26.6 C
Sri Lanka
25 May,2022

මධුෂ් ඇතුළු සගයෝ පිටුවහල්

Must read

පසුගිය පෙබරවාරිහිදී ඩුබායි පොලීසිය අත්අඩංගුවට ගනු ලැබූ මාකඳුරේ මධුෂ්, අමල් පෙරේරා ඇතුළු පිරිස මෙරටට පිටුවහල් කරන්නට ඩුබායි අධිකරණය තීරණය කර ඇතැයි දැනගන්නට ලැබේ.

මත්ද්‍රව්‍ය භාවිත කළායැයි චෝදනා කරමින් අත්අඩංගුවට ගනු ලැබූ මෙම පිරිස ශ‍්‍රී ලංකා රජයයේ බලවත් ඉල්ලීම මත  මෙලෙස පිටුවල් කරන්නට තීරණය කර ඇතැයි දැනගන්නට ලැබේ. එහෙත් මාකඳුරේ මධුෂ් ඇතුළු 19 දෙනෙකු ශ‍්‍රී ලංකාවට පිටුවහල් කරන්න එපා කියමින් එරට අධිකරණයට ඇපෑලක් ඉදිරිපත් කිරීම නිසා මෙම පිටුවහල් කිරීමේ ක‍්‍රියාවලිය යම් පමණකට ප‍්‍රමාද වනු ඇති බව ඩුබායි ආරංචි මාර්ග ප‍්‍රකාශ කරයි.

ඩුබායි අධිකරණයේ මෙම තීරණයත් සමගපසුගිය මාර්තු 28 වැනිදා උදෑසන වනවිට මෙම පිරිසෙන් පුද්ගලයින් 6 දෙනෙකු මෙරටට පිටුවහල් කර තිබුණු අතර ඔවුන් අතර මධුෂ් ඇතුළු කන්ජිපානි ඉම්රාන් නමැත්තා සහ අමල් පෙරේරාගේ පුත් ගායක නදීමාල් පෙරේරා සිට ඇත. මොවුන් අතරින් නදීමාල් පෙරේරා අපරාධ පරීක්ෂණ දෙපාර්තමේන්තුව ප‍්‍රශ්න කිරීමෙන් පසුව මුදාහැර ඇත. අනෙක් පුද්ගලයින් 5දෙනා පොලීසිය අත්අඩංගුවට ගෙන ප‍්‍රශ්න කරමින් සිටී. එම පස්දෙනා අතර බන්ධානාගාර නිලධාරියෙකුද සිටින අතර බන්ධනාගාර දෙපාර්තමේන්තුව ඔහුගේ සේවය මේ වනවිට අත්හිටුවා ඇත. x

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි