No menu items!
22.3 C
Sri Lanka
29 March,2024

වෘත්තීය, සිවිල් හා ශිෂ්‍ය ක්‍රියාකාරිකයින් පසුපස සීඅයිඩීය- වෘත්තීය සමිති අගමැතිය දැනුම් දෙයි

Must read

■ ඉඳුවර බණ්ඩාර


වෘත්තීය සමිති නායකයින්, ශිෂ්‍ය හා සිවිල් ක්‍රියාකාරිකයින් සොයා රහස් පොලීසිය හෙවත් සීඅයිඩීය ලුහුබැඳීම් සිදුකරමින් පවතින බව විවිධ ක්ෂේත්‍රවල වෘත්තීය සමිතිවලින් සැදුම්ලත් පොදු දේපල හා මානව හිමිකම් සුරැකීමේ මධ්‍යස්ථානය අගමැති මහින්ද රාජපක්ෂට අද(සැප්තැම්බර් 17) ලිපියක් යවමින් දැනුම් දී ඇත.


අදහස් දැක්වීම, විරෝධතා දැක්වීම හා ඒ වෙනුවෙන් ක්‍රියාකාරකම් සංවිධානය කිරීම ආණ්ඩුක්‍රම ව්‍යවස්ථාවට මෙන්ම ජාත්‍යන්තර වශයෙන් ශ්‍රී ලංකාව බැඳී ඇති සම්මුතිවලට අයත් අයිතිවාසිකම් බවත් ඊට පටහැනි ලෙස මේ තත්වයන් ඇතිවී ඇති බවත් සඳහන් කරන එම මධ්‍යස්ථානය ඒ සම්බන්ධයෙන් කඩිනමින් මැදිහත්වීමක් කරන ලෙස අගමැතිවරයාගෙන් ඉල්ලා සිටී.


එමෙන්ම ඒ මගින් ඉල්ලා ඇත්තේ දැනට අත්අඩංගුවට ගෙන සිටින එම ක්‍රියාකාරිකයින්ට එල්ලකර ඇති පදනම් විරහිත චෝදනා ඉවත් කර ඔවුන් නිදහස් කරන ලෙසත් සහ ශිෂ්‍ය හා වෘත්තීය සමිති නායකයින් අත්අඩංගුවට ගැනීමට කරන ලුහුබැඳීම් නවත්වන ලෙසත්ය.
ආණ්ඩුවේ මෙම ක්‍රියාකාරිත්වය නිවැරදි නොවී දිගින් දිගටම සිදු වුවහොත් එම මධ්‍යස්ථානය නියෝජනය කරන වෘත්තීය සමිතිවලට ඉදිරි ක්‍රියාමාර්ගවලට පිවිසීමට සිදුවන බවද එහි දක්වා තිබේ.


එම ලිපියේ පිටපත් පාර්ලිමේන්තුව නියෝජනය කරන සියලු දේශපාලන පක්ෂවලට, ශ්‍රී ලංකා මානව හිමිකම් කොමිසමට, ශ්‍රී ලංකාවේ ජාත්‍යයන්තර කම්කරු කාර්යාලයේ අධ්‍යක්ෂට හා ශ්‍රී ලංකාවේ එක්සත් ජාතීන්ගේ සංවිධානයේ මානව හිමිකම් කාර්යාලයේ අධ්‍යක්ෂට යොමු කර ඇත.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි