22.9 C
Sri Lanka
27 October,2021

රජය කෙරෙහි අප‍්‍රසාදය ඇතිකළ 05ක් අත්අඩංගුවට : පොලිස් මාධ්‍ය ප‍්‍රකාශක

Must read


අන්තර්ජාලය ඔස්සේ රජය කෙරෙහි අප‍්‍රසාදය ඇතිවන අන්දමේ ප‍්‍රකාශ කළ බවට චෝදනා කරමින් 05 දෙනෙකු අපේ‍්‍රල් 03 වැනිදා දහවල් වන විට අත්අඩංගුවට ගෙන ඇතැයි පොලිස් මාධ්‍ය ප‍්‍රකාශක පොලිස් අධිකාරී ජාලිය සෙනෙවිරත්න පැවසීය.


ඒ පිළිබඳව අප කළ විමසීමකදී ඔහු එසේ ප‍්‍රකාශ කළේය. එලෙස පුද්ගලයන් අත්අඩංගුවට ගන්නේ කුමන නීතිය යටතේදැයි විමසීමේදි ඔහු ප‍්‍රකාශ කළේ, පරිගණක අපරාධ ආඥා පනත යටතේ මහජන සාමය බිඳවැටෙන අන්දමින් කටයුතු කිරීමට අදාළව දැනට අත්අඩංගුවට ගෙන ඇති පුද්ගලයන් පස්දෙනා අත්අඩංගුවට ගත් බවය. මීට අමතරව ජාතීන් අතර වෛරය ඇතිවෙන අන්දමේ ප‍්‍රකාශ කළහොත් ඉදිරියේදී සිවිල් හා දේශපාලන අයිතිවාසිකම් පිළිබඳ ජාත්‍යන්තර සම්මුතිය පනත (අයිසීසීපීආර්) යටතේ අත්අඩංගුවට ගැනීමට බලාපොරොත්තු වන බවද මාධ්‍ය ප‍්‍රකාශකවරයා කීය.


යම් පුවතක් වැරදි හෝ නිවැරදි බව, ආණ්ඩුව අපහාස වෙනවාද නැද්ද යන්න තහවුරු කරගන්නේ කෙසේදැයි විමසූ අවස්ථාවේදී ඔහු ප‍්‍රකාශ කළේ ඇතැම් කරුණු වැරදිද නිවැරදිද යන්න විමර්ශනය කරන නිලධාරීන් ලවා අදාල නිල ආයතනවලින් තහවුරු කරගන්නා බවය. උදාහරණයක් ලෙස කොවිඞ්-19 රෝගයෙන් මියගිය රෝගීන් සංඛ්‍යාව ලෙස වැරදි සංඛ්‍යාවක් සඳහන් කළහොත් එය සෞඛ්‍ය සේවා අධ්‍යක්ෂ ජෙනරාල්වරයාගෙන් විමසන බව ඔහු පැවසීය.


රජය අපහසුතාවට පත් කිරීම හෝ නොකිරීම හඳුනාගන්නේ කෙසේද, එය අදහස් ප‍්‍රකාශ කිරීමට ඇති මූලික අයිතියට බාධාවක් නොවන ආකාරයට කරන්නේ කෙසේද යන කරුණු පිළිබඳව විමසූ විට ජාලිය සෙනෙවිරත්න මහතා පැවසුවේ ආණ්ඩුව පිළිබඳව විවේචනාත්මකව කතාකිරීමේ අයිතිය සීමා නොකරන නමුත්, ඇතැම් විට මේ මොහොතේ කැපවීමෙන් කටයුතු කරන රජයේ නිලධාරීන් අධෛර්යවත් කරන අන්දමේ කරුණු පළකරන පුද්ගලයන් පිළිබඳව ක‍්‍රියාත්මක වන බවය. රජයේ නිලධාරීන්ගේ සුළු වැරදි උපුටා දක්වමින් රජයේ ක‍්‍රියාවලිය ගැන අවිශ්වාසය සහ සැකය ඇතිකරන අන්දමේ කරුණු පළකරන පුද්ගලයන් සම්බන්ධයෙන් නීතිය ක‍්‍රියාත්මක කරන බව ඔහු කීය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි