No menu items!
26.2 C
Sri Lanka
28 March,2024

මිලිටරි සබඳතා දැඩිකිරීමට චීනය-ලංකාව එකඟ වෙයි

Must read

■ අනුරංග ජයසිංහ

චීනය සහ ශ්‍රී ලංකාව අතර මිලිටරි සම්බන්ධතා ශක්තිමත් කිරීමටත් රටවල් දෙක සමීප මිලිටරි ක්‍රියාකාරකම්වල යෙදීමටත් ජනාධිපති ගෝඨාභය රාජපක්ෂ හා චීන ආරක්ෂක ඇමති වෙයි ෆෙන්ජි අතර පැවැති සාකච්ඡාවේදී අවධානය යොමුකර ඇතැයි වාර්තාවේ.

අප්‍රේල් 27-29 දිනවල චීන ආරක්ෂක අමාත්‍යවරයා කළ ශ්‍රී ලංකා සංචාරය පිළිබඳ චීන තානාපති කාර්යාලය නිකුත් කර ඇති නිවේදනයේ ඒ බව සඳහන් වේ.

ඊට අමතරව අග්‍රාමාත්‍ය මහින්ද රාජපක්ෂද චීන ආරක්ෂක ඇමතිවරයා හමු වූ අවස්ථාවේදීද මිලිටරි ක්ෂේත්‍රය ඇතුළු ක්ෂේත්‍ර ගණනාවක් සඳහා චීනයේ සහයෝගය අවශ්‍ය බව ප්‍රකාශ කළේයැයි එම නිවේදනයේ සඳහන්ය. චීන කොමියුනිස්ට් පක්ෂයෙන් රාජ්‍ය පාලනයේ පාඩම් ඉගෙන ගැනීමට කැමැත්තක් දක්වන බව ජනාධිපති ගෝඨාභය රාජපක්ෂ පැවසීයැයි එම නිවේදනයේ වැඩිදුරටත් සඳහන්ය.

චීනයේ වන් බෙල්ට් වන් රෝඩ් ව්‍යාපෘතිය වෙනුවෙන් රටවල් දෙකම ඒකාබද්ධව කටයුතු කරමින් සිටින බව එම සාකච්ඡාවලදී චීන ආරක්ෂක ඇමතිවරයා ප්‍රකාශ කළ බවද නිවේදනයේ සඳහන් වේ.හොංකොං, තායිවාන් ආදි රටවල සිදු වූ ප්‍රශ්නවලදී ශ්‍රී ලංකාවේ ස්ථාවරය පිළිබඳ චීනය ස්තූතිවන්ත වන බවත්, ශ්‍රී ලංකාවට අදාළ මානව හිමිකම් ප්‍රශ්නවලදී ඉදිරියට සහයෝගය ලබා දෙන බවත් චීන ආරක්ෂක ඇමතිවරයා එම සාකච්ඡා කියා තිබේ. ■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි