25.7 C
Sri Lanka
23 October,2021

මැතිවරණ උසාවියක්
කොමිසම ඉල්ලයි

Must read

■ ඉඳුවර බණ්ඩාර

මැතිවරණ වැරදි සම්බන්ධයෙන් කටයුතු කිරීමට මැතිවරණ විනිශ්චයාධිකරණයක් පිහිටුවිය යුතු බව මැතිවරණ කොමිසමේ සභාපති නිමල් පුංචිහේවා ප්‍රකාශ කළ බව පාර්ලිමේන්තුවේ සන්නිවේදන අංශය නිවේදනය කරයි.


එමෙන්ම මැතිවරණ වැරදි සම්බන්ධයෙන් නඩු පැවරීමේ බලය මැතිවරණ කොමිෂන් සභාවට ලබාදිය යුතු බවද ඔහු ප්‍රකාශ කර ඇති අතර ඔහු මෙම ප්‍රකාශ කර ඇත්තේ මැතිවරණ සහ ඡන්ද විමසීම්

ව්‍යුහයේ හා නීති රීතිවල ප්‍රතිසංස්කරණ හඳුනා ගැනීමටත් ඒ සම්බන්ධයෙන් අවශ්‍ය සංශෝධන ඉදිරිපත් කිරීමටත් වන පාර්ලිමේන්තු විශේෂ කාරක සභාව හමුවේය. එම විශේෂ කාරක සභාව සැප්තැම්බර් 29 වැනිදා රැස්වී ඇත.


ජාතික වශයෙන් ලියාපදිංචි පක්ෂ, පිළිගත් පක්ෂ හා ප්‍රාදේශීය පක්ෂ වශයෙන් වර්ගකර දේශපාලන පක්ෂ ලියාපදිංචි කිරීමේ ක්‍රමවේදයක් සැකසිය යුතු බවද, ස්වාධීන කණ්ඩායම්වලට පමණක් සීමාවී ඇති ඇප මුදල් තැන්පත් කිරීම් දේශපාලන පක්ෂවලටත් අදාල කළ යුතු බවද, මිශ්‍ර හා සමානුපාතික මැතිවරණ ක්‍රමයක් රටට යෝග්‍ය බවද, ඒ අනුව පාර්ලිමේන්තු මන්ත්‍රීවරුන් 225න් 140ක් කේවල ක්‍රමය යටතේ තෝරාගත යුතු බවද, 70ක් සමානුපාතික ක්‍රමය යටතේ තෝරා පත්කළ යුතු බවද ඉතිරි 15 දෙනා ජාතික ලැයිස්තුවෙන් තෝරා පත්කර ගතයුතු බවද, ජනතා නියෝජිතයින් ආපසු කැඳවීමේ ක්‍රමවේදයක් පැවතිය යුතු බවද ඒ සඳහා සුදුසු ක්‍රමවේදයක් සැකසිය යුතු බවද පුංචිහේවා මහතා එහිදී ප්‍රකාශ කර ඇත.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි