20 C
Sri Lanka
2 December,2021

බැසිල්ට තවත් ආයතන බෙදයි

Must read

අමාත්‍යවරුන්ට ලබාදී ඇති විෂයන් වෙනස් කිරීම ජනාධිපතිවරයා නැවතත් සිදුකර ඇති අතර ඒ අනුව මුදල් අමාත්‍ය බැසිල් රාජපක්ෂට අලුතින් ආයතන ගණනාවක් එක්කර ඇත.
ඒ රාජ්‍ය ව්‍යාපාර දෙපාර්තමේන්තුව, ජාතික මෙහෙයුම් මැදිරිය, නිවාස සංවර්ධන මූල්‍ය සංස්ථාව, රාජ්‍ය උකස් හා ආයෝජන බැංකුව හා ඌන ක්‍රියාකාරී ව්‍යවසායන් හෝ ඌන උපයෝගිතා වත්කම් පුනරුදය කිරීම (ඉවත් කිරීම) පනත යටතේ මහා භාණ්ඩාගාරයේ ලෙක්ම්වරයා සතකර ඇති ආයතන වේ.


නොවැම්බර් 17 දින අංක 2254/30 දරන අති විශේෂ ගැසට් පත්‍රය යටතේ අමාත්‍යවරුන්ට විෂයන් වෙන්කිරීමේ මෙම වෙනස් කිරීම් සිදුකර ඇත.


එම විෂයන් වෙනස් කිරීම යටතේ අලුතින් ස්ථාපිත කර ඇති හරිත කෘෂිකර්මය පිළිබඳ ජනාධිපති කාර්ය සාධක බලකාය හා එක රටක් එක නීතියක් සඳහා වූ ජනාධිපති කාර්ය සාධක බලකාය ජනාධිපති කාර්යාලය යටතට ගෙන ඇත.


රාජ්‍ය නොවන සංවිධාන සඳහා වන ලේකම් කාර්යාලය රාජ්‍ය ආරක්ෂක හා ආපදා කළමනාකරණ රාජ්‍ය අමාත්‍ය චමල් රාජපක්ෂගෙන් ඉවත් කර විදේශ අමාත්‍ය ජීඑල් පීරිස් යටතට පත්කර තිබේ.


නිපුණතා සංවර්ධන, වෘත්තීය අධ්‍යාපන, පර්යේෂණ හා නව නිපැයුම් රාජ්‍ය අමාත්‍ය සීතා අරඹේපොල යටතේ තිබූ ශ්‍රී ලංකා මුද්‍රණ ආයතනය ඉන් ඉවත් කර ජනමාධ්‍ය අමාත්‍ය ඩලස් අලහප්පෙරුම යටතට පත්කර තිබේ.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි