26.6 C
Sri Lanka
2 December,2021

බලපත‍්‍ර අහෝසි කිරීම නිසා පරිසරය විනාශ වෙනවා

Must read

පරිසර හිතකාමී වැඩසටන් කරන බව කියමින් තම ජනාධිපතිවරණ ප‍්‍රචාරණ කටයුතුවල යෙදුණු ජනාධිපති ගෝඨාභය රාජපක්ෂ සහභාගි වූ ප‍්‍රථම කැබිනට් මණ්ඩල රැස්වීමේදීම ගල්, වැලි සහ පස් ප‍්‍රවාහනය කිරීමේදී බලපත‍්‍ර ලබාගැනීම අහෝසි කිරීමට තීරණය නිසා පරිසරයට විශාල හානියක් සිදු විය හැකි බව පරිසරවේදීහු පවසති.

පරිසරය හා ස්වභාව ධර්මය සුරැුකීමේ සංවිධානයේ කැදවුම්කරු වෑකඳවල රාහුල හිමියන් පැවසුවේ ගංගා ආශ‍්‍රිතව මෙතෙක්  කාලයක්  අනවසරයෙන් පස්, වැලි හාරමින් සිටි වැලි ජාවාරම්කරුවන් මෙම අවසර බලපත‍්‍ර අහෝසි කිරීමෙන් පසුව තමන්ට රිසි ආකාරයෙන් පරිසරයට හානි කරමින් පස් සහ වැලි ජාවාරම්වල නිරත වනු ඇති බවත්ය.

පරිසරවේදී රවින්ද්‍ර කාරියවසම් මහතා පැවසුවේ ශ‍්‍රී ලංකාවේ ඇති ගංගා සහ අතු ගංගා දැනටමත් වැලි ගොඩ දැමීමෙන් ඛාදනය වී ඇති බවය. 2006/227 අංකය දරන ශ්‍රේෂ්ඨාධිකරණ තීන්දුවෙන් මහඔය සහ දැදුරුඔයේ වැලි ගොඩ දැමීම් තහනම් කරමින් තීන්දුවක් ලබා දුන් බවත් එසේ තහනම් කිරීමක් සිදු වුවද පැවැති ආණ්ඩුවල ආධාරයෙන් දිගටම වැලි ගොඩ දැමීම් සිදු වු බවත් මෙසේ ප‍්‍රවාහනය සඳහා ඇති බලපත‍්‍ර අහෝසි කිරීමෙන්  මෙවැනි වැලි ජාවාරම් නීත්‍යනුකූල වන බවත්ය.

පරිසරවේදී තිලක් කාරියවසම් මහතා පැවසූවේ ගල්, වැලි සහ පස් ප‍්‍රවාහනය කිරීමේදී බලපත‍්‍ර ලබාගැනීම අහෝසි කිරීමට කැබිනට් මණ්ඩලය ලබා දුන් තීන්දුව අහෝසි නොකළහොත් පරිසරයට විශාල හානියක් සිදු විය හැකි බවත් පරිසර හිතකාමීව ගස් වවන්න යැයි ජනතාව දැනුවත් කරමින්  පරිසරය සුරැුකීම මූලික කරගනිමින්  තම ජනාධිපතිවරණ ප‍්‍රචාරණ කටයුතුවල යෙදුණු ජනාධිපති ගෝඨාභය රාජපක්ෂ මෙවැනි තීරණවලට එකඟතා පළකිරීම තමන්ට හිත් වේදනාවක් ගෙන දුන් බවත්ය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි