No menu items!
26.1 C
Sri Lanka
28 March,2024

විරුද්ධ නොවීමේ ප‍්‍රවණතාවය

Must read

ද නේෂන් පුවත්පතේ හිටපු නියෝජ්‍ය කර්තෘ කීත් නොයාර් පැහැරගෙන ගොස් වධහිංසා කිරිමේ සිද්ධිය සම්බන්ධයෙන් චෝදනා ලබා සිටින යුධ හමුදා බුද්ධි අංශ සාමාජිකයන්ගේ විදේශ ගමන් තහනම අධිකරණය ඉවත් කර තිබේ.

හිටපු යුධ හමුදා බුද්ධි අංශ ප‍්‍රධානී මේජර් ජෙනරාල් අමල් කරුණාසේකර ඇතුළු යුධ හමුදා බුද්ධි අංශ සාමාජිකයන් පිරිසක් මාධ්‍යවේදී කීත් නොයාර් පැහැරගෙන ගොස් වධහිංසා කිරීම සම්බන්ධයෙන් චෝදනා ලබා සිටිති.

මෙම යුධ හමුදා බුද්ධි අංශ සැකකරුවන්ගේ විදේශ ගමන් තහනම ඉවත් කිරිම පිළිබඳව එම සිද්ධිය සම්බන්ධයෙන් පරීක්ෂණ පවත්වන අපරාධ පරීක්ෂණ දෙපාර්තමේන්තුව විරුද්ධත්වය ප‍්‍රකාශ කර නැත.

අධිකරණය හමුවේ විමසා බැලෙන ඝාතන ඇතුළු වෙනත් අපරාධ පිළිබඳ නඩුවලදීත් රාජ්‍ය මුදල් සාවද්‍ය පරිහරණය පිළිබඳ නඩුවලදීත් ඒවාහි සැකකරුවන්ට හෝ චූදිතයන්ට ඇප ලබාදීම, විදේශ ගමන් තහනම ඉවත් කිරිම ආදී කරුණුවලට පරීක්ෂණ පවත්වන ආයතන විරුද්ධත්වය ප‍්‍රකාශ නොකිරීමේ ප‍්‍රවණතාවයක් දක්නට ලැබේ.

අපරාධ පරීක්ෂණ දෙපාර්තමේන්තුව පොලිස් මූල්‍ය අපරාධ කෝට්ඨාශය, අල්ලස් හෝ ¥ෂණ චෝදනා විමර්ශන කොමිෂන් සභාව හා නීතිපති දෙපාර්තමේන්තුව එම ප‍්‍රවණතාවය නියෝජනය කරයි.

මෙහිදී අප විශේෂයෙන් සැලකිල්ලට ගතයුත්තේ ගෝඨාභය රාජපක්ෂ මහතා නව ජනාධිපතිවරයා වශයෙන් පත්වීමෙන් පසු මෙම ප‍්‍රවණතාවය ඇතිවී තිබෙන බවයි.

මේ වනවිට හිටපු අමාත්‍ය බැසිල් රාජපක්ෂගේ විදේශ ගමන් තහනම මාර්තු මස දක්වා ඉවත්කර තිබේ. ඔහුට ඇති චෝදනාව රාජ්‍ය මුදල් සාවද්‍ය පරිහරණයය. පාර්ලිමේන්තු මන්ත‍්‍රී නාමල් රාජපක්ෂගේ විදේශ ගමන් තහනම පෙබරවාරි මස දක්වා ඉවත්කර තිබේ. මුදල් විශුද්ධිකරණය ඔහුට ඇති චෝදනාවය. හිටපු ජනාධිපති ලේකම් ලලිත් වීරතුංගගේ විදේශ ගමන් තහනම මාර්තු මස දක්වා ඉවත් කර තිබේ. ඔහුට ඇත්තේද රාජ්‍ය මුදල් සාවද්‍ය පරිහරණය පිලිබඳ චෝදනාවය.

පසුගිය රාජපක්ෂ පාලනයට අදාල රාජ්‍ය මුදල් සාවද්‍ය පරිහරණය, මුදල් විශුද්ධිකරණය හා ඝාතන ඇතුළු අපරාධ චෝදනා සම්බන්ධ සිද්ධිවලට අදාල ඉදිරි නඩු දිනවලදී විරුද්ධ නොවීම යන මෙම ප‍්‍රවණතාවය තවදුරටත් අපට අසන්නට, දකින්නට ලැබෙනවාට සැක නැත.

එහිදී සිදුවිය හැක්කේ ඉහත කී නම් ලැයිස්තුව දිගුවීම පමණය.

ස්වාධීන ආයතන පද්ධතියක් හා ස්වාධීන නිලධාරී තන්ත‍්‍රයක් ක‍්‍රියාත්මක වන්නේ ඊට අදාල නිදහස් සාධාරණ හා ප‍්‍රාජාතන්ත‍්‍රවාදී පරිසරයකදී පමණක් බව මේ ප‍්‍රවණතා අපට පෙන්වා දෙයි.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි