No menu items!
29.7 C
Sri Lanka
29 March,2024

රාජ්‍ය සේවක වෘත්තිය සමිති 21ක් මැතිවරණය ගැන අනතුරු හඟවයි

Must read


කොවිඞ්-19 වසංගතය පිළිබඳ අවදානම පහව ගොස් නැති පසුබිමක හදිසි මහමැතිවරණයක් පැවැත්වීමට උත්සාහ කළහොත්, රාජ්‍ය සේවකයන් අවදානමකට ලක්වනු ඇති බව රාජ්‍ය සේවකයන්ගේ වෘත්තීය සමිති 21ක් ඒකාබද්ධව මැතිවරණ කොමිෂන් සභාව වෙත දැනුම්දී තිබේ.


අපේ‍්‍රල් 18 වැනිදා මැතිවරණ කොමිසම වෙත එම ලිපිය යොමුකර ඇත.
රාජ්‍ය සේවකයන් ලක්ෂ දෙකක් පමණ මැතිවරණ රාජකාරීවල යෙදිය යුතු අතර තම වෘත්තීය සමිතිවල අදහස්වලට දැඩි අවධානයක් යොමුකරන ලෙස මැතිවරණ කොමිසමෙන් එල්ලා තිබේ.


චීනයේ හා දකුණු කොරියාවේ මීට පෙර කොවිඞ්-19 සුවවූ රෝගීන්ට පවා නැවත රෝගය වැළඳී ඇතැයි තහවුරු වී ඇති පසුබිමක වසංගතයේ අවදානම ඉවත්ව නොමැති බවත්, මැතිවරණය පැවැත්වීමෙන් වසංගතය වර්ධනය විය හැකි බවත් එම ලිපියෙන් දන්වා තිබේ.


එම සම්පූර්ණ ලිපිය මෙසේය.
‘මහ මැතිවරණය පැවැත්වීම සම්බන්ධවයි
කොවිඞ්-19 ගෝලීය වසංගත තත්ත්වයක් බවට පත්වී ඇති අවස්ථාවක ශ‍්‍රී ලංකාවේ මහ මැතිවරණය පැවැත්වීම ගැන යළිත් වරක් කතාබහක් ඇතිවී තිබේ. මේ සම්බන්ධයෙන් සාකච්ඡුා කිරීමට මැතිවරණ කොමිෂන් සභාව 20 වැනි දා රැස්වන බව ද ජනමාධ්‍ය වාර්තා කළේය.


ශ‍්‍රී ලංකාවේ කොවිඞ්-19 අවදානම පහව ගොස් ඇති බවක් මේ වන තෙක් සෞඛ්‍ය අංශ මගින් තහවුරු කර නොමැත. නිරෝධායනය වූ කිහිප දෙනෙකුට ද කොරෝනා ආසාදනය වී ඇති බව සෞඛ්‍ය අංශ තහවුරු කර තිබේ. චීනයේ මෙන්ම දකුණු කොරියාවේ ද කොරෝනා ආසාදනය වී සුව වූ බවට තහවුරු කළ රෝගීන් පවා යළිත් වරක් රෝගයට ගොදුරු වී ඇති වාතාවරණයක ගෝලීය වශයෙන් පවතින මෙම වසංගත තත්වය තවමත් පහව ගොස් නැත. මෙම වාතාවරණය තුළ මැතිවරණ කොමිසම විසින් මැතිවරණය කල් දැමීමට හේතු වූ තත්වයන් තවමත් ඉවත් වී නොමැත.


මෙවැනි වාතාවරණයක මැතිවරණයක් පැවැත්වීමේදී මැතිවරණ රාජකාරිවල නිරත වන ලක්ෂ දෙකකට වැඩි රජයේ නිලධාරීන්ගේ ආරක්ෂාව සම්බන්ධයෙන් අවධානය යොමු කිරීම මැතිවරණ කොමිසමේ වගකීමකි. මැතිවරණ ක‍්‍රියාවලියේදී ජාතික හැඳුනුම්පත පරීක්ෂා කිරීම හා ඇගිලිවල තීන්ත ආලේප කිරීම මැතිවරණ නිලධාරීන්ට පැවරෙන ප‍්‍රධාන රාජකාරියකි.


පසුගිය ජනාධිපතිවරණයේදී ඡන්දය භාවිත කිරීම සදහා විදේශගත ශ‍්‍රී ලාංකිකයින් ලංකාවට පැමිණි අතර, එය ඉහළ අගයක් ගත්තේය. ලංකාවේ මැතිවරණවලදී විදේශීය නිරීක්ෂකයන්ගේ පැමිණීම ද සිදුවෙයි. ගෝලීය වසංගතයත් සමඟ විදේශගත ශ‍්‍රී ලාංකිකයන්ට ඡන්දය දැමීමට ලංකාවට පැමිණීමේ අවස්ථාව සලසාදීම ද ගැටලූසහගත විය හැකි අතර, විදේශීය නිරීක්ෂකයන්ගේ පැමිණීම ද ගැටලූසහගත විය හැකිය.


එමෙන්ම පවතින තත්ත්වය හමුවේ ඡන්දදායකයින් ඡුන්දපොළවලට පැමිණිම සැකසහිත විය හැකිය. මහ මැතිවරණයේ දී ජනතාව කුඩා කණ්ඩායම් වශයෙන් හෝ ඒකරාශී වීම නොවැළැක්විය හැකිය. රජයේ නිලධාරීන්ට මැතිවරණය පිළිබඳව සැසි රැුසක් පැවැත්වීම සාමාන්‍ය ක‍්‍රමය වන අතර මෙවැනි වාතාවරණයක එලෙස සිදු කිරීමෙන් ඔවුන්ගේ ආරක්ෂාව සම්බන්ධයෙන් ගැටලූ ඇතිවිය හැකිය.
විශේෂයෙන්ම මහ මැතිවරණය ගැන අවධානය යොමු කරමින් කටයුතු කරද්දී කොරෝනා මර්දනය සම්බන්ධයෙන් අවධානය අඩුවීම තුළින් කොරියාවේ සහ චීනයේ මෙන් යළිත් වරක් වසංගත තත්ත්වය ඉහළට මතුවීමේ අවදානම සෞඛ්‍ය අංශ මගින් ප‍්‍රතික්ෂේප කර නැත.


මේ තත්වය තුළ මෙම ඉල්ලීම් ඉදිරිපත් කරන රාජ්‍ය අංශයේ සේවකයින් නියෝජනය කරන අප වෘත්තීය සමිති පැහැදිලිව ඉල්ලා සිටින්නේ මැතිවරණ රාජකාරිවල යෙදෙන නිලධාරීන්ගේ ආරක්ෂාව පිළිබඳව මෙන්ම මහජනතාවගේ ඡන්ද හිමිකම පිළිබඳව තීරණ ගැනීමේදී අප ඉදිරිපත් කරන කරුණු සම්බන්ධයෙන් බරපතළ අවධානයක් යොමු කරන ලෙසයි.’


ලංකා ගුරු සංගමය, සමස්ත ලංකා රාජ්‍ය කළමනාකරණ නිළධාරීන්ගේ සංගමය, ශ‍්‍රී ලංකා තැපැල් හා විදුලි සංදේශ සේවා සංගමය, පළාත් කළමණාකරණ සේවා නිළධාරින්ගේ සංගමය, ජාතික තැපැල් හා විදුලි සංදේශ සේවක සංගමය, දුම්රිය ඒකාබද්ධ පෙරමුණ, තොරතුරු හා විදුලි සංදේශ සියලූ සේවක සංගමය, රජයේ කර්මාන්තශාලා සේවක සංගමය, එක්සත් ජාතික තැපැල් සේවක සංගමය, එක්සත් තැපැල් හා විදුල් සංදේශ සේවක සංගමය, ශී‍්‍ර ලංකා නිදහස් තැපැල් වෘත්තියවේදීන්ගේ සංගමය, ලංකා වාත්තීය සමිති සම්මේලනය, රජයේ ආහාර නිරීක්ෂිකා සංගමය, එක්සත් ලංකා පවුල් සෞඛ්‍ය සේවා නිළධාරීන්ගේ සංගමය, ජාතික නිදහස් වෘත්තීය සමිති සම්මේලනය, වාරිමාර්ග පොදු සේවක සංගමය, ආණ්ඩුවේ කම්කරු සමිති සම්මේලනය, ආපදා කළමනාකරණ මධ්‍යස්ථානයේ සේවක වෘත්තීය සමිතිය, දුම්රිය ශේණිගත වෘත්තීය සමිති එකතුව, දුම්රිය සේවක සංගමය, දුම්රිය කම්කරු එකතුව එම ලිපියට අත්සන් තබා ඇත.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි