24.8 C
Sri Lanka
30 November,2021

සඳහිරු සෑය අනාගතයේදී වෛරයේ සංකේතයක් වෙන්නත් පුළුවන්
කොළඹ විශ්වවිද්‍යාලයේ මහාචාර්ය
අගලකඩ සිරිසුමන හිමි

Must read

■ අමන්දිකා කුරේ

යුද ජයග්‍රහණය සැමරීමට රුවන්වැලි සෑයට ආසන්නයෙන් ඉදි කළ සඳහිරු සෑයේ විවෘත කිරීමේ උත්සවයට පැමිණෙන ලෙස තමාට ලැබුණු ආරාධනාව ප්‍රතික්ෂේප කළ බවට මහාචාර්ය අගලකඩ සිරිසුමන හිමියන් විසින් ෆේස්බුක් සටහනක් තබා තිබුණි. අප ඒ සම්බන්ධයෙන් අගලකඩ සිරිසුමන හිමියන්ගෙන් කළ විමසීමට ලබා දුන් පිළිතුර මෙතැන් සිට කියවන්න.

‘මම මාධ්‍යයට හෝ ප්‍රසිද්ධියේ නොකීවාට මගේ පෞද්ගලික අදහස යුද සැමරුමට මේ වගේ දාගැබක් ඉදිකරන එක සුදුසු නෑ කියන එක. යුද්ධය ජයග්‍රහණය කළා, ත්‍රස්තවාදය පරාජය කළා කියන එක සැමරුමක් හැටියට අනුරාධපුරයේ අටමස්ථාන භූමියේ මේ වගේ දාගැබක් ඉදි කරන්න උවමනා නෑ මම දකින විදිහට. ඒකම වෛරයේ සංකේතයක් බවට පත්වෙන්න පුළුවන් අනාගතයේදි. යුද්ධ කියන්නේ දෙපාර්ශ්වයකම ලේ හැලුණු දෙයක්. බුදුදහමට අනුව එහෙම යුද්ධ ජයග්‍රහණ කළ අය නෑ. දවසක දැන් කියන විදිහට පාරජයට පත්වුණු අයට මේ සංකේතය දැක්කාම ඔවුන් තුළ ඇති වෙන්නේ වෛරී සිතිවිල්ලක්. ඒ නිසා ඒ වගේ ක්‍රියාවලියකට නොයා ඊට වඩා වෙනස් ආකාරයකට සැමරුමක් අවශ්‍ය නම් කරන්න තිබුණා. මුල සිටම මා තුළ තිබුණු විරෝධය නිසා මා ආරාධනාව ප්‍රතික්ෂේප කළා.


විශේෂයෙන් ම මේක දේශපාලන ව්‍යාපෘතියක්. නායකයන් වැජඹීමේ අරමුණින් අපි මේ දේවල් කළාය කියලා අනාගත ලෝකයට කියාපෑමේ අරමුණින් ඔවුන් මෙවැනි ප්‍රවේශයකට යන්න ඇති. මහාවංශයේ කියනවානෙ දුටුගැමුණු යුද්ධෙ ඉවර කරලා ඒකෙ සංකේතයක් හැටියට මිරිසවැටිය හැදුවා කියලා. අන්න ඒ පැරණි ගමන්මග අනුගමනය කිරීමක් වර්තමාන නායකයන් ක්‍රියාවට නැංවූවා විය හැකියි. ජාතියේ සංකේතය හැටියට අපිට ස්වර්ණමාලි මහා චෛත්‍යය තියෙනවා. ලෝකවාසී ජනතාවම ඒක තමයි බෞද්ධ සංකේතයක් හැටියට දකින්නේ. ඒක පරයා තව එවැනි නිර්මාණ දේශපාලන ව්‍යාපෘති හැටියට නිර්මාණය වෙනකොට ඒකේ ප්‍රශ්නයක් තියෙනවා. අනෙක් පැත්තෙන් මේ පොළොව සැහෙන්න කැණීම් කරන්න ඕනෑ මෙහෙම ඉදිකිරීමක් කරන්න. ඒවා ආශ්‍රිතව පුරාවිද්‍යා වටිනාකමක් තියෙනවා. එවැනි භූමියක් තුළ මෙවැනි ඉදිකිරීමක් කිරීම එතරම් යහපත් දෙයක් නොවෙයි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි