26.6 C
Sri Lanka
2 December,2021

විදුලි බිඳවැටීමක් ගැන
ඉංජිනේරු සංගමයෙන් අනතුරු ඇඟවීමක්

Must read

ඇමරිකාවේ නිව් ෆෝට්රස් සමාගම සමග ආණ්ඩුව ඇතිකරගෙන ඇති රටට අහිතකර ගිවිසුම්වලට එරෙහිව සිය සංගමය වෘත්තීය සමිති ක්‍රියාමාර්ගවලට එළැඹී ඇති බවත් එම ක්‍රියාමාර්ග මගින් ඕනෑම අවස්ථාවක විදුලිය බිඳ වැටීමක් සිදුවිය හැකි බවත් ලංකා විදුලි බල මණ්ඩල ඉංජිනේරු සංගමයේ සභාපති සෞම්‍ය කුමාර පවසයි.


ටෙන්ඩර් පටිපාටියෙන් තොරව කෙරවළපිටිය යුග දනවි බලාගාරයේ සියයට හතලිහක කොටස් අයිතිය හා එල්එන්ජී ගෑස් සැපයීමේ ඒකාධිකාරය එම සමාගමට ලබාදීමට එරෙහිව ඉංජිනේරු සංගමය මෙම තීරණය ගෙන ඇත.

එම තීරණයට අදාළ සවිස්තරාත්මක ලිපියක් ඉංජිනේරු සංගමය විෂයභාර අමාත්‍ය ගාමිණී ලොකුගේට ඔක්තෝබර් 23 දින සහිතව යවා ඇති අතර ඇමතිවරයාට එහි අවධාරණය කර ඇත්තේ නිව් ෆෝට්රස් සමාගම සමග එල්එන්ජී ගෑස් ලබා ගැනීම ඇතුළුව ආණ්ඩුව සිදු කිරීමට යන කටයුතු ඉදිරියට ගෙන යන්නේ නම් ඉදිරි දැනුම්දීමකින් තොරව එම සංගමය ලෙස හා අනෙකුත් වෘත්තීය සමිති සමග දැඩි වෘත්තීය සමිති ක්‍රියාමාර්ග ගැනීමට නියමිත බවයි.


එහි පිටපත් ජනාධිපති ලේකම්වරයාට, මුදල් අමාත්‍යාංශ ලේකම්වරයාට, බලශක්ති අමාත්‍යාංශ ලේකම්වරයාට, ලංකා විදුලි බල මණ්ඩලයේ සභාපතිවරයා හා සාමාන්‍යාධිකාරිවරයාට යොමුකර තිබේ. ලංවිම සාමාන්‍යාධිකාරිවරයාට යොමුකර ඇති පිටපතට අදාළව අවධාරණය කර ඇත්තේ එම සංගමය වෘත්තීය සමිති ක්‍රියාමාර්ගවලට එළැඹී ඇති බව හා ඉදිරි දැනුම් දීමකින් තොරව ඕනෑම අවස්ථාවක වෘත්තීය සමිති ක්‍රියාමාර්ගවල නිරතවන බවට එම දැනුම් දීම සැලකිය යුතු බවය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි