17.7 C
Sri Lanka
21 January,2022

බැසිල් කී බදු
තව ඉවත් කර නෑ

Must read

ආනයනය කරනු ලබන අත්‍යවශ්‍ය ආහාර හා ඖෂධ සියලු බදුවලින් නිදහස් කිරීමට ආණ්ඩුව තීරණය කර ඇති බව මුදල් අමාත්‍ය බැසිල් රාජපක්ෂ රාජ්‍ය සේවක වැටුප් වැඩි කිරීම් ඇතුළු සහන ප්‍රකාශයට පත් කිරීම සඳහා ජනවාරි 03 දින පැවැත්වූ මාධ්‍ය හමුවේදී පැවසුවද මෙතෙක් ඒ සම්බන්ධයෙන් කිසිදු නියෝගයක් නිකුත් කර නැත.


බදු නිදහස් කිරීම් සම්බන්ධයෙන් මුදල් අමාත්‍යාංශය චක්‍රලේඛ නිකුත් කිරීම හා ගැසට් ප්‍රකාශයට පත් කිරීම සිදුකළද පුවත්පත මුද්‍රණයට යන ජනවාරි 06 වැනිදා දක්වා එවැන්නක් නිකුත් කර හෝ ප්‍රකාශයට පත්කර නැත.


අත්‍යවශ්‍ය ආහාර හා ඖෂධ සම්බන්ධයෙන් සියලු බදු නිදහස් පකිරීමේ උපදෙසක් මුදල් අමාත්‍යාංශයෙන් ලැබී ඇත්දැයි රේගු මාධ්‍ය ප්‍රකාශක සුදත්ත සිල්වා මහතාගෙන් විමසීමේදී ඔහු ප්‍රකාශ කළේ බදු ඉවත් කිරීම් ගැන ලැබෙන දැනුම් දීම් සිය වෙබ් අඩවියේ පළකරන බවත් මේ කියන කරුණ ගැන එවැන්නක් නැති බවත්ය.


මුදල් අමාත්‍යවරයාගේ මෙම ප්‍රකාශයට පෙර ජනාධිපතිවරයා විසින් ආනයනික අර්තාපල් හා ලොකු ළුෑණුවලට අදාළ විශේෂ වෙළඳ භාණ්ඩ බද්ද අඩුකළ බව ප්‍රකාශයට පත්කළ අතර එයට අදාළව පමණක් චක්‍රලේඛයක් නිකුත් වී තිබේ. ■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි