25.8 C
Sri Lanka
28 September,2021

මතක්වෙන්නේ රතුපස්වල, රොෂේන් චානක හා ඇන්ටනිය

Must read

මහමග උද්ඝෝෂණයේ යෙදෙන්නන් අත්අඩංගුවට ගන්නේ ඔවුන් මර්දනය කිරීමේ අදහසින් නොව කොවිඩ් පැතිරීම වැළැක්වීමේ පියවරක් වශයෙන් බව ජනාධිපති ගෝඨාභය රාජපක්ෂ ජුලි 13 දින ‘අරුණ’ පුවත්පතට විශේෂ ප්‍රකාශයක් ලබා දෙමින් පවසා ඇත.

රටේ අනිකුත් මාධ්‍යවලට දූරකථනයෙන්වත් සම්බන්ධකර ගැනීමට බැරි ජනාධිපතිවරයා එම පුවත්පතට විශේෂ ප්‍රකාශයක් ලබාදීමේ අරුමයක් නැත. මන්ද එම පුවත්පතේ හිමිකරු ජනාධිපතිවරයාගේ අතිජාත මිත්‍රයා වන හෙයිනි. පසුගිය යහපාලන ආණ්ඩු සමයේදී නඩුවල පැටලී උසාවි මඟහරිමින් සිටි සමයේදී ජනාධිපතිවරයාගේ නඩුවලට නොමිලේ පෙනී සිටීමට වත්මන් අධිකරණ ඇමති අලි සබ්රි පවා හඳුන්වා දී තිබුණේ එම පුවත්පතේ හිමිකාර දිලිත් ජයවීර නිසාය.

එම විශේෂ ප්‍රකාශයේදී ජනාධිපතිවරයා තවදුරටත් කියා ඇත්තේ නිරෝධායන නීතිවලට අනුගත නොවී උද්ඝෝෂණවලට ජනතාව ඒකරාශි කරන්නේ ජනතා අවශ්‍යතාවක් වෙනුවෙන් නොවන බවයි. වගාවට පොහොර නැත්නම් එය ඉල්ලීමටත්, ධීවරයන්ට වන්දි නැත්නම් එය ඉල්ලීමටත් නිරෝධායන නීති රකිමින් උද්ඝෝෂණය කිරීම ජනතා අවශ්‍යතාවකි. රටේ උසස් අධ්‍යාපනය සම්බන්ධ ආණ්ඩුවේ තීරණයකට එකඟ විය නොහැකි එය ප්‍රකාශ කිරීමද ජනතා අවශ්‍යතාවකි. ජනතා අවශ්‍යතාව කුමක්ද යන්න තීන්දු කිරීමේ බලයත් ජනාධිපතිවරයා රැගෙන ඇති බව මෙයින් පෙන්නුම් කෙරේ.

එසේම එහි අවධාරණය කර ඇත්තේ උද්ඝෝෂණ කිරීම ජනතා අයිතියක් බව තමා ඉහළින්ම පිළිගන්නා බවත්, ඒ සඳහා ජනාධිපති කාර්යාලය අසල ස්ථානයක් වෙන්කර පහසුකම් දුන් එකම ජනාධිපතිවරයා තමා බවත්, වසංගත සමයේ එතැනට ගොස් උද්ඝෝෂණ නොකර රට පුරා උද්ඝෝෂණ කරන්නේ වෙනත් අරමුණකින් බවත්ය.
ඔහු වෙන්කර දුන් ස්ථානයේ උද්ඝෝෂණ කළාම නිරෝධාන නීතිවලට ප්‍රශ්නයක් නොමැති වන්නේ හා එතැනදී වසංගතය බෝ නොවන්නේ කෙසේදැයි අපට ප්‍රශ්නයකි. ජනාධිපතිවරයාට ඇති අනෙක් ප්‍රශ්නය රට පුරා උද්ඝෝෂණය කිරීමය. එහි අවුල දැන් පැහැදිලිය. සෞඛ්‍ය සේවා අධ්‍යක්ෂ ජනරාල්වරයා ලියුම් ගසා ඇත්තේ හා පොලීසිය උද්ඝෝෂකයන් වෙනුවෙන් ක්‍රියාකර ඇත්තේ ඒ වෙනුවෙන්ය.

උද්ඝෝෂණය කිරීම ජනතා අයිතියක් බව ජනාධිපතිවරයා පිළිගැනීම අපට මතක් කරන්නේ ඔහු පසුගිය මහින්ද රාජපක්ෂ ආණ්ඩුවේ ආරක්ෂක අමාත්‍යාංශ ලේකම්වරයාව සිටියදී සිදුවූ රතුපස්වල උද්ඝෝෂකයන්ට වෙඩි තබා හමුදාව එම අයිතිය පිළිගත් ආකාරයය. කටුනායක උද්ඝෝෂණයේදී රොෂේන් චානක වෙඩි තබා මරා දැමීමය. හලාවත ධීවර උද්ඝෝෂණයේදී වෙඩි තබා ඇන්ටනී මරා දැමීමය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි