25.8 C
Sri Lanka
28 September,2021

ලංකාවේ කොවිඩ් මරණ අනුපාතය ඉන්දියාව අභිබවා යයි

Must read

ලෝක කොවිඩ් දත්ත විශ්ලේෂණ වාර්තාවේ නවතම සටහන් අනුව ලංකාවේ කොවිඩ් මරණ අනුපාතය ඉන්දියාවේ කොවිඩ් මරණ අනුපාතය ඉක්මවා ගොස් ඇති බව පෙන්නුම් කරයි.

පසුගිය සතියේ කොවිඩ් මරණ දත්තවලට අනුව ලංකාවේ ජනගහනයෙන් මිලියනයකට සිදුවන කොවිඩ් මරණ අනුපාතය 2.39 ක් දක්වා ඉහළ ගොස් අතර පසුගිය සතියේ ඉන්දියාවේ ජනගහනයෙන් මිලියනයකට සිදුවූ කොවිඩ් මරණ සංඛ්‍යාව 2.38 ක් ලෙස සටහන් වී ඇත.

එමෙන්ම එක්සත් රාජධානියේ මිලියනයකට සිදුවන කොවිඩ් මරණ අනුපාතය 0.13 ක් සහ නවසීලන්තයේ 0.00 ක් ලෙස කොවිඩ් 19 මරණ පිළිබඳ ලෝක දත්ත විශ්ලේෂණ වාර්තාව පසුගිය සතියේ සටහන් කර තිබේ..

ජුනි 13 දිනට ලංකාවේ සිදුව ඇති කොවිඩ් මරණ සංඛ්‍යාව 2,073 කි. ඉන් මරණ 1216 ක් පුරුෂයින් වන අතර 857 ක් කාන්තාවන් බව වසංගත රෝග විද්‍යා අංශයේ නිල වාර්තා සඳමන් කරයි. සමස්ත කොවිඩ් මරණවලින් සියයට 42.35 ක් වයස අවුරුදු 61 – 75 ත් අතර අයවලුන්ය.

ලෝක දත්ත වාර්තාවට අනුව ජනගහනය මිලියනයකට කොවිඩ් ආසාදිතයින් සංඛ්‍යාව ජූනි 07 වන දිනට ලංකාවේ 9712 කි. බංග්ලාදේශයේ එම සංඛ්‍යාව සටහන් වන්නේ 4936 ක් වශයෙනි. භූතානයේ 2207 ක් වන අතර, පකිස්ථානයේ 4232 ක් ලෙස සඳහන් වේ. ඒ අනුව ලංකාවේ කොවිඩ් ආසාදිත සංඛ්‍යාව ජනගහනයෙන් මිලියනයකට වාර්තා වීම ඉහළ අනුපාතයක් ගෙන ඇති බව තවදුරටත් පෙන්නුම් කරයි.

ලංකාවේ පසුගිය සතියේ පීසීආර් පරීක්ෂණ 189,252 ක් සිදු කර ඇති බව වසංගත රෝග විද්‍යා අධ්‍යයන අංශයේ නිල වාර්තා සටහන් කරයි. ලංකාවේ රෝගීන් වාර්තා වීම පීසීආර් පරීක්ෂණ සංඛ්‍යාව අඩු වැඩි වීම මත රඳා පවතින බව නියෝජ්‍ය සෞඛ්‍ය සේවා අධ්‍යක්ෂ ජෙනරාල් වෛද්‍ය හේමන්ත හේරත් ජුනි 12 මාධ්‍ය සාකච්ඡාවක් අතරතුරේදී පවසා තිබේ. රටේ දෛනිකව සිදු වන මරණ වාර්තා වීම ඉහළ යමින් තිබෙන බවත් එහිදී නිවෙස් තුළම සිදුවන මරණ සංඛ්‍යාව ඉහළ යාමක් වාර්තා වෙමින් තිබෙන බවත් නියෝජ්‍ය සෞඛ්‍ය සේවා අධ්‍යක්ෂ ජෙනරාල්වරයා තවදුරටත් පවසා තිබේ.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි