17.7 C
Sri Lanka
21 January,2022

ලාන්සාට රාජපක්ෂවරු අත නොතැබීම

Must read

ආණ්ඩුව විවේචනය කිරීම සම්බන්ධයෙන් සුසිල් ප්‍රේම්ජයන්ත මහතාට එරෙහිව ගත් ක්‍රියාමාර්ගය අණ්ඩුව විවේචනය කරන නිමල් ලාන්සා රාජ්‍ය ඇමතිවරයාට එරෙහිව ගන්නේ නැතැයි හිටපු ජනාධිපති මෛත්‍රීපාල සිරිසේන පවසා ඇත.


ඒ සුසිල් ප්‍රේම්ජයන්ත මහතා ආණ්ඩුව විවේචනය කිරීම සම්බන්ධයෙන් රාජ්‍ය අමාත්‍ය ධුරයෙන් ජනාධිපතිවරයා අස්කිරීම ගැන අදහස් දක්වමින්ය.


එහිදී හිටපු ජනාධිපති මෛත්‍රීපාල සිරිසේන වැඩිදුරටත් පවසා ඇත්තේ රාජ්‍ය ඇමති නිමල් ලාන්සාට අත නොතිබීමට හේතුව ඔහු දන්නා බවත්, රාජපක්ෂවරුන් සම්බන්ධයෙන් නිමල් ලාන්සා රාජ්‍ය ඇමතිවරයා ඔක්කෝම විස්තර දැන සිටීම ඊට හේතුව බවත්ය.
සුසිල් ප්‍රේම්ජයන්ත මහතා දෙල්කඳ පොළේදී ආණ්ඩුව විවේචනය කළේ ජනවාරි 04 වැනිදා වන අතර නිමල් ලාන්සා රාජ්‍ය ඇමතිවරයා ආණ්ඩුව ගැන ඔහුගේ විවේචනය කර තිබුණේ 01 වැනිදා මීගමුවේ පැවති උත්සවයකින් පසු මාධ්‍යයට අදහස් දක්වමින්ය. එහිදී නිමල් ලාන්සා රාජ්‍ය ඇමතිවරයා කියා තිබුණේ තමා තනතුරුවලට බයේ තනතුරු ආරක්ෂා කරගැනීමට උත්සහ කරන අයකු නොවන බවත්, තනතුරු අතහැර යෑමට සූදානම් බවත්, මෙම ඉල්ලීම් කරන්නේ ජනතාව වෙනුවෙන් බවත්, ඒවාට අදාළ පාර්ශ්ව ඇහුම්කන් නොදේනම් ජනතාව සමඟ එකතුවී එම පිරිස් එළවීමට සූදානම් බවත්ය.
ඔහු එහිදී වැඩිදුරටත් කියා තිබුණේ මුතුරාජවෙල පවරා ගැනීමේ ගැසට් පත්‍රය වහාම අවලංගු කළ යුතු බවත් හා ඒ සම්බන්ධයෙන් ජනතාව සමඟ එකතු වී සටන් කරන බවත්ය. මුතුරාජවෙලට අදාළ ගැසට් පත්‍රය නිකුත් කරන ලද්දේ ජනාධිපතිවරයා වන අතර ඒ අනුව නිමල් ලාන්සා රාජ්‍ය ඇමතිවරයාගේ එම අදහස් දැක්වීම ජනාධිපතිවරයාට එරෙහි එකකි. හිටපු ජනාධිපති මෛත්‍රීපාල සිරිසේන එම අදහස් දැක්වීම දැක තිබුණේ සුසිල් ප්‍රේම් ජයන්ත මහතා හයේ පාරවල් එකක් ගසද්දී නිමල් ලාන්සා හයේ පාරවල් දෙකක් ගැසීමක් වශයෙන්ය.


ජනාධිපතිවරයා ඇතුළු රාජක්ෂවරුන් හිටපු ජනාධිපති මෛත්‍රීපාල සිරිසේන කියන අයුරින් නිමල් ලාන්සා රාජ්‍ය ඇමතිවරයාට බයද නැද්ද යන්න හා ඒ ඇයිද යන්න අපි නොදනිමු. එහෙත් අප දන්නා අතීත එක් ප්‍රසිද්ධ සිදුවීමක් තිබේ. ඒ මහින්ද රාජපක්ෂ ජනාධිපති සමයේදී මීගමුවේ පිහිටි නිමල් ලාන්සාගේ නිවස විශේෂ කාර්ය බලකාය විසින් කිසිවකුට එයට යෑමට හෝ ඒමට නොහැකි ලෙස වැටලු බවත්, ඒ අවස්ථාවේදී එවක ජනාධිපති මහින්ද රාජපක්ෂ ගුවනින් පැමිණ නිමල් ලාන්සාගේ නිවසට ගොස් ඔහු වැළඳගත් බවත්ය.
විශේෂ කාර්ය බලකා මෙහෙයුම එතැනින්ම අවසන් වූ අතර එදා ඔවුන් එම නිවස වැටලුවේ ඇයිද යන්න අදටත් අබිරහසකි. එසේම එම වැටලීමේදී සොයා ගත්තේ මොනවාද යන්න අදටත් අබිරහසකි.


ඒ අබිරහස අප නොදන්නවාට එවක ජනාධිපති මහින්ද රාජපක්ෂ මෙන්ම එවක ආරක්ෂක අමාත්‍යාංශයේ ලේකම් වශයෙන් කටයුතු කළ වත්මන් ජනාධිපති ගෝඨාභය රාජපක්ෂත් දැන සිටීම නිමල් ලාන්සාට අත නොතැබීමට හේතුවද?■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි