20.3 C
Sri Lanka
21 September,2021

මාතලේ මහෙස්ත්‍රාත් තවත් අලියකු නිදහස් කරයි

Must read

ලියාපදිංචියක් නොමැතිව සන්තකයේ රඳවාගෙන සිට අත්අඩංගුවට ගෙන රජයේ බාරයට ගත් තවත් අලියකු නිදහස් කරන ලෙස මාතලේ මහේස්ත්‍රාත්වරයා නියෝග කර ඇති අතර ඒ අනුව එම අලියා සැප්තැම්බර් 09 දින පින්නවල අලි සංරක්ෂණාගාරයෙන් නිදහස් කරගෙන ගොස් ඇත.


මාතලේ මහෙස්ත්‍රාත්වරයා සැප්තැම්බර් 06 දින සහිතව ජාතික සත්වෝද්‍යාන දෙපාර්තමේන්තුවේ අධ්‍යක්ෂ ජනරාල්ට ලිඛිත නියෝගයක් යොමු කරමින් එම අලියා නිදහස් කිරීමේ නියෝගය ලබාදී ඇත.


අපරාධ පරීක්ෂණ දෙපාර්තමේන්තුව හෙවත් සීඅයිඩීය මාතලේ මහෙස්ත්‍රාත් අධිකරණයට කරන ලද දැනුම් දීමක් අනුව මෙම නියෝගය කර ඇති අතර උකුවෙල නුගපිටිය ලිපිනයේ පදිංචි කමතේ ගෙදර තිලකරත්න යන අයට එම අලියා මුදා හැර ඇත.


එම තිලකරත්න යන අය සන්තකයේ සිටියදී ලියාපදිංචි නොකළ එම අලියා බලකඩුව ප්‍රදේශයේදී මාතලේ පොලීසියේ නිලධාරීන් අත්අඩංගුවට ගෙන ඇති අතර වනජීවි දෙපාර්තමේන්තුවට බාරදීමෙන් පසු අධිකරණ නියෝග මත පින්නවල අලි සංරක්ෂණාගාරයේ රඳවා තිබී ඇත.


මෙයට පෙර කොළඹ මහෙස්ත්‍රාත් අධිකරණය ලියාපදිංචියක් නොමැති නිසා රජයේ බාරයට ගෙන නඩු පවරා තිබූ අලි 13 දෙනෙකු හා ලියාපදිංචියක් නොමැතිව තබාගෙන සිට රජයට බාරදුන් ජනාධිපති ගෝඨාභය රාජපක්ෂගේ අලියකුද නිදහස් කරන ලෙස නියෝග කළේය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි