20.8 C
Sri Lanka
25 May,2022

සාෆි හමුවීමේ රතන හිමි තැත වරදී

Must read

වඳ සැත්කම් කළා යැයි චෝදනා නගමින් අපරාධ පරීක්ෂණ දෙපාර්තමේන්තුව භාරයේ රඳවාගෙන සිටින වෛද්‍ය ෂියාබ්දීන් සාෆිගෙන්, තමන් එම චෝදනාවලට අදාළ වරද කළ බවට පාපෝච්චාරණයක් කරවාගැනීම සඳහා ඔහු හමුවීමට ජනාධිපතිවරයාගේ මාර්ගයෙන් අතුරලියේ රතන හිමි දරන ලද උත්සාහයක් ව්‍යර්ථ වී තිබේ.

එම වෛද්‍යවරයා මුණගැසීමට අවස්ථාවක් සලසා දෙන ලෙස අතුරලියේ රතන හිමියන් ජනාධිපතිවරයාගෙන් ඉල්ලා ඇති අතර ඒ අනුව ජනාධිපතිවරයා අපරාධ පරීක්ෂණ දෙපාර්තමේන්තුවේ ප‍්‍රධානියා අමතා එම හමුවට අවස්ථාව සලසන්නයැයි ඉල්ලීමක් කර ඇතත් එම ඉල්ලීම ප‍්‍රතික්ෂේප වී තිබේ.

පැලෝපීය නාළ අවහිර කිරීම පිළිබඳ මෙම චෝදනාව සමාජගත කළ දිවයින මාධ්‍යවේදී හේමන්ත රන්දුණු, කුරුණෑගල ප‍්‍රදේශය භාර නියෝජ්‍ය පොලීස්පති කිත්සිරි ජයලත්, කුරුණෑගල රෝහලේ අධ්‍යක්ෂ වීර බණ්ඩාර ආදින් මෙම චෝදනාව නිවැරදියැයි ඔප්පුකරගන්නට නොහැකිව අසරණ වී ඇතැයිද එම නිසා ඔවුන්ට විරුද්ධව ඉදිරියේදී නීතිය ක‍්‍රියාත්මක විය හැකියැයිද, ඒ නිසා කෙසේ හෝ අදාළ වෛද්‍යවරයා බිය ගන්වා තමන් පැලෝපීය නාළ අවහිර කරමින් කාන්තාවන් වඳභාවයට පත් කළා යැයි පාපෝච්චාරණයක් ලබා ගැනීම මේ අවස්ථාවේ කළ යුතුමයැ’යිද අතුරලියේ රතන හිමියන්ගේ අදහස වී ඇත. ඒ හිමියන් එම අදහස පසුගිය දිනක තම විහාරස්ථානය වන සදහම් සෙවණ අසපුවේදී සමීපතයන් ඉදිරියේ ප‍්‍රකාශ කර ඇත.

මේ පිළිබඳ විමසීම සඳහා අතුරලියේ රතන හිමියන්ට සහ ඒ හිමියන්ගේ සහායක හිමිවරුන් දෙදෙනෙකුට ¥රකථනයෙන් ඇමතූ නමුත් රතන හිමියන් සම්බන්ධ කරගන්නට නොහැකි විය. x

මංජු කස්තුරිආරච්චි

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි