25.8 C
Sri Lanka
28 September,2021

සාගරගේ නිවේදනය ගැන කැබිනට්ටුවේදී විමසීමට යයි

Must read

උදය ගම්මන්පිළ මහතා අමාත්‍යධුරයෙන් ඉල්ලා අස්විය යුතු බව සඳහන් නිවේදනයක් ශ්‍රී ලංකා පොදු ජන පෙරමුණේ මහලේකම් සාගර කාරියවසම්ගේ තනි වුවමනාවට තනි වුවමනාවට නිකුත් කළ එකක් නොවන බැවින් ඒ පිළිබඳ ජුනි 14 වැනිදා කැබිනට් රැස්වීමේදී ප්‍රශ්න කළ යුතු බව ජුනි 13 වැනිදා විමල් වීරවංශ මහතාගේ නිවසේ පැවති ආණ්ඩුවේ සුළු පක්ෂවල නායකයන්ගේ සාකච්ඡාවේදී එකඟ වී ඇතැයි වාර්තා වේ.

අනිද්දා වෙත අදහස් දක්වමින් එම කණ්ඩායමේ පක්ෂ නායකයෙකු ප්‍රකාශ කළේ මෙවැනි නිවේදනයක් නිකුත් කිරීම සඳහා සාගර කාරියවසම් මහතා පසුපස සිටියේ කවුදැයි කැබිනට් මණ්ඩල රැස්වීමේදී විමසීමට නියමිත බවත් මෙයට ප්‍රතිචාර දක්වමින් පක්ෂ නායකයන්ගේ ඒකාබද්ධ නිවේදනයක් නිකුත් කිරිමට බලාපොරොත්තු වන බවත් ය.
ඉන්ධන මිල වැඩි කිරීමේ තීන්දුව ජීවන වියදම් කමිටුව ජනාධිපතිවරයාගේ සහ අගමැතිවරයාගේ ප්‍රධානත්වයෙන් රැස්ව ගත් තීන්දුවක්යැයි සාගර කාරියවසම් මහතා නොදැන සිටීමට කිසිදු හේතුවක් නැති බවත් එම සාකච්ඡාවේදී එකඟ වී තිබේ.

විමල් වීරවංශ ප්‍රමුඛ කණ්ඩායම ආණ්ඩුව විවේචනය නොකර ඉදිරි කාලසීමාවේ ආණ්ඩුව සමඟ සහයෝගයෙන් කටයුතු කිරීමට එකඟ වී සිටියදීත් පොදුජන පෙරමුණ මෙවැනි නිවේදනයක් පළ කිරීම ගැන පුදුමයට පත් වන බව එම සාකච්ඡාවේදී අමාත්‍ය වාසුදේව නානායක්කාර කියා තිබේ.

නීතිඥ සාගර කාරියවසම්ගේ නිවේදනයට ප්‍රතිචාර දක්වමින් ජුනි 13 වැනිදා පැවැත්වූ මාධ්‍ය සාකච්ඡාවේදී උදය ගම්මන්පිළ මහතා ප්‍රකාශ කළේ ජනාධිපති ගෝඨාභය රාජපක්ෂගේ සහ අගමැති මහින්ද රාජපක්ෂගේ ප්‍රධානත්වයෙන් ගත් තීන්දුවකට අභියෝග කරමින් නිවේදනයක් පළ කිරීමට තරම් සාගර කාරියවසම් මහතාට ශක්තියක් ආවේ කෙලෙසදැයි සොයා බැලිය යුතු බවත් ඒ වෙනුවෙන් වෙනම ‘ජනාධිපති කොමිසමක්’ පත් කළ යුතු බවත්ය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි