22.4 C
Sri Lanka
26 October,2021

මංගල ගැන එජාප මතගැටුම්

Must read

හිටපු අමාත්‍ය මංගල සමරවීරට එක්සත් ජාතික පක්ෂයේ මහලේකම් ධුරය ලබාදී නැවත එම පක්ෂයට බඳවාගැනීමට එක්සත් ජාතික පක්ෂ නායක රනිල් වික්‍රමසිංහ යෝජනා කර ඇතත්, එජාප හිටපු පාර්ලිමේන්තු මන්ත්‍රීවරුන් අතරින් වැඩි පිරිසක් එම යෝජනාවට එකඟ වී නොමැති බව වාර්තා වේ.

මංගල සමරවීර සමගි ජන බලවේගය නිර්මාණය කිරීමට මුල් වූ නායකයෙකු බවත් එම නිසා ඔහුට පක්ෂයේ ඉහළ තනතුරක් ලබා දී පක්ෂයට නැවත ගෙන්වා නොගත යුතු බවත් එම මන්ත්‍රීවරුන්ගේ අදහස් වී තිබේ.

එජාප නායක රනිල් වික්‍රමසිංහට හිතවත් හිටපු එජාප පාර්ලිමේන්තු මන්ත්‍රීවරයෙකු ප්‍රකාශ කළේ මංගල සමරවීර නැවත පක්ෂයට ගෙන්වාගැනීමේ අදහස වෙනස් නොකරන බවය.

කෙසේවෙතත් රනිල් වික්‍රමසිංහ සහ මංගල සමරවීර අගෝස්තු 09 වැනිදා මුණගැසී සාකච්ඡාවක් පවත්වා ඇති බවට අගෝස්තු 12 වැනිදා ‘අරුණ’ පුවත්පතේ වාර්තාවෙහි ඇති කරුණු අසත්‍යයක් බවත්, එම සති අන්තයේ මංගල සමරවීර මහතා මහනුවර ප්‍රදේශයේ සිටි බවත් අනිද්දා සමඟ අදහස් දැක්වූ සමරවීර මහතාගේ සමීප හිතවතෙක් කීය. චන්ද්‍රිකා කුමාරතුංග සහ මලික් සමරවික්‍රමද මහනුවර ප්‍රදේශයේ සිටි බව ඔහු කීය.

අගෝස්තු 08 වැනිදා එජාප නායක රනිල් වික්‍රමසිංහ මංගල සමරවීර වෙත දූරකථන ඇමතුමක් ලබාදීම පමණක් කළ බවත්, එය විනාඩි දෙකක ඇමතුමක් පමණක් වූ බවත් ඔහු පැවසීය. එජාපයේ තනතුරු බාරගැනීමේ බලාපොරොත්තුවක් මංගල සමරවීර මහතාට නොමැති බව ඔහු වැඩිදුරටත් පැවසීය.■

 

- Advertisement -

පුවත්

1 COMMENT

  1. රනිල්ගේ විනාශයට , UNP විනාශයට මලික් සමරවික්‍රම සැහෙන්න සේවයක් කළා !

LEAVE A REPLY

Please enter your comment!
Please enter your name here

- Advertisement -

අලුත් ලිපි