21.6 C
Sri Lanka
26 September,2021

විනිශ්චයකාර, නීතිපති අනුමැතිය නෑ, දුමින්දට දුන් සමාව ව්‍යවස්ථාවට පටහැනියි

Must read

භාරත ලක්‍ෂ්මන් ප්‍රේමචන්ද්‍ර මහතා ඇතුළු සිව් දෙනකු වෙඩි තබා ඝාතනය කිරීම හා තවත් චෝදනා යටතේ මරණ දඬුවම් ලැබ බන්ධනාගාරගතව සිටි දුමින්ද සිල්වා මහතාට ජුනි 24 වැනිදා ලබා දුන් විශේෂ ජනාධිපති සමාව, එවැනි සමාවක් ලබාදීම සඳහා රටේ ඉහළම නීතිය වන ආණ්ඩුක්‍රම ව්‍යවස්ථාවෙන් නියම කර ඇති කොන්දේසි නොසලකා ලබාදී ඇති බව වාර්තා වෙයි.

අධිකරණයකින් මරණ දඬුවම නියමවූවකුට ජනාධිපති සමාව දීම සඳහා නඩුව විභාග කළ විනිශ්චයකාරවරයාගෙන්, නීතිපතිවරයාගෙන් හා අධිකරණ ඇමතිවරයාගෙන් අදාළ අනුමැතීන් ලබාගත යුතුය.

එහෙත් දුමින්ද සිල්වා මහතාට ජනාධිපති සමාව ලබාදී තිබෙන්නේ ඉහත කී කිසිවකුගෙන් නියමිත අනුමැතිය ලබා නොවන බව නීතිපති දෙපාර්තමේන්තුවේ හා අධිකරණ අමාත්‍යාංශයේ විශ්වාස කටයුතු ආරංචි මාර්ගවලින් දැනගන්නට තිබේ.

ජනාධිපතිවරයාගේ විශේෂ සමාව දීමේ බලයට පනවා ඇති කොන්දේසි ගැන ආණ්ඩුක්‍රම ව්‍යවස්ථාවේ 43 වැනි ව්‍යවස්ථාවේ සඳහන් වන්නේ මෙලෙසිනි.

‘එසේ වූ යම් වරදකරුවකුට අධිකරණයකින් මරණ දඬුවම නියම වූ විටක ජනාධිපතිවරයා විසින් ඒ නඩුව විභාග කළ විනිශ්චයකාරවරයාගෙන් වාර්තාවක් ලබා ගැනීමට සැලැස්විය යුත්තේ ය.

එම වාර්තාව ජනාධිපතිවරයා වෙත ලැබුණු විට, ඒ පිළිබඳව නීතිපතිවරයාගේ උපදෙස් දීමෙන් පසුව නීතිපතිවරයාගේ ඒ උපදෙස් සමග එය අධිකරණ විෂය භාර අමාත්‍යවරයා වෙත යැවිය යුතු බව නියම කොට ජනාධිපතිවරයා විසින් එය නීතිපතිවරයා වෙත යැවිය යුත්තේ ය. ඉන්පසු ඒ අමාත්‍යවරයා විසින් සිය නිර්දේශ ද සමග එම වාර්තාව ජනාධිපතිවරයා වෙත එවිය යුත්තේ ය.’

භාරත ලක්‍ෂ්මන් ඝාතනය සම්බන්ධයෙන් වූ නඩුව විභාග කළේ ත්‍රිපුද්ගල විනිශ්චය මණ්ඩලයකින් සමන්විත මහාධිකරණයක් විසිනි. දුමින්ද සිල්වාට සමාව දීම සඳහා එම විනිසුරුවරුන් තිදෙනාගෙන් වාර්තාවක් හෝ, නීතිපතිවරයාගෙන් උපදෙස් හෝ ලැබී නැති බවට දැනගත්තට තිබේ. අධිකරණ අමාත්‍යවරයාගේ නිර්දේශද දුමින්ද සිල්වාට සමාව දීම සඳහා ලැබී නැති බව එම අමාත්‍යාංශයේ අභ්‍යන්තර ආරංචි මාර්ග කියයි.

දුමින්ද සිල්වා මහතාට පොසොන් පොහොය නිමිත්තෙන් ජුනි 24වැනිදා විශේෂ ජනාධිපති සමාව ලබාදුන් බව අනිද්දා කල විමසීමකදී, බන්ධනාගාර මාධ්‍ය ප්‍රකාශක චන්දන ඒකනායක පැවසීය.

ත්‍රිපුද්ගල මහාධිකරණයෙන් මරණ දඬුවම ලැබූ දුමින්ද සිල්වා මහතා, එම දඬුවමට විරුද්ධව ශ්‍රේෂ්ඨාධිකරණයට අභියාචනයක් කළ අතර, ශ්‍රේෂ්ඨාධිකරණයේ පංච පුද්ගල විනිශ්චය මණ්ඩලය ඒකමතිකව ඔහුගේ දඬුවම තහවුරු කළේය.■

 

 

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි