19.9 C
Sri Lanka
16 October,2021

රෑ අට වනතුරුත් ගැසට් නිවේදනය අවසන් කරලා නෑ

Must read

කොළඹ සහ ගම්පහ දිස්ත‍්‍රික්කවල ඇඳිරි නීතිය මැයි 11 වැනිදා සිට ක‍්‍රියාත්මක වන ආකාරය පිළිබඳවත්, නැවත විවෘත කළ හැකි සේවාවන් පිළිබඳවත් නිශ්චිත තොරතුරු ඇතුළත් වන ගැසට් පත‍්‍රය මැයි 10 වැනිදා රාත‍්‍රී 8 වනවිටත් සම්පූර්ණ කොට නොමැති බව වාර්තා වේ.

එම ගැසට් නිවේදනය පිළිබඳව මැයි 10 වැනිදා රාත‍්‍රී 8ට විමසීමකදී ජනාධිපති මාධ්‍ය අංශයේ අධ්‍යක්ෂ ජෙනරාල් මොහාන් සමරනායක ප‍්‍රකාශ කළේ තවමත් එම ගැසට් නිවේදනය අවසන් කරමින් පවතින බවය.

මැයි 10 වැනිදා රාත‍්‍රියේ ජනාධිපති මාධ්‍ය අංශය නිකුත් කළ මැයි 11 වැනිදා සිට කොළඹ සහ ගම්පහ දිස්ත‍්‍රික්කවල ඇඳිරි නීතිය ක‍්‍රියාත්මක වන බව සඳහන් නිවේදනය පිළිබඳව විමසීමේදී ඔහු ප‍්‍රකාශ කළේ ඊට පෙර නිවේදන වලින් සඳහන් කළ පරිදි අත්‍යාවශ්‍ය සේවාවන් ක‍්‍රියාත්මක කළ හැකි නමුත්, ඇඳිරි නීතිය ක‍්‍රියාත්මක වන බවය.

ඒ අනුව වෙළඳසැල්, රාජ්‍ය ආයතන හා රටේ ආර්ථික ක‍්‍රියාකාරීත්වය පවත්වාගැනීමට අදාල අනෙකුත් ආයතන ආරම්භ කළ හැකි බව ඔහු කීය. එම ආයතනවල සේවකයන්ට රාජකාරී සඳහා පිටත්විය හැකි බව ඔහු කීය. කෙසේ වෙතත් අත්‍යාවශ්‍ය කටයුත්තකට හැර සාමාන්‍ය පරිදි නිවෙස්වලින් පිටව ගමන් කළ නොහැකි බවත්, අනෙකුත් පුද්ගලයන් නිවෙස්වල සිටිය යුතු බවත් ඔහු කීය.

ඒ අනුව පෙර නිවේදන වලින් සඳහන් කර ඇති පරිදි ‘ජන ජීවිතය යථාතත්වය පත්කිරීමේ’ සැලසුම් ක‍්‍රියාත්මක වන බව ඔහු කීය.

මේ පිළිබඳ මැයි 10 වැනිදා රාත‍්‍රියේ නිකුත් කිරීමට නියමිත ගැසට් නිවේදනයෙන් නිශ්චිතව කරුණු පැහැදිළි කිරීමක් සිදුකරන බව ඔහු කීය.

https://news.gettopten.com/%e0%b7%84%e0%b7%99%e0%b6%a7-%e0%b6%bb%e0%b6%a7-%e0%b6%85%e0%b6%bb%e0%b7%92%e0%b6%b1%e0%b7%80%e0%b7%8f%e0%b6%bd%e0%b7%96-%e0%b6%92%e0%b6%ad%e0%b7%8a-%e0%b6%ad%e0%b7%80%e0%b6%b8-%e0%b6%9c%e0%b7%90/
- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි