19.8 C
Sri Lanka
16 October,2021

ව්‍යවස්ථා අර්බුදය ගැන පළමු පෙත්සම ශ්‍රේෂ්ඨාධිකරණයට තවත් පාර්ශ්ව මැදිහත් වෙන්න ලෑස්තියි

Must read


ජනාධිපති ගෝඨාභය රාජපක්ෂ මාර්තු 02 වැනිදා පාර්ලිමේන්තුව විසුරුවාහැරීමට නිකුත් කළ ගැසට් නිවේදනයෙන් මාස තුනක් ගතවීමට පෙර මැතිවරණය පැවැත්වීමට නොහැකි වීමත්, විසුරුවාහරින ලද පාර්ලිමේන්තුව කැඳවීමට ජනාධිපතිවරයා එකඟ නොවීමත් නිසා ඇතිව තිබෙන ආණ්ඩුක‍්‍රම ව්‍යවස්ථා අර්බුදයට අදාල පළමුවැනි මූලික අයිතිවාසිකම් පෙත්සම ශ්‍රේෂ්ඨාධිකරණයට ඉදිරිපත් කර ඇත.


මැයි 02 වැනිදා එම පෙත්සම ඉදිරිපත් කර ඇත්තේ සමගි ජන බලවේගයේ මැතිවරණ අපේක්ෂකයෙකු වන මෛත‍්‍රී ගුණරත්නගේ පුත්, නීතිඥ චරිත ගුණරත්න විසිනි.
පාර්ලිමේන්තු මැතිවරණය ජුනි 20 වැනිදා පැවැත්වීම සඳහා මැතිවරණ කොමිෂන් සභාව නිකුත් කර තිබෙන නිවේදනය ආණ්ඩුක‍්‍රම ව්‍යවස්ථාවට පටහැණි බවත්, එම ගැසට් නිවේදනය බල රහිත කරමින් නියෝගයක් නිකුත් කරන ලෙසත් එම පෙත්සමෙන් ඉල්ලා ඇත.

පෙත්සමේ වගඋත්තරකරුවන් ලෙස මැතිවරණ කොමිසමේ සාමාජිකයන්, ජනාධිපති ලේකම්, සෞඛ්‍ය සේවා අධ්‍යක්ෂ ජෙනරාල් සහ නීතිපතිවරයාව නම්කර ඇත.

ජනාධිපතිවරයා පාර්ලිමේන්තුව විසුරුවාහැරීමට ගැසට් නිවේදනය නිකුත් කළේ මාර්තු 02 වැනිදා බවත්, එම දිනයෙන් මාස තුනක් නොඉක්මවන කාලසීමාවක් ඇතුළත මැතිවරණය පැවැත්වීම අත්‍යාවශ්‍ය කරුණක් බවත් එම පෙත්සමෙන් පෙන්වාදී ඇත. ඒ අනුව ජුනි 02 වැනිදාට පෙර මැතිවරණය පැවැත්විය යුතු බව ඔහු පෙන්වාදී ඇත. ඊට අමතරව කොවිඞ්-19 වසංගත තත්වය නිසා රට තුළ නිදහස් හා සාධාරණ මැතිවරණයක් පැවැත්විය නොහැකි බවත් එම පෙත්සමෙන් තර්ක කර ඇත.


මෙම ව්‍යවස්ථා අර්බුදයට පසුගිය කාලසීමාවේදී ඇතිවූ සාකච්ඡුාවලදී එයට අදාලව අදාලව වෙනත් මත ඉදිරිපත් කර තිබුණි. ඒ පිළිබඳව අනිද්දා කළ විමසීම්වලදී ප‍්‍රකට නීතිඥවරුන් කිහිපදෙනෙකු පෙන්වාදුන්නේ ඉදිරි දින කිහිපයේදී තවත් මූලික අයිතිවාසිකම් පෙත්සම් සහ මෙම මූලික අයිතිවාසිකම් පෙත්සමට වෙනත් පාර්ශ්වයන් මැදිහත්වීම සිදුවනු ඇති බවත් ඒ අනුව ආණ්ඩුක‍්‍රම ව්‍යවස්ථාවෙහි ඇති වෙනත් කරුණු සහ පනත් ආදිය සැලකිල්ලට ගනිමින් දැන් ඇතිව තිබෙන ව්‍යවස්ථා අර්බුදය ගැන ශ්‍රේෂ්ඨාධිකරණයේ සම්පූර්ණ අර්ථකථනයක් ලබාගැනීමට හැකිවනු ඇති බවත්ය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි