21.6 C
Sri Lanka
26 September,2021

මාස 9ක් ගතවුණත් නැගෙනහිර මුහුදේ ගිනිගත් නිව් ඩයමන්ඩ් නැවට නඩු දාලා නෑ

Must read

මාස නවයකට පෙර ශ්‍රී ලංකාවේ නැගෙනහිර මුහුදේ ගිනිබත් වූ එම්ටී නිව් ඩයමන්ඩ් ඉන්ධන නෞකාවෙන් සිදු වූ හානියට වන්දි ලබා ගැනීම සඳහා එම නෞකාව අයිති සමාගමට එරෙහිව අධිකරණයක නඩු පැවරීම තවමත් සිදු කර නැතැයි වාර්තා වේ.

මේ පිළිබඳ විමසීමකදී සමුද්‍රීය පරිසර ආරක්ෂණ අධිකාරියේ සාමාන්‍යාධිකාරි ටර්නි ප්‍රදීප් කුමාර ප්‍රකාශ කළේ නඩු පැවරීම කළ යුත්තේ නීතිපති දෙපාර්තමේන්තුව බවය. එම සිදුවීමට අපරාධ නඩු විධාන සංග්‍රහය අනුව එක් නඩුවක් පවතින බවත්, තමා දන්නා වන්දි ඉල්ලීම සඳහා තවත් නඩුවක් පැවරීම සිදු කිරීමට නියමිත බවත් ඔහු වැඩිදුරටත් පැවසීය.

එම නෞකාව ගිනිබත්වීම පිළිබඳ අපරාධ පරීක්ෂණ දෙපාර්තමේන්තුව සිදු කළ විමර්ශනයේ කරුණු කොළඹ ප්‍රධාන මහේස්ත්‍රාත් අධිකරණයට රජයේ ජ්‍යෙෂ්ඨ අධිනීතිඥ නීතිඥ දිලීප පීරිස් දැනුම් දී තිබුණේ 2020 සැප්තැම්බර් 11 වැනිදාය. එම නෞකාවේ ගින්න මැඩපැවැත්වීම පිණිස නෞකාවේ කපිතාන්වරයා සහ සේවක පිරිස පියවර ගෙන තිබුණේ නැති බව එහිදී අධිකරණයට කරුණු වාර්තා කර තිබුණි.

පසුගිය සතියේ ගිනිබත් වූ එක්ස්ප්‍රස් පර්ල් නෞකාවටද නුදුරේදීම නඩු පවරන බවත් ඒ සඳහා ලිපිගොනු නීතිපති දෙපාර්තමේන්තුවට ලබා දී ඇති බවත් ටර්නි ප්‍රදීප් කුමාර මහතා වැඩිදුරටත් කීය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි