුව නැති බව අනිද්දා කළ විමසීමකදී ආගමන විගමන දෙපාර්තමේන්තුවේ තොරතුරු නිලධාරී බී.ජී.ජී. මිලින්ද පිළිගත්තේය.

අධිකරණ නියෝගයක් නොමැතිව එලෙස විදේශ ගමන් තහනමක් ලබාදිය නොහැකි බව පෙන්වා අප විසින් කළ විමසීමකින් පසුව බී.ජී.ජී. මිලින්ද මහතා ප‍්‍රකාශ කළේ ආගමන විගමන දෙපාර්තුමේන්තුවට  සී.අයි.ඞී. නිලධාරින්ගේ  නම් ලැයිස්තුවක් ලැබී ඇත්තේ අදාල නිලධාරින්ට විදේශ ගමන් තහනම් කරමින් නොවන බවය. 

එම ලැයිස්තුවේ සිටින නිලධාරියෙකු රටින් පිට වීමට කටුනායක ගුවන්තොටුපොළට පැමිණියහොත් වහාම කටුනායක ගුවන්තොටුපොළෙහි ඇති අපරාධ පරීක්ෂණ දෙපාර්තමේන්තුවේ කාර්යාලයට දැනුම් දෙන ලෙස පමණක් දැනුම්දී ඇති බව ඔහු කීය.

එලෙස දැනුම්දෙන ලෙස නියෝගයක් ලබාදීම පවා අධිකරණයකින් නියෝගයක් නොමැතිව සිදුකිරීම නීතිවිරෝධී බව නීති ක්ෂේත‍්‍රයේ ප‍්‍රවීණයෝ අනිද්දා සමඟ පැවසූහ. ඉහත කී නියෝගයෙහි ඇති කරුණු පිළිබඳවත්, එය ලබාදී ඇත්තේ අධිකරණ නියෝගයක් ලබා ගෙනද නැද්ද යන්න පිළිබඳවත් තමන් නොදන්නා බව  ආගමන විගමන පාලක ජනරාල් ආර්.එම්.පී.එස්.බී. රත්නායක මහතා අප කළ විමසීමකදී පැවසීය. ඒ පිළිබඳව දෙපාර්තමේන්තුවේ තොරතුරු නිලධාරී බී.ජී.ජී. මිලින්ද මහතාගෙන් කරුණු විමසන ලෙස පාලක ජෙනරාල්වරයා කීය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි