No menu items!
27.5 C
Sri Lanka
29 March,2024

විධායක ජනාධිපති ක්‍රමය අහෝසියට 21 බාරදෙයි

Must read

මහජනයා විසින් සෘජු ඡන්දයෙන් තෝරා පත්කරගන්නා විධායක ජනාධිපති ක්‍රමය අහෝසි කිරීම ඇතුළු නැවත 19 වැනි සංශෝධනයේ තිබූ ප්‍රතිපාදන ආණ්ඩුක්‍රම ව්‍යවස්ථාවට ඇතුළත් කිරීම සම්බන්ධයෙන් වූ 21 වැනි ව්‍යවස්ථා සංශෝධනය පිළිබඳ කෙටුම්පත විපක්ෂනායක සජිත් ප්‍රේමදාස කතානායකවරයාට බාරදී තිබේ.


එම සංශෝධනවලට අනුව ජනාධිපතිවරයාව පාර්ලිමේන්තුව මගින් තෝරා පත්කරගන්නා අතර ඔහුගේ ධුර කාලය සාමාන්‍යයෙන් වසර පහක් ලෙස සඳහන් කර තිබේ. එමෙන්ම අමාත්‍ය මණ්ඩලයේ ප්‍රධානියා යන්න ජනාධිපතිවරයාගෙන් ඉවත් කර ඇති අතර ඒ අනුව අමාත්‍ය මණ්ඩලයේ ප්‍රධානියා වන්නේ අගමැතිවරයාය.


19 වැනි සංශෝධනයේ තිබූ ආකාරයට ආණ්ඩුක්‍රම ව්‍යවස්ථා සභාවට ස්ථාපිත කිරීමට යෝජනා කර ඇති අතර ස්වාධීන කොමිෂන් සභාද ඒ ආකාරයටම ස්ථාපිත කිරීමට යෝජනා කර ඇත.
එමෙන්ම කැබිනට් අමාත්‍යවරුන් සංඛ්‍යාව 25 දක්වා සීමා කිරීමටද, කැබිනට් නොවන රාජ්‍ය හා නියෝජ්‍ය ඇමතිවරුන් සංඛ්‍යාවේ එකතුව 25කට සීමා කිරීමටද යෝජනා කර ඇත. එමෙන්ම පාර්ලිමේන්තුවට තේරී පත්වන පක්ෂය මාරුකර වෙනත් පක්ෂයක් විසින් නිර්මාණය කරන ආණ්ඩුවක තනතුරු දැරීමද වළක්වා ඇති අතර අලුතින් ජාතික ආරක්ෂක සභාවක් යෝජනා කර ඇත.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි