No menu items!
19.9 C
Sri Lanka
29 March,2024

පාර්ලිමේන්තුව එපා යැයි කියමින් පැමිණෙන විසකුරු සර්පයා හඳුනාගත යුතුය

Must read

මැතිවරණ කොමිසම වෙනුවෙන් එහි සභාපතිවරයා පසුගිය අපේ‍්‍රල් 1 දා ජනාධිපති ලේකම් පීබී ජයසුන්දර වෙත ලිපියක් යවා ඇත. මෙම ලිපිය තුළින් ඒ මහතා එම ලේකම්වරයා වෙත අවධාරණය කරන්නේ පාර්ලිමේන්තුව විසුරුවා හැරි මාර්තු මස දෙවෙනිදා සිට මාස තුනක කාලයක් ඉකුත්වෙන්නට ප‍්‍රථම නව පාර්ලිමේන්තුව රැුස් කිරීම සඳහා මැතිවරණය පැවැත්වීම දැන් උද්ගත තත්ත්වය මත දුෂ්කර බව, තම කොමිසමේ නිරීක්ෂණය බවය. මෙනිසා ඇතිවන ගැටලූ මගහරවා ගැනීම සඳහා ශ්‍රේෂ්ඨාධිකරණයේ මගපෙන්වීමක් ලබාගැනීමට ජනාධිපතිවරයා කඩිනමින් ක‍්‍රියාකිරීම යෝග්‍ය බවය.


මෙම ලිපියට ජනාධිපතිවරයාගේ ප‍්‍රතිචාරය තවම දැනගන්නට නැත. අපේ‍්‍රල් මාසයෙන් පසුව රාජ්‍ය මුදල් භාවිතය පිළිබඳව ද ගැටලූවක් උද්ගතව ඇත. මේ සියල්ල සලකා නැවත තිබුණ පාර්ලිමේන්තුවම කැඳවිය යුතු බව විපක්ෂයද ප‍්‍රකාශ කරමින් සිටියි. එහෙත් ආණ්ඩුවට හිතවත්, ගෝඨාභය රාජපක්ෂ මහතාට අතිසමීප මිලිටරි හිතවාදී දේශපාලන නායකයන් සහ සිවිල් ක‍්‍රියාකාරිකයන් සමාජය මත පතුරවා හරිමින් සිටින මතය කුමක්ද? ඔවුන් බොහෝ දෙනෙකුගේ මතය වී ඇත්තේ මේ යන විදිහ හොඳ නිසා නැවත පාර්ලිමේන්තුව කැඳවීම හෝ මැතිවරණය පැවැත්වීම ‘මේ මොහොතේ‘ අනවශ්‍ය බවය. සමාජ මාධ්‍ය තුළද රැුඩිකලූන් සේ පෙනී සිටින බොහෝ දෙනෙකුගේ මතය ද වන්නේ පාර්ලිමේන්තුව නැවත කැඳවීම යනු ‘මේ මොහොතේ‘ රටට අනවශ්‍ය වියදමක් බවය. තවත් පිරිසක් ප‍්‍රකාශ කරන්නේ පාර්ලිමේන්තුව පරිශ‍්‍රය නිරෝධායන මධ්‍යස්ථානයක් කළ යුතු බවය.

මේ සියලූ කතා තුළින් විසකුරු සර්පයෙක් එළියට එයි. එනම් අධිකාරවාදී පාලනයක් මේ රටේ උද්ගත බොහෝ ප‍්‍රශ්නවලට පිළිතුර බවය..! කොවිඞ් මර්දනය සඳහා පත්කළ ජනාධිපති කාර්යසාධක බලකායේ ලොක්කා ලෙස ජනාධිපතිවරයා පත් කළේ යුද්ධ හමුදාපති ශවේන්ද්‍ර සිල්වා ය. මෙම පත්කිරීමද නිදර්ශනයට ගනිමින් පාර්ලිමේන්තුවක් අවශ්‍ය නැත යන්න සමාජය තුළ පැලපදියම් කිරීමට මේ මොහොතේ බොහෝ දෙනෙකු වැඬේට බැස ඇත. ඔවුන් දැනට කියන්නේ ‘මේ මොහොතේ‘ පාර්ලිමේන්තුව අවශ්‍ය නැති බවය. එහෙත් මේ වසංගතය කෙළවරවූ පසු ‘බලන්න පාර්ලිමේන්තුව නැති නිසානේ ඔය වැඬේ ඔච්චර සාර්ථකව කළේ‘ යැයි කියමින් මේ මොහොතේ යන්න හැමදාටම ලෙස වෙනස් කළ හැකිය. එනිසා පාර්ලිමේන්තුව ඕනෑ නෑ කියමින් එළියට එන මේ විසකුරු සර්පයා හඳුනාගත යුතුය.

- Advertisement -

පුවත්

  1. Janapathi thumage Hakiyawan Anisi lesa prayojnayata ganimata, Awsthawadi chawura ha Bankoloth Deshapaluwan pirisak Manabalaminsitiyi,, owungen Prathilabalabana Dusilwath Cheewaradarin da Civil sanvidanada owunge Aramunuwalata Galapenlesata Janapathi thumata Upades Sapayayi.. Janappathithuma Adikaranaye Mathaya Vimasimath Sarwapakshika Sakachcha Magin Idiriyedi Prajathanthrawadiwa Palanayak Athikirimath Kaleena awashyathawayaki…

LEAVE A REPLY

Please enter your comment!
Please enter your name here

- Advertisement -

අලුත් ලිපි