21.3 C
Sri Lanka
23 September,2021

ශ්‍රීලනිප මැයි දිනය වෙනම විමල් සමගත් සාකච්ඡා

Must read

ශ්‍රී ලංකා නිදහස් පක්ෂය සමග එක්ව වෙනම මැයි දිනය පැවැත්වීම පිළිබඳ විමල් වීරවංශ මහතා ප්‍රමුඛ ආණ්ඩුවේ වෙනත් පක්ෂවල නායකයන් සමඟ අප්‍රේල් 08 වැනිදා සවස ඩාලි පාරේ ශ්‍රීලනිප ප්‍රධාන කාර්යාලයේදී සාකච්ඡාවක් පැවැත්වීමට නියමිත බව අනිද්දා කළ විමසීමකදී අදහස් දැක් වූ ශ්‍රීලනිප මහලේකම් දයාසිරි ජයසේකර කීය.
මැයි දිනය වෙනම පැවැත්වීම පිළිබඳ අප කළ විමසීමකදී එසේ කී දයාසිරි ජයසේකර මහතා වැඩිදුරටත් ප්‍රකාශ කළේ, ශ්‍රීලනිපය මැයි දිනය වෙනම පැවැත්වීමට දැනටමත් තීන්දු කර ඇති බවය. අප්‍රේල් 08 වැනිදා සාකච්ඡාව පවත්වන්නේ අනෙකුත් පක්ෂවලටද එයට එකතු විය හැකිදැයි තීන්දු කිරීම සඳහා බව ඔහු පැවසීය. මේ පිළිබඳ කළ විමසීමකදී ශ්‍රී ලංකා පොදුජන පෙරමුණේ මහලේකම් නීතිඥ සාගර කාරියවසම් ප්‍රකාශ කළේ මැයි දිනය වෙනම පැවැත්වීමට පිරිසක් සූදානම් බව මාධ්‍යවේදීන් කීවත්, තමන් එවැන්නක් නොදන්නා බවය. මාධ්‍යවේදීන් කිහිපදෙනෙක්ම ඒ ගැන තමන්ගෙන් විමසූ බව ඔහු කීය. ශ්‍රී ලංකා පොදුජන පෙරමුණ සාමාන්‍ය පරිදි තම පක්ෂය සමඟ සන්ධානගත වූ පක්ෂ සමග මැයි දිනය පැවැත්වීමට බලාපොරොත්තුවන බව ඔහු කීය. ඒ සඳහා මහජන එක්සත් පෙරමුණේ නායක දිනේෂ් ගුණවර්ධනගේ සභාපතිත්වයෙන් කමිටුවක් පත් කළ බවත්, පොදුජන පෙරමුණ නියෝජනය කරමින් එයට ගාමිණී ලොකුගේ අමාත්‍යවරයා සහභාගි වන බවත් ඔහු පැවසීය. අනෙකුත් පක්ෂවල නියෝජිතයන්ද එයට පත් කර සිටින බව ඔහු වැඩිදුරටත් කීය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි