No menu items!
27.4 C
Sri Lanka
29 March,2024

ප්‍රමිති ආයතනයට දුන්
චීන වාර්තාවේත් බැක්ටීරියා

Must read

චීනයේ කින්ඩාවෝ සමාගමේ ඝන කාබනික පොහොර සම්බන්ධයෙන් ෂටර් රසායනාගාරයෙන් ලබාගත් වාර්තාවේ එම පොහොරවල අහිතකර බැක්ටීරියා නොමැති බවට තහවුරු කර ඇතැයි එම සමාගම උපුටා දක්වමින් මාධ්‍ය වාර්තා පළවුවද ශ්‍රී ලංකා ප්‍රමිති ආයතනයට චීනයට අයත් ෂටර් රසායනාගාරය ලබාදුන් පළමු වාර්තාවල බැක්ටීරියා ඇති බව සඳහන් වන බව වාර්තාවේ.


කෝලිෆෝම් නැමැති බැක්ටීරියාව යම් ප්‍රමාණයක් එම පොහොරවල තිබෙන බවට එම වාර්තාවල සඳහන් වන බවත් අංක 1704/21 දරන ශ්‍රී ලංකා ප්‍රමිතිය අනුව කිසිදු ක්ෂුද්‍ර ජීවියකු ඒ ආකාරයේ කාබනික පොහොරක සිටිය නොහැකි බවත් වාර්තාවේ.


එමෙන්ම වැඩිදුරටත් වාර්තා වන්නේ එම පොහොර ගනුදෙනුවේ මුදල් ලබා ගැනීම සඳහා චීනයේ කින්ඩාවෝ සමාගම ශ්‍රී ලංකා ප්‍රමිති ආයතනයට ලබාදුන් ෂටර් සමාගමේ රසායනාගාර වාර්තා නොව වෙනත් රසායනාගාර වාර්තාවක් ලබාදී ඇති බවය. ඒ මගින් ව්‍යාජ ලියවිලි බැංකුවට ලබාදීමක් එම සමාගම කර ඇති බවය.


එම පොහොර සාම්පල සම්බන්ධයෙන් ශාක නිරෝධායන සේවයේ කළ පරීක්ෂණයේදී ශාකවලට අහිතකර බැසිලස් ගණයට හා අර්වීනියා ගණයට අයත් ක්ෂුද්‍ර ජීවීන් සිටින බවට හඳුනා ගැනුණු අතර ඒ ශාක නිරෝධායන සේවයට අවස්ථා දෙකකදී ලැබුණු සාම්පල් දෙකක් පරීක්ෂා කිරීමෙන්ය. පළමු සාම්පලය අගෝස්තු 31 දින ලැබී ඇති අතර එහි වාර්තාව සැප්තැම්බර් 8 වැනිදා නිකුත් කර ඇත. එම සාම්පලයට අතරමඟදී ක්ෂුද්‍ර ජීවීන් එකතුකර ඇති බවට කෘෂිකර්ම ඇමති මහින්දානන්ද අලුත්ගමගේ චෝදනා කිරීමෙන් පසු නැවත සැප්තැම්බර් 11ත් 14ත් අතර කාලයේදී කින්ඩාවෝ සමාගමේ නිෂ්පාදනාගාරයේ හා නැව්ගත කරන තොගයේ සාම්පල් ලබා ගැනීම ශ්‍රී ලංකා ප්‍රමිති ආයතනය වෙනුවෙන් ෂටර් සමාගම සිදුකර ඇති අතර එම සාම්පල් සම්බන්ධයෙන් ෂටර් සමාගමේ වාර්තාව සැප්තැම්බර් 23 සහිතව ප්‍රමිති ආයතනයට එවා ඇත.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි