20.8 C
Sri Lanka
25 May,2022

රංගජීව නිදහස් කළාට අභියාචනයක්

Must read

වැලිකඩ බන්ධනාගාරයේ රැඳවියන් ඝාතනය කිරීම සම්බන්ධයෙන් කොළඹ ත්‍රිපුද්ගල මහාධිකරණය ලබාදුන් තීන්දුවේ පළමු විත්තිකරු නිදහස් කිරීම සම්බන්ධයෙන් අභියාචනයක් ඉදිරිපත් කරන ලෙස නීතිපතිවරයාගෙන් ඉල්ලා සිටීමට බලාපොරොත්තු වන බව සිරකරු අයිතිවාසිකම් සුරැකීමේ කමිටුවේ නීතිඥ සේනක පෙරේරා පැවසීය.
ඒ සඳහා ඝාතනයට ලක්වූ සිරකරුවන්ගේ ඥාතීන්ගෙන් එම සංවිධානයට ඉල්ලීම් ලැබී ඇතැයිද ඔහු පැවසීය.


යම් ආකාරයකින් පළමු විත්තිකරු නිදහස් කිරීම සම්බන්ධයෙන් නීතිපතිවරයා අභියාචනයක් සිදුනොකරන්නේ නම් ඒ සඳහා විශේෂ අධිකරණ අවසරයක් ඉල්ලීමට බලාපොරොත්තු වන බවද ඔහු පැවසීය.


ඔහු පැවසුවේ එම නඩුවේ දෙවන විත්තිකරුට ලබාදුන් දඬුවම නීත්‍යනුකූල නොවන නියෝග ක්‍රියාත්මක කරන්නට යන බන්ධනාගාර නිලධාරීන් ආදර්ශයට ගත යුතු එකක් බවත් අවසානයේ දඬුවම් ලබන්නේ නියෝග දුන් අය නොව ඒවා ක්‍රියාත්මක කළ අය වන නිසා බවත්ය. එසේම තමන් භාරයේ සිටින සිරකරුවන් ආරක්ෂා කිරීම වගකීමද එම තීන්දුවෙන් අවධාරණයට ලක්කරන බවය.


එසේම ඔහු තවදුරටත් පැවසුවේ අධිකරණය මගින් යම් යුක්තියක් ලැබුණද එය කුණු කූඩයට තත්වයක්ද ඇති බවත් ඒ සඳහා හේතුව වන්නේ අධිකරණයෙන් දඬුවම් ලැබූ පුද්ගලයින්ට ජනාධිපතිවරුන් සමාව දීම බවත්ය.


2012 වර්ෂයේ සිදුවූ වැලිකඩ බන්ධනාගාර රැඳවියන් ඝාතනය කිරීමේ සිද්ධිය සම්බන්ධයෙන් විභාග වූ මෙම නඩුවේ තීන්දුව ගිහාන් කුලතුංග, ප්‍රදීප් හෙට්ටිආරච්චි හා මංජුල තිලකරත්න යන කොළඹ ත්‍රිපුද්ගල මහාධිකරණ විනිසුරු මඩුල්ල විසින් ජනවාරි 12 වැනිදා ප්‍රකාශයට පත්කළ අතර ඒ අනුව එම නඩුවේ දෙවන විත්තිකරු වූ එවකට වැලිකඩ බන්ධනාගාරයේ අධිකාරිවරයා වශයෙන් කටයුතු කළ එමිල් රංජන් ළමාහේවාට මරණ දඬුවම නියම කළේය. එහි පළමු විත්තිකරු වූ පොලිස් මත්ද්‍රව්‍ය කාර්යංශයේ පොලිස් පරීක්ෂක නියොමාල් රංගජීව චෝදනාවලින් නිදහස් කළේය. ■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි